છૂટાછેડાનું મંદિર ! 600 વર્ષ જૂના આ મંદિરનો છે અનોખો ઇતિહાસ, જાણો ક્યાં આવેલુ છે આ સ્થળ
Divorce Temple: દુનિયામાં એવી ઘણી જગ્યાઓ છે જે પોતાના વિચિત્ર ઈતિહાસ માટે જાણીતી છે. આવી ઘણી જગ્યાઓ તમને ભારતમાં જ જોવા મળશે, પરંતુ અહીં અમે તમને એક એવા મંદિર વિશે જણાવવા જઈ રહ્યા છીએ, જેના વિશે જાણીને તમે પણ ચોંકી જશો.
Divorce Temple: દુનિયામાં એવી ઘણી જગ્યાઓ છે જે પોતાના વિચિત્ર ઈતિહાસ માટે જાણીતી છે. આવી ઘણી જગ્યાઓ તમને ભારતમાં જ જોવા મળશે, પરંતુ અહીં અમે તમને એક એવા મંદિર વિશે જણાવવા જઈ રહ્યા છીએ, જેના વિશે જાણીને તમે પણ ચોંકી જશો. આ મંદિરને ડિવોર્સ ટેમ્પલ કહેવામાં આવે છે.
આ મંદિરનું નામ માત્સુગાઓકા ટોકેઈ-જી છે. જે જાપાનમાં આવેલુ છે. 12મી અને 13મી સદી દરમિયાન જાપાની સમાજમાં છૂટાછેડા માટેની જોગવાઈઓ ફક્ત પુરુષો માટે જ કરવામાં આવી હતી. એ જમાનામાં પુરૂષો પોતાની પત્નીઓને ખૂબ જ સરળતાથી છૂટાછેડા આપી શકતા હતા, પરંતુ આ મંદિરના દરવાજા તે મહિલાઓ માટે ખુલ્યા જે ઘરેલુ હિંસા કે અત્યાચારનો ભોગ બની હતી.
આ મંદિરનો છે અનોખો ઇતિહાસ
છૂટાછેડા મંદિર ચોક્કસપણે થોડું વિચિત્ર લાગે છે, પરંતુ તેની પાછળ પણ એક વાર્તા છે. જો લોકોનું માનીએ તો ટોકાઈ-જીનો ઈતિહાસ લગભગ 600 વર્ષ જૂનો છે. આ મંદિર જાપાનના કામકુરા શહેરમાં છે. આ મંદિર ઘરેલું હિંસાનો ભોગ બનેલી મહિલાઓનું ઘર માનવામાં આવે છે. એવું કહેવાય છે કે સદીઓ પહેલા મહિલાઓ પોતાના અત્યાચારી પતિઓથી છુટકારો મેળવવા માટે આ મંદિરમાં શરણ લેતી હતી.
તમને જણાવી દઈએ કે આ મંદિરનું નિર્માણ કાકુસન-ની નામની સાધ્વીએ તેમના પતિ હોજો ટોકિમુનને લઇને બનાવ્યુ હતું. તે ન તો તેના પતિથી ખુશ હતી અને ન તો તેની પાસે છૂટાછેડા લેવાનો કોઈ રસ્તો હતો.
આ રીતે છૂટાછેડા થતા હતા
જાપાનમાં કામાકુરા યુગમાં મહિલાઓના પતિ કોઈ પણ કારણ આપ્યા વગર તેમના લગ્ન તોડી શકતા હતા. આ માટે તેણે સાડા ત્રણ લીટીની નોટિસ લખવી પડી હતી. લોકોના મતે લગભગ ત્રણ વર્ષ સુધી આ મંદિરમાં રહીને મહિલાઓ પોતાના પતિ સાથે સંબંધ તોડી શકતી હતી. બાદમાં તે ઘટાડીને બે વર્ષ કરવામાં આવ્યું હતું.
પુરુષોને આવવાની પરવાનગી ન હતી
વર્ષ 1902 સુધી મંદિરમાં પુરુષોને સખત પ્રતિબંધ હતો. પરંતુ આ પછી, જ્યારે એન્ગાકુ-જીએ 1902 માં આ મંદિરની સંભાળ લીધી, ત્યારે તેમણે એક પુરુષ મઠાધિપતિની નિમણૂક કરી.
Latest News Updates
