રાજકોટ જિલ્લામાં સિંહ પરિવારે દેખા દીધી, સિંહ પરિવારનો વીડિયો વાયરલ

રાજકોટ જિલ્લાના સરધાર, પાડાસણ અને કથરોટા વિસ્તારમાં સિંહે દેખા દેતા લોકોમાં ભયનો માહોલ જોવા મળી રહ્યો છે. આજે સિંહ કાથરોટોમાં જોવા મળ્યો હોય તેવો એક વીડિયો સામે આવ્યો છે. જેમાં સિંહો ટેકરા પર લટાર મરતા જોવા મળ્યાં હતાં. જો કે હાલ તો આ વીડિયો સોશિયલ મીડિયામાં ખૂબ જ વાયરલ થયો છે.

મળતી માહિતી મુજબ વાઇરલ વીડિયોમાં ધારી બાજુથી ગોંડલ થઈને એક માદા અને બે નર સિંહ રાજકોટ તાલુકામાં ચઢી આવ્યાં હોવાની માહિતી મળી છે. જોકે સમગ્ર ઘટનાની જાણ વનવિભાગને કરવામાં આવતા વનવિભાગની ટીમ સિંહો પર ખાસ નજર રાખી રહી છે.