India China Lac: ભારતની તૈયારીઓ જોઈ ડર્યું ડ્રેગન, અક્સાઈ ચીન માટે ભારતે બનાવ્યો ખતરનાક પ્લાન
ચીન તેની હરકતો કરવાથી ઉચુ આવી રહ્યું નથી. ભારત સાથે વિવાદ વચ્ચે ચીને સરહદી વિસ્તારમાં તેના રેલ્વે નેટવર્કને 4000 કિમી સુધી વધારવાનો નિર્ણય લીધો છે.
પૂર્વી લદ્દાખમાં વાસ્તવિક નિયંત્રણ રેખા (LAC) પર ભારત સાથે ચાલી રહેલા વિવાદ વચ્ચે ચીને 2025 સુધીમાં સરહદી વિસ્તારમાં તેના રેલ્વે નેટવર્કને 4000 કિલોમીટર સુધી વધારવાનો નિર્ણય કર્યો છે. ચીન તરફથી અક્સાઈ ચીન વિસ્તારમાં રેલવે નેટવર્કનું વિસ્તરણ કરવામાં આવશે. અક્સાઈ ચીન એ વિસ્તાર છે જેના પર 1950ના દાયકાથી ભારત અને ચીન વચ્ચે વિવાદ ચાલી રહ્યો છે. ભારત આ વિસ્તારને પોતાનો માને છે.
ઈન્ડિયન એક્સપ્રેસના અહેવાલ મુજબ ભારત સરહદને અડીને આવેલા વિસ્તારમાં ચીન દ્વારા કરવામાં આવતા દરેક વિકાસ કાર્યો પર પણ ચાંપતી નજર રાખી રહ્યું છે. એવું માનવામાં આવે છે કે ચીન રેલવે નેટવર્ક દ્વારા પૂર્વથી પશ્ચિમ તરફ તેની સેનાની અવરજવરને સરળ બનાવવાનો પ્રયાસ કરી રહ્યું છે. આ સિવાય ચીન તિબેટમાં તેના વર્તમાન 1,359 કિલોમીટરના રેલ નેટવર્ક વધારવા પર પણ વિચાર કરી રહ્યું છે.
પ્રથમ તબક્કો 2025 સુધીમાં પૂર્ણ થશે
ચીનના સત્તાવાર મીડિયાના અહેવાલ મુજબ ચીનની રેલ્વે લાઇનનો પ્રથમ તબક્કો 2025 સુધીમાં પૂર્ણ થશે, જે શિગાત્સેથી પખુત્સો સુધી જશે. અહેવાલમાં જણાવાયું છે કે યોજના મુજબ સિચુઆન-તિબેટ રેલ્વેના યાન-નિંગચી વિભાગ, શિનજિયાંગ-તિબેટ રેલ્વેના શિગાત્સે-પાખુક્તસો વિભાગ અને શિનજિયાંગ તિબેટ રેલ્વેના શિગાત્સે-પાખુક્તસો વિભાગ સહિત અનેક રેલ્વે પ્રોજેક્ટ્સ બનાવવામાં આવશે.
રેલ્વે લાઈન પેંગોંગ લેક પાસેથી પસાર થશે
અક્સાઈ ચીનમાંથી પસાર થતા શિનજિયાંગ-તિબેટ હાઈવેએ ભારત અને ચીન વચ્ચે તણાવને વેગ આપ્યો હતો, જેના કારણે 1962માં યુદ્ધ થયું હતું. આ પ્રસ્તાવિત રેલ્વે લાઇન તિબેટના શિગાત્સેથી શરૂ થશે અને ઉત્તર પશ્ચિમમાં નેપાળ સરહદમાંથી પસાર થશે. તે અક્સાઈ ચીનમાંથી પસાર થશે અને શિનજિયાંગ પ્રાંતના હોટનમાં સમાપ્ત થશે. આ પ્રસ્તાવિત રેલ્વે લાઈન અક્સાઈ ચીનના રૂટોગ અને ચીનના પ્રદેશમાં પેંગોંગ લેક નજીકથી પસાર થશે.
આ પણ વાચો: India China Lac: ભારતની સરહદ નજીક ચીનની વધુ એક ચાલ, પેંગોંગ લેકથી નેપાળ સુધી રેલવે દોડાવશે ચીન
55 કાઉન્ટીઓ અને જિલ્લાઓને જોડવાની યોજના
ચીનના સત્તાવાર મીડિયાના અહેવાલ મુજબ 14મી પંચવર્ષીય યોજના (2021-2025)માં 55 કાઉન્ટીઓ અને જિલ્લાઓ ઉમેરવામાં આવશે. યોજના મુજબ 2035 સુધીમાં 1000 કિમી વધુ રેલ્વે લાઇનનું વિસ્તરણ કરવામાં આવશે. ચીન રેલવે નેટવર્કના વિસ્તરણને લઈને પણ ગંભીર છે કારણ કે તે વિકાસની સાથે તેની લોજિસ્ટિક્સ ક્ષમતાને પણ મજબૂત કરવા માંગે છે.
ભારત LAC પાસે તેના રેલવે લાઈનનો વિસ્તાર કરશે
ચીનની રણનીતિનો જવાબ આપવામાં ભારત પણ પાછળ નથી. ભારતે પણ ચીન સરહદ પાસે તેની વ્યૂહાત્મક રેલ્વે લાઇન બનાવવાના પ્રયાસો તેજ કર્યા છે. સરહદી વિસ્તારમાં ભારત તરફથી કુલ ચાર સૂચિત રેલ્વે લાઇન છે જેનું વિસ્તરણ થવાનું છે. તેમાંથી ત્રણ ઉત્તરપૂર્વમાં અને એક ઉત્તરમાં છે. કુલ રેખાઓ સહિત, તેમની લંબાઈ લગભગ 1,352 કિમી લાંબી છે.
Latest News Updates
