Dhoraji: ઝાંઝમેર તાલુકા પંચાયતમાં ભાજપમાંથી ફોર્મ પરત ખેંચનાર ઉમેદવારે ઝેર ગટગટાવ્યું

Local Body Poll 2021: ધોરાજીના ઝાંઝમેર તાલુકા પંચાયતની સીટ પર ભાજપમાંથી ફોર્મ પરત ખેંચનાર ડો.ચિરાગ દેસાઈએ ઝેરી દવા પીધી છે. ચિરાગ દેસાઈ હાલ ખાનગી હોસ્પિટલમાં આઈસીયુમાં સારવાર લઈ રહ્યા છે. કહેવામાં આવે છે કે ગઈકાલે ચિરાગ દેસાઈએ ઉમેદવારી પત્ર પાછું ખેંચ્યું હતું. સૂત્રો તરફથી માહિતી મળી રહી છે કે હાલ ચિરાગ દેસાઈની હાલત ગંભીર જણાઈ રહી છે. હોશમાં આવ્યા બાદ પોલીસ અધિકારીઓ દ્વારા ચિરાગ દેસાઈનું નિવેદન લેવાશે. નોંધનીય બાબત એ છે કે કયા કારણોસર દવા પીધી છે તે હજુ જાણી શકાયું નથી.