શિક્ષણના ધામમાં ગંદકીનું સામ્રાજ્ય, પીવા માટે ચોખ્ખા પાણીનો અભાવ, ભાવનગર મનપા સંચાલિત શાળાઓની દુર્દશાનો જુઓ Video

ભાવનગરમાં કુંભારવાડામાં આવેલી મહાનગરપાલિકાની શિક્ષણ સમિતિ સંચાલિત શાળાઓની દુર્દશા સામે આવી છે. એક તરફ રાજ્ય સરકાર દ્વારા વધુ મોડલ સ્કૂલ બનાવવાના દાવા કરાય છે પરંતુ મનપા સંચાલિત સ્કૂલોમાં પ્રાથમિક સુવિધાઓનો પણ અભાવ જોવા મળે છે. શાળાની દિવાલો પર સ્વચ્છતાના સૂત્રો તો લખી દેવાય છે પરંતુ શાળાની સફાઈ સાથે તેને સ્નાન સૂતકનો પણ સંબંધ હોય તેવુ જણાઈ રહ્યુ છે. શાળાના ટોયલેટ બાથરૂમની જાણે કયારેય સફાઈ જ ન થતી હોય તેમ ગંદકીનું સામ્રાજ્ય જોવા મળે છે. બીજી તરફ ભાવનગરની સરકારી શાળાઓમાં પણ ગંદકીનું સામ્રાજ્ય છે. ત્યાં સુધી કે પીવા માટેના શુદ્ધ પાણીની પણ વ્યવસ્થા નથી. વોટર કૂલર પણ ધૂળ ખાતી હાલતમાં શોભાના ગાંઠિયા બન્યા છે. આરઓ પ્લાન્ટ નામ માત્રનો બંધ હાલતમાં જોવા મળી રહ્યો છે. શાળામાં ભણવા આવતા વિદ્યાર્થીઓના આરોગ્યની કોઈને કંઈ પડી જ નથી, પ્રાથમિક કહી શકાય...