Corona Virus : કોરોનાનો નવો A.30 વેરિઅન્ટ છે વધારે ખતરનાક, વેક્સિનના એન્ટિબોડીઝ પણ નથી કરતા કામ

કોરોના વાયરસના ડેલ્ટા વેરિઅન્ટ બાદ હવે A.30 વેરિઅન્ટનું જોખમ વધી રહ્યું છે. આફ્રિકન દેશ અંગોલા અને યુરોપિયન દેશ સ્વીડનમાં તેના મામલા સામે આવી રહ્યા છે. આ એક એવો ખતરનાક પ્રકાર છે. જેના પર ફાઈઝર (Pfizer) અને એસ્ટ્રાઝેનેકા રસીઓની એન્ટિબોડીઝ પણ કામ કરતી નથી. 

એક નવા લેબ અભ્યાસમાં આ માહિતી સામે આવી છે. જર્મનીની એક ટીમે આ દુર્લભ A.30 વેરિઅન્ટનો અભ્યાસ (A.30 Variant Study) કર્યો છે. તેનો પ્રથમ કેસ તાન્ઝાનિયામાં જોવા મળ્યો હતો. ત્યારબાદ અંગોલા અને સ્વીડનમાં પણ કેસ નોંધાયા હતા.

વૈજ્ઞાનિકોએ આ મ્યુટેશનની સરખામણી બીટા અને એટા વેરિઅન્ટ સાથે કરી છે. બીટા એટલા માટે પસંદ કરવામાં આવ્યું હતું કારણ કે તે એન્ટિબોડીઝની અસરને સૌથી વધુ ઘટાડે છે. અભ્યાસ આ અઠવાડિયે પીઅર-સમીક્ષા જર્નલ સેલ્યુલર એન્ડ મોલેક્યુલર ઇમ્યુનોલોજીમાં પ્રકાશિત થયો છે. એવું જાણવા મળ્યું છે કે A.30 વેરિઅન્ટ મોટા ભાગના મુખ્ય કોષોમાં પ્રવેશી શકે છે, જેમાં કિડની, લીવર અને ફેફસાના કોષો પણ સામેલ છે.

Web Stories View more

SBI પાસેથી 5 વર્ષ માટે રૂપિયા 25 લાખની હોમ લોન પર EMI કેટલી ચૂકવવી પડશે?

ગરમીમાં કોલ્ડ ડ્રિંક પીતા લોકો સાવધાન ! સ્વાસ્થ્ય પર થશે તેની ગંભીર અસરો

કરીના કપૂરને મળી મોટી જવાબદારી, જુઓ ફોટો

ઘરમાં એકથી વધુ તુલસીના છોડ રાખવા જોઈએ કે નહીં? જાણી લો

શું મગફળી ખાવાથી વજન વધે છે? જાણો એક્સપર્ટ શું કહે છે

આજનું રાશિફળ તારીખ : 05-05-2024

WHOએ તેને યાદીમાં કેમ ન મૂક્યું? આ પ્રકાર મોનોક્લોનલ દવા બામલાનિવિમાબ માટે પણ પ્રતિરોધક સાબિત થયું છે, જેનો ઉપયોગ કોવિડ-19ની સારવાર માટે થાય છે. પરંતુ બમલાનિવિમાબ અને એટાસેવિમાબના સંયોજન સામે નબળા હોવાનું જણાયું છે. વિશ્વ આરોગ્ય સંસ્થા (WHO) દ્વારા કોરોના વાયરસના A.30 વેરિઅન્ટને હજુ સુધી ચિંતાના પ્રકારો અથવા ઇન્ટરસ્ટ વેરિઅન્ટના લિસ્ટમાં સામેલ કરવામાં આવ્યો નથી. આ એટલા માટે છે કારણ કે તે ખૂબ ઝડપથી ફેલાતું નથી.

ડેલ્ટા વેરિઅન્ટ સતત તબાહી મચાવે છે કોરોના વાયરસની મહામારીને કારણે વૈશ્વિક અર્થવ્યવસ્થા પર ખરાબ અસર પડી છે. અર્થવ્યવસ્થાને પાટા પર લાવવા માટે વિશ્વભરના દેશો લોકડાઉન ખોલી રહ્યા છે. પરંતુ વાયરસના નવા પ્રકારો સમસ્યાઓ ઊભી કરી રહ્યા છે. ડેલ્ટા વેરિએન્ટનો કહેર બ્રિટન, યુરોપ, સિંગાપોર અને ચીન સહિત ઘણા દેશોમાં જોવા મળી રહ્યો છે. જે દેશો શરૂઆતમાં મૂળ વાયરસને નિયંત્રિત કરવામાં સફળ રહ્યા હતા તેઓને હવે વાયરસના નવા પ્રકારોને કારણે કડક નિયંત્રણો લાદવાની ફરજ પડી છે.

આ પણ વાંચો : IRCTC : સરકારના નિર્ણયને રોકાણકારોનો આવકાર : 50% Convenience Fees વસૂલવાનો નિર્ણય પરત લેવાતા શેર રિકવર થયો

આ પણ વાંચો : T20 World Cup: પાકિસ્તાન સામે આજે અફઘાનિસ્તાન 7 વર્ષ જૂનો બદલો લેવા માટે મેદાને ઉતરશે, યુએઇમાં અફઘાનનો રેકોર્ડ ભારે