Kutch: ખાણખનીજ વિભાગ દ્વારા રોયલ્ટી ભરી રેતી-ખનીજનું પરિવહન કરતાં ટ્રક અને ડમ્પર સામે કાર્યવાહી, ટ્રાન્સપોર્ટરો હડતાળ પર

Kutch: ભુજ ખાણખનીજ વિભાગ દ્વારા રોયલ્ટી ભરી રેતી-ખનીજનું પરિવહન કરતા ટ્રક અને ડમ્પર સામે કાર્યવાહી થતાં ટ્રાન્સપોર્ટરો હડતાળ પર ઉતરી ગયા છે. રોયલ્ટી ભરીને જતા ટ્રાન્સપોર્ટરોને ટ્રકમાં 1,000 કિલોથી વધુ વજન હોય છે તો પણ ઓવરલોડ ગણી ટ્રાન્સપોર્ટરોને લાખો રૂપિયાનો દંડ ખાણખનીજ વિભાગ દ્વારા કરાય છે. સાથે પ્રાઈવેટ વાહનોમાં આવતા અધિકારીઓ દ્વારા દંડ કરવા ઉપરાંત ડ્રાઈવરોના ફોન પણ લઈ લેવામાં આવે છે. આર.ટી.ઓના વાહન તપાસણીનું કાર્ય તેમનામાં ન આવતુ હોવા છતા પણ ખોટી રીતે ગાડીઓને હેરાન કરાતા આજે ટ્રાન્પોર્ટરો, ડ્રાઈવર તમામ લોકો હડતાળ પર ઉતરી ગયા છે.

કાયદેસર રીતે જે ઓવરલોડ રેતી કે ખનીજની કિંમત જ 5000થી વધુ નથી એ માટે ખાણખનીજ વિભાગ કિન્નાખોરી પુર્વક લાખો રૂપિયાનો દંડ કરે છે, જેની સામે અચોક્કસ મુદ્દતની હડતાળ કરશે અને આવતીકાલે આવેદન સાથે જ્યાં સુધી તેમની માંગણીઓ નહીં સંતોષાય ત્યાં સુધી વિરોધ કરશે. એક તરફ ડીઝલમાં સતત વધી રહેલા ભાવ વચ્ચે માંડ ટ્રાન્સપોર્ટરો થોડા રૂપિયા બચત કરતુ હોય તેવામાં ખોટી રીતે લાખોના દંડથી હજુ વધુ ટ્રકો પણ વિરોધમાં જોડાશે, આજે 150થી વધુ ડમ્પર અને ટ્રક ઉભી રાખી દેવાઈ હતી અને હજુ ખનીજ પરિવહનમાં ચાલતી તમામ ટ્રકોની જો માંગણી નહીં સંતોષાય તો તેને પણ ઉભી રાખી દેવાશે.

આ પણ વાંચો: Arvalli: દારૂની એક બોટલ માટે કરી PSIએ બુટલેગરની મદદ, સાંભળો વાયરલ ઓડિયો ક્લિપ