રાજસ્થાનથી ગુજરાતમાં બાઈક પર લવાતો માદક પદાર્થ ઝડપાયો, SOG એ બે સગાભાઈઓની કરી ધરપકડ

SOGની ટીમે આરોપી આદીલ મનસુરી અને આરીફ મનસુરી એમ બંને સગા ભાઈઓને માદક પદાર્થ સાથે ઝડપી લઈ પોશીના પોલીસ મથકે જઈ એનડીપીએસ એક્ટ મુજબ ગુનો દાખલ કરીને તપાસ શરુ કરી હતી.

SOG એ બે સગાભાઈઓની કરી ધરપકડ

Avnish Goswami | Updated on: Aug 18, 2023 | 9:23 PM

સાબરકાંઠા જિલ્લામાં થઈને નશીલા પદાર્થો ઘુસાડવાનો પ્રયાસ સ્પેશિયલ ઓપરેશન ગૃપ દ્વારા નિષ્ફળ બનાવવામાં આવ્યો છે. બાતમી મુજબ પેટ્રોલિંગમાં રહેલ SOG ટીમે બે આરોપીઓને 2.9 ગ્રામ ગાંજાનો જથ્થા સાથે ઝડપી પાડ્યા છે. SOG ટીમ ઉત્તરીય સાબરાકાંઠા જિલ્લાઓમાં આંતર રાજ્ય અને આંતર જિલ્લાની સરહદ તરફથી આવતા જતા વાહનો અને અન્ય લોકો પર નજર રાખી રહી હતી. ત્યારે બાતમી મુજબનુ બાઈક પસાર થતા ગાંજાનો જથ્થો ઝડપાયો હતો.

SOG દ્વારા અગાઉ પણ એમડી ડ્રગ્સ સહિતના નશીલા પદાર્થનુ વેચાણ કરનારા અને હેરાફેરી કરનારાઓને ઝડપ્યા હતા. આમ ફરિ એકવાર સ્પેશિયલ ઓપરેશન ગૃપ દ્વારા માદક પદાર્થની હેરફેરફને ઝડપી લીધી છે. બાતમી મળતા SP વિજય પટેલના માર્ગદર્શન મુજબ પોશીના વિસ્તારમાં પેટ્રોલિંગ વધારીને આરોપીને ઝડપી લેવા માટે કાર્યવાહી કરી હતી.

રાજસ્થાનથી બાઈક પર ગુજરાત લવાયો ગાંજો

સ્પેશિયલ ઓપરેશન ગૃપની ટીમના પોલીસ કર્મચારી નિકુંજભાઈને બાતમી મળી હતી. જેને લઈને પીઆઈ નિકુંજ રબારી અને પીએસઆઈ સંજય ગોસ્વામીએ બાતમી મુજબના વિસ્તારમાં પેટ્રોલિંગ સાથે રસ્તા પરની અવર જવર પર બાજ નજર કરી દીધી હતી. SOG ની ટીમના પોલીસ કર્મચારીઓ પણ બાતમી મુજબના વાહન અને આરોપીઓને ઝડપી લેવા માટે વ્યુહાત્મક રીતે ગોઠવાઈ ચુક્યા હતા. આ દરમિયાન ગોયાનાકા પોશીના પાસે બાઈક પર ગાંજો લઈને આવતા બે શખ્શોને ઝડપી લીધા હતા.

Web Stories View more

રતન ટાટાએ આ કંપનીમાં કર્યું રોકાણ, કંપની કરે છે એકલતા દૂર કરવાનું કામ

જાણો કેમ પૂજામાં આસોપાલનના જ પાનનો થાય છે ઉપયોગ

ભગવાન ગણેશજીના પ્રિય ઉકડીચે મોદક આ સરળ ટીપ્સથી બનાવો.

ભૂલથી પણ Carના ડેશબોર્ડ પર આ વસ્તુઓ ક્યારેય ના રાખતા, નહીંતર લેવાના દેવા થઈ જશે

ક્યા સમયે બિલકુલ પાણી ન પીવુ જોઈએ, ચાણક્યએ કહી છે આ વાત

બંને સગાભાઈઓ હતા અને તેઓ રાજસ્થાનથી ગાંજાનો જથ્થો લઈને આવી રહ્યા હોવાની પ્રાથમિક વિગતો સામે આવી હતી. એસઓજીની ટીમે આરોપી આદીલ મનસુરી અને આરીફ મનસુરીને પોશીના પોલીસ મથકે લઈ જઈને એનડીપીએસ એક્ટ મુજબ ગુનો દાખલ કરીને તપાસ શરુ કરી હતી.

બાઈક પર લઈ આવતા હતા જથ્થો

રાજસ્થાન તરફથી આવતા જ બંને સગા ભાઈઓ પોશીનામાં બાઈક સાથે ઝડપાયા હતા. બંને ભાઈઓએ પોલીસને શંકા ના જાય એ માટે બાઈકનો ઉપયોગ કરીને બાઈક પર જ ગાંજાનો જથ્થો લઈને આવી રહ્યા હતા. આ દરમિયાન જ પોલીસે તેમને ઝડપી લીધા હતા. બંને પાસેથી 2.913 કિલોગ્રામ ગાંજાનો જથ્થો મળી આવ્યો હતો. આમ 29 હજાર 130 રુપિયાનો ગાંજાનો જથ્થો કબ્જે લઈને પોલીસે કાર્યવાહી કરી હતી.