Breaking News: ભારત અમેરિકા વચ્ચેની ટ્રેડ ડિલથી શેરબજારમાં આવશે તેજી? ટ્રમ્પે કહી આ મોટી વાત

ગયા બુધવારે દાવોસમાં તેમણે ભારત સાથે ડીલ અંગે અનેક સકારાત્મક સંકેતો આપ્યા હતા. આ ડીલ અંગે પૂછાયેલા પ્રશ્નના જવાબમાં, અમેરિકન રાષ્ટ્રપતિ ટ્રમ્પે કહ્યું કે તેઓ પીએમ મોદીનું સન્માન કરે છે અને તેમના સારા મિત્ર પણ છે. ટ્રમ્પે કહ્યું કે અમે ભારત સાથે સારી ડીલ તરફ આગળ વધી રહ્યા છીએ

trad deal

Devankashi rana | Updated on: Jan 22, 2026 | 8:03 AM

અમેરિકા સાથે ડીલ અંગે ચાલી રહેલી અટકળો વચ્ચે, એક મોટી અપડેટ સામે આવી છે. આ અપડેટ ફરી એકવાર રાષ્ટ્રપતિ ટ્રમ્પ દ્વારા આપવામાં આવ્યું હતું. ગયા બુધવારે દાવોસમાં તેમણે ભારત સાથે ડીલ અંગે અનેક સકારાત્મક સંકેતો આપ્યા હતા. આ ડીલ અંગે પૂછાયેલા પ્રશ્નના જવાબમાં, અમેરિકન રાષ્ટ્રપતિ ટ્રમ્પે કહ્યું કે તેઓ પીએમ મોદીનું સન્માન કરે છે અને તેમના સારા મિત્ર પણ છે. ટ્રમ્પે કહ્યું કે અમે ભારત સાથે સારી ડીલ તરફ આગળ વધી રહ્યા છીએ. ટ્રમ્પના આ નિવેદનને ભારતીય શેરબજાર માટે પણ સારો સંકેત માનવામાં આવી રહ્યો છે, જે ઘણા દિવસોથી ઘટી રહ્યું છે.

ભારત અમેરિકા વચ્ચે થશે ટ્રેડ ડિલ

ભારત સાથે ટ્રેડ ડીલની સંભાવનાઓ વિશે સીધા પૂછવામાં આવતા, અમેરિકન રાષ્ટ્રપતિએ ટૂંકો પરંતુ સકારાત્મક જવાબ આપ્યો. ટ્રમ્પે કહ્યું, “અમે સારી ડીલ પર પહોંચવાની આશા રાખીએ છીએ.” ભારત અને અમેરિકાએ અત્યાર સુધીમાં વ્યાપક દ્વિપક્ષીય વેપાર કરાર અને પરસ્પર કર ઘટાડવા માટે કામચલાઉ વ્યવસ્થા પર છ રાઉન્ડની વાટાઘાટો કરી છે. બંને દેશો લાંબા સમયથી ચાલતા વેપાર વિવાદને ઉકેલવાનો પ્રયાસ કરી રહ્યા છે.

શેર માર્કેટ પર પડશે અસર

ફેબ્રુઆરીમાં વડા પ્રધાન નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચે થયેલી મુલાકાત બાદ દ્વિપક્ષીય વેપાર વાટાઘાટો વધુ તીવ્ર બની. બંને નેતાઓએ મિશન 500 ની જાહેરાત કરી, જેનો હેતુ 2030 સુધીમાં બંને દેશો વચ્ચેનો વેપાર 500 અબજ ડોલર સુધી વધારવાનો છે.

ટ્રમ્પના આ નિવેદનની ભારતીય શેરબજાર પર અસર થવાની શક્યતા છે. આ નિવેદન બાદ, ફરી એકવાર ધ્યાન એવી કંપનીઓ પર કેન્દ્રિત થયું છે જેમના વ્યવસાયો નિકાસ પર ભારે નિર્ભર છે. કાપડ, ઝીંગા ખોરાક નિકાસકારો અને ફાર્માસ્યુટિકલ ક્ષેત્ર ખાસ કરીને ચર્ચામાં છે.

ફાર્માસ્યુટિકલ ક્ષેત્ર પર કોઈ ટેરિફ નથી, પરંતુ કાપડ ક્ષેત્ર ખાસ કરીને પ્રભાવિત થયું છે. ગોકલદાસ એક્સપોર્ટ્સ, વેલ્સપન લિવિંગ અને પર્લ ગ્લોબલ જેવી કંપનીઓ તેમની આવકનો 50 થી 70 ટકા હિસ્સો યુએસ બજારમાંથી મેળવે છે. તેથી, ટેરિફ તેમના નફા પર સીધી અસર કરે છે.