Health: રોગપ્રતિકારક શક્તિને વધારવા માટે ઘરે આ સ્વસ્થ અને સ્વાદિષ્ટ ફળોની ત્રણ રેસિપી અજમાવો

સ્વસ્થ રહેવાનો શ્રેષ્ઠ માર્ગ એ છે કે તમારી રોગપ્રતિકારક શક્તિને (Immune System) વધારવી. આ માટે તમારા શરીરને પોષણ આપવું અને નિયમિત કસરત કરવી ખૂબ જ જરૂરી છે. શરીરને પોષણ આપવા માટે હેલ્ધી ડાયટ (Healthy Diet) લેવું ખૂબ જ જરૂરી છે. ઘણી વખત લોકો ઉતાવળમાં અનહેલ્દી ખાવાનું પસંદ કરે છે. જે તમારા માટે નુકસાનકારક સાબિત થઈ શકે છે. પ્રયાસ કરો કે તમે ઊતાવળમાં પણ હેલ્ધી ખાવાનો વિકલ્પ પસંદ કરો. આવી સ્થિતિમાં તમે ફળો (Fruits), જ્યુસ અને ડ્રાય ફ્રુટ્સ વગેરેનું સેવન કરી શકો છો. ફળોમાંથી બનેલા જ્યુસમાં પોટેશિયમ, ફાઈબર, વિટામીન અને એન્ટીઓક્સીડેન્ટ જેવા ગુણ હોય છે. આ ખોરાક બનાવવાનો જ સરળ નથી, પરંતુ તે તમારી રોગપ્રતિકારક શક્તિમાં પણ વધારો કરે છે.

નારંગી અને ગાજરનો રસ

આ માટે 2 સંતરા, આદુ અને 1 ચમચી સ્વીટનર લો. સંતરાનો રસ, આદુ અને તમારી પસંદગીના સ્વીટનરને એકસાથે બ્લેન્ડ કરો. તેને ગ્લાસમાં નાખી સર્વ કરો. આ પીણું વિટામિન સીથી ભરપૂર છે. તેને બનાવવામાં માત્ર 5 મિનિટનો સમય લાગે છે. આ રસ ફલૂ વગેરેને દૂર કરવામાં મદદ કરે છે.

એવોકાડો ગ્રેપફ્રૂટ સલાડ

આ માટે તમારે 1 એવોકાડો, 1 ગ્રેપફ્રૂટ, 1 કપ દાડમના દાણા,  1 ડુંગળી સમારેલી, પીસેલા કાળા મરી, 2 ચમચી વર્જિન ઓલિવ ઓઈલ અને મીઠું જોઈશે. ગ્રેપફ્રૂટના ટુકડા કરી લો. એવોકાડોને ક્યુબ્સમાં કાપો. એક બાઉલમાં ગ્રેપફ્રૂટના ટુકડા, પાલક, સમારેલા એવોકાડો, દાડમના દાણા નાખો. તમે વૈકલ્પિક રીતે તેમાં ઓલિવ તેલ, કાળા મરી, સમારેલી ડુંગળી અને મીઠું પણ ઉમેરી શકો છો. તમારા પ્રિયજનો સાથે આ સ્વસ્થ અને સ્વાદિષ્ટ એવોકાડો ગ્રેપફ્રૂટ સલાડનો આનંદ માણો.

ટ્રોપિકલ ફળ કચુંબર

આ સલાડ બનાવવા માટે તમારે 1 બેબી પાઈનેપલ, 1 આખા ગુલાબી અને સફેદ ડ્રેગન ફ્રૂટ, 1 કપ બ્લુબેરી, 1 કીવી, 1 કપ નારંગીનો રસ અને 1 ચમચી મધની જરૂર પડશે. પાઈનેપલ અને ડ્રેગન ફ્રુટ્સને નાના ટુકડામાં કાપો. બ્લુબેરી સિવાયના બધા ફળો કાપો. નારંગીના રસ અને મધ સાથે બધા ફળોને મિક્સ કરો. હવે તેને સર્વ કરો અને તેનો આનંદ લો. આ ટ્રોપિકલ ફળ સલાડ એન્ટીઑકિસડન્ટો, વિટામિન્સ અને ખનિજોથી સમૃદ્ધ છે. તમે તેને નાસ્તામાં ખાઈ શકો છો. તે ખૂબ જ સ્વાદિષ્ટ હોય છે. તે લાંબા સમય સુધી તમારુ પેટ ભરેલુ રાખે છે.

આ પણ વાંચો- Health care: પેટ જ નહીં મગજને પણ નુકસાન કરે છે, સ્વાદિષ્ટ લાગતા આ 5 ફુડ

આ પણ વાંચો- Health and Women: મેનોપોઝ દરમિયાન સાંધામાં ખૂબ જ દુખાવો રહે છે, આ ઉપાયો તમને મદદરૂપ થઈ શકશે