Surat : બહેન પર કોમેન્ટ કરનારને ઠપકો આપવા ગયેલા યુવકો પર જીવલેણ હુમલો, એકનું મોત
પાંડેસરા ગણેશનગર ઘનશ્યામનગર સોસાયટીમાં રહેતા અભિષેકસિંગ રમાશંકરસિંગ રાજપુત, તેનો ભાઈ આદર્શ ઉર્ફે રાહુલ અને મનીષ તેના મિત્ર ઉમાશંકર ઉર્ફે સંકેત સાથે તેની બહેન ઉપર કોમેન્ટ કરનાર રોહિત યાદવને સમજાવા માટે ગઈકાલે રાત્રે આઠેક વાગ્યે વડોદગામ અંબિકાનગર સોસાયટી પાસે ગયા હતા.
સુરતના(Surat) પાંડેસરાના વડોદગામમાં રહેતા યુવકની બહેન પર છેલ્લા ઘણા સમયથી હાઉસિંગ બોર્ડમાં રહેતો યુવક એલફેલ કોમેન્ટ કરતો હતો. જેથી યુવતીનો ભાઈ તેના મિત્રો સાથે મળી યુવકને સમજાવવા માટે પાંડેસરાના વડોદગામમાં અંબિકાનગર સોસાયટી પાસે ગયા હતા. જ્યાં બંને વચ્ચે ઉગ્ર બોલાચાલી બાદ યુવકે ઠપકો આપવા આવનાર યુવતીના ભાઈને બે તમાચા મારી દેતા તેનો મિત્ર વચ્ચે પડ્યો હતો. જેથી હુમલાખોર યુવકે તેની પાસેનું ચપ્પુ કાઢી વચ્ચે પાડનારને છાતીમાં જીવલેણ ઘા મારી દેતા તેનું સ્થળ પર જ મોત(Murder) નીપજ્યું હતું. આ સમયે અન્ય મિત્ર વચ્ચે પડતા તેને પણ જીવલેણ ઘા મારી દીધો હતો અને ભાગતા ભાગતા અન્ય મિત્રોને પણ જાનથી મારી નાખવાની ધમકી આપી હતી. જેથી પોલીસે(Police) યુવક સામે હત્યાનો ગુનો નોંધી વધુ તપાસ હાથ ધરી છે.
ચપ્પુ કાઢી છાતીના ભાગે એક જીવલેણ ઘા માર્યો
બનાવની વિગત એવી છે કે પાંડેસરા ગણેશનગર ઘનશ્યામનગર સોસાયટીમાં રહેતા અભિષેકસિંગ રમાશંકરસિંગ રાજપુત, તેનો ભાઈ આદર્શ ઉર્ફે રાહુલ અને મનીષ તેના મિત્ર ઉમાશંકર ઉર્ફે સંકેત સાથે તેની બહેન ઉપર કોમેન્ટ કરનાર રોહિત યાદવને સમજાવા માટે ગઈકાલે રાત્રે આઠેક વાગ્યે વડોદગામ અંબિકાનગર સોસાયટી પાસે ગયા હતા. તે વખતે રોહિત યાદવે ઉમાશંકરને ગાળો આપી બે તમાચા માર્યા હતા. જેથી આદર્શ ઉર્ફે રાહુલ વચ્ચે પડતા આરોપી રોહિત તેની પાસેથી ચપ્પુ કાઢી છાતીના ભાગે એક જીવલેણ ઘા માર્યો હતો.
ઈજાગ્રસ્ત હાલમાં હોસ્પિટલમાં સારવાર હેઠળ
આદર્શ ઉર્પે રાહુલનું ગંભીર ઇજાને કારણે મોત નિપજ્યું હતું. રોહિતે બચાવવા માટે આવેલા મનિષને પણ છાતીના ભાગે એક ઘા માર્યો હતો. તેમજ ભાગતી વખતે ચપ્પુ બતાવી જાનથી મારી નાંખવાની ધમકી આપી હતી. બનાવ અંગે આખરે રાહુલના ભાઈએ રોહિત સામે પોલીસ ફરિયાદ નોંધાવતા પોલીસે રોહિત સામે હત્યાનો ગુનો દાખલ કરી આગળની તપાસ હાથ ધરી છે. જયારે ઈજાગ્રસ્ત હાલમાં હોસ્પિટલમાં સારવાર હેઠળ હોવાનું જાણવા મળ્યું છે.
આ પણ વાંચો : વડોદરા : ગરીબ કલ્યાણ મેળામાં 11,355 લાભાર્થીઓને વિવિધ યોજનાઓ હેઠળ રૂપિયા 247 કરોડથી વધુ રકમની સહાય
આ પણ વાંચો : Russia-Ukraine war: કચ્છની 3 યુવતી 8 યુવાનો યુક્રેનમાં ફસાયા, મુશ્કેલી વચ્ચે મદદની આશા !
