Pakistan News: ‘ભારત અમારા માટે ખુબ જ મહત્વનું’, પાકિસ્તાને સંયુક્ત રાષ્ટ્રમાં ફરી કાશ્મીરનો મુદ્દો ઉઠાવ્યો
સંયુક્ત રાષ્ટ્ર મહાસભાના 78મા સત્રની સામાન્ય ચર્ચા દરમિયાન કાકરે કહ્યું કે પાકિસ્તાન હંમેશા તેના પાડોશી દેશ સાથે સારા સંબંધો રાખવા માંગે છે. તેમણે કહ્યું કે પાકિસ્તાન ભારત સાથે શાંતિપૂર્ણ અને ફળદાયી સંબંધો જાળવવાનો પ્રયાસ કરી રહ્યું છે.
Pakistan News: પાકિસ્તાનના વચગાળાના વડાપ્રધાન અનવર ઉલ હક કાકર (Anwar Ul Haq Kakar) પણ પૂર્વ વડાપ્રધાનોના પગલે ચાલતા જોવા મળે છે. હકીકતમાં, સંયુક્ત રાષ્ટ્ર (યુએન) જનરલ એસેમ્બલીની બેઠકના એજન્ડા અને વિષયની પરવા કર્યા વિના, કકરે જમ્મુ અને કાશ્મીરનો મુદ્દો ઉઠાવ્યો. તેમણે કહ્યું કે નવી દિલ્હી અને ઈસ્લામાબાદ વચ્ચે શાંતિ સ્થાપવામાં કાશ્મીર એક મહત્વપૂર્ણ મુદ્દો છે.
સંયુક્ત રાષ્ટ્ર મહાસભાના 78મા સત્રની સામાન્ય ચર્ચા દરમિયાન કાકરે કહ્યું કે પાકિસ્તાન હંમેશા તેના પાડોશી દેશ સાથે સારા સંબંધો રાખવા માંગે છે. તેમણે કહ્યું કે પાકિસ્તાન ભારત સાથે શાંતિપૂર્ણ અને ફળદાયી સંબંધો જાળવવાનો પ્રયાસ કરી રહ્યું છે. તેમણે કહ્યું કે કાશ્મીર ભારત અને પાકિસ્તાન વચ્ચે શાંતિ માટે મહત્વપૂર્ણ મુદ્દો છે.
કાકરે કહ્યું કે કોઈપણ દેશનો વિકાસ શાંતિ પર આધાર રાખે છે. પાકિસ્તાન વિશ્વનો સૌથી ઓછો આર્થિક રીતે વિકસિત પ્રદેશ છે. તેમણે કહ્યું કે કોઈપણ દેશનો વિકાસ ત્યારે જ થાય છે, જ્યારે તે દેશના તેના પાડોશી દેશો સાથે સારા અને શાંતિપૂર્ણ સંબંધો હોય. તેમણે કહ્યું કે પાકિસ્તાન ભારત સહિત તેના તમામ પડોશીઓ સાથે શાંતિપૂર્ણ અને ફળદાયી સંબંધો બનાવવા માંગે છે. કાકરે કહ્યું કે સંયુક્ત રાષ્ટ્ર સુરક્ષા પરિષદે કાશ્મીરના મુદ્દે આગળ આવવું જોઈએ અને બંને દેશો વચ્ચે સારા સંબંધો બનાવવાના પ્રયાસો કરવા જોઈએ.
પાકિસ્તાનની સરખામણી ઈઝરાયેલ સાથે
પાકિસ્તાનના ભૂતપૂર્વ વડાપ્રધાન ઈમરાન ખાનના સમર્થકોએ શુક્રવારે દેશના વચગાળાના વડાપ્રધાન અનવર ઉલ હક કાકરની તેમના શબ્દોની પસંદગી માટે ટીકા કરી હતી. તેમણે ચીન સાથેના સારા સંબંધોની સરખામણી ઈઝરાયેલ માટે અમેરિકન સમર્થન સાથે કરી હતી. સંયુક્ત રાષ્ટ્ર મહાસભાના 78મા સત્રમાં ભાગ લેવા આવેલા વડાપ્રધાન કાકરે વિદેશ સંબંધો પર કાઉન્સિલને સંબોધિત કરતી વખતે આ સરખામણી કરી હતી. કાકરના આ નિવેદન બાદ પાકિસ્તાનના વચગાળાના વડાપ્રધાનની ખૂબ ટીકા થઈ રહી છે.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો
