8 માર્ચના Breaking News : ભૂસ્ખલનને કારણે બંધ જમ્મુ-શ્રીનગર નેશનલ હાઈવે પર વાહનવ્યવહાર ફરી શરૂ

દિલ્હીના વસંત વિહાર વિસ્તારમાં મોટી દુર્ઘટના, થાર ગાડીએ પુર ઝડપે 7 લોકોને કચડ્યા, 2ના મોત

દિલ્હીના વસંત વિહાર વિસ્તારમાં એક મોટો અકસ્માત થયો છે. અહીં હાઈ સ્પીડ થાર ગાડીએ 7 લોકોને કચડી નાખ્યા. આ અકસ્માતમાં 2 લોકોના મોત થયા હતા, જ્યારે 5 લોકો ગંભીર રીતે ઘાયલ થયા હતા. જણાવવામાં આવી રહ્યું છે કે હાઈ સ્પીડ થારે બે વાહનોને પણ ટક્કર મારી છે.

ભૂસ્ખલનને કારણે બંધ જમ્મુ-શ્રીનગર નેશનલ હાઈવે પર વાહનવ્યવહાર ફરી શરૂ

જમ્મુ-કાશ્મીરના રામબન જિલ્લામાં મંગળવારે ભૂસ્ખલનને કારણે બંધ કરવામાં આવેલ જમ્મુ-શ્રીનગર રાષ્ટ્રીય ધોરીમાર્ગને બુધવારે ફરીથી વાહનવ્યવહાર માટે ખોલવામાં આવ્યો હતો. હાઈવે પર ભૂસ્ખલનને કારણે એક વ્યક્તિનું મોત થયું હતું અને અન્ય છ લોકો ઘાયલ થયા હતા.

નેપાળમાં આવતીકાલે રાષ્ટ્રપતિની ચૂંટણી યોજાશે, રામચંદ્ર પૌડેલ અને સુભાષચંદ્ર નેમ્બાંગ વચ્ચે જંગ

આવતીકાલે નેપાળમાં રાષ્ટ્રપતિ પદ માટે ચૂંટણી યોજાશે. નેપાળી કોંગ્રેસ તરફથી રામ ચંદ્ર પૌડેલ અને CPN-UML તરફથી સુભાષ ચંદ્ર નેમ્બાંગ ચૂંટણીમાં ઉભા છે. માહિતી આપતા નેપાળના ચૂંટણી પંચે જણાવ્યું છે કે ચૂંટણીની તમામ તૈયારીઓ પૂર્ણ કરી લેવામાં આવી છે.

મહારાષ્ટ્ર વિધાનસભા: રાજ્યની નવી મહિલા નીતિ બજેટ સત્ર દરમિયાન લાગુ કરવામાં આવશે

મહારાષ્ટ્ર સરકારે બુધવારે કહ્યું કે રાજ્યની નવી મહિલા નીતિ પ્રદેશ વિધાનસભાના ચાલુ બજેટ સત્ર દરમિયાન રજૂ કરવામાં આવશે. મહિલા અને બાળ વિકાસ મંત્રી મંગળ પ્રભાત લોઢાએ આ મુદ્દા પર થયેલી ચર્ચાનો જવાબ આપતા વિધાનસભામાં આ જાહેરાત કરી છે. આંતરરાષ્ટ્રીય મહિલા દિવસના અવસરે ગૃહમાં મહિલા નીતિ પર ચર્ચા કરવામાં આવી હતી.

PM મોદી અમદાવાદ એરપોર્ટ પહોંચ્યા, રાજભવન જવા રવાના

વડાપ્રધાન નરેન્દ્ર મોદી અમદાવાદ પહોંચી ગયા છે. અહીં તેઓ ઓસ્ટ્રેલિયાના વડાપ્રધાન એન્થોની અલ્બેનિસને મળવાના છે. PM મોદી હાલમાં રાજભવન જવા રવાના થયા છે.

Breaking News : પીએમ મોદી અમદાવાદ પહોંચ્યા, એરપોર્ટથી રાજભવન જવા રવાના#Gujarat #Pmmodi #Ahmedabad pic.twitter.com/vNNohgcrzw

— Tv9 Gujarati (@tv9gujarati) March 8, 2023

પાકિસ્તાન: પોલીસ અને ઈમરાન સમર્થકો વચ્ચે અથડામણ, ટીયર ગેસના સેલ છોડાયા

રેલીઓ યોજવા પરના સરકારી પ્રતિબંધનું ઉલ્લંઘન કરવાના કારણે બુધવારે તેમના નિવાસસ્થાનની બહાર એકત્ર થયેલા ભૂતપૂર્વ વડા પ્રધાન ઇમરાન ખાનના સમર્થકોને વિખેરવા પોલીસે ટીયર ગેસ અને વોટર કેનનનો ઉપયોગ કર્યો હતો. ખાનની આગેવાની હેઠળની પાકિસ્તાન તહરીક-એ-ઇન્સાફ (PTI) પાર્ટીએ દાવો કર્યો હતો કે તેના શાંતિપૂર્ણ કાર્યકરોની ધરપકડ કરવામાં આવી હતી. અહેવાલો અનુસાર, પ્રાંતીય રાજધાનીમાં કલમ 144 લાગુ કરવામાં આવી છે.

રાષ્ટ્રપતિ મુર્મુ પંજાબના અમૃતસર જશે, CM માન સાથે સુવર્ણ મંદિરની લેશે મુલાકાત

રાષ્ટ્રપતિ દ્રૌપદી મુર્મુ ગુરુવારે પંજાબના પ્રવાસે જઈ રહ્યા છે. તે અહીં સુવર્ણ મંદિર સહિત અનેક સ્થળોની મુલાકાત લેશે. આ કાર્યક્રમ દરમિયાન રાષ્ટ્રપતિ મુર્મુની સાથે પંજાબના મુખ્યમંત્રી ભગવંત માન પણ હાજર રહેશે. તેમની સાથે અન્ય મંત્રીઓ પણ હોવાના સમાચાર સામે આવ્યા છે. મળતી માહિતી મુજબ રાષ્ટ્રપતિ મુર્મુ લગભગ 11 વાગ્યે અમૃતસર એરપોર્ટ પહોંચશે. સીએમ માનની સાથે અન્ય લોકો એરપોર્ટ પર તેમનું સ્વાગત કરશે. આ પછી રાષ્ટ્રપતિ સીધા સુવર્ણ મંદિર જવા રવાના થશે. જ્યાં તેમની સાથે સીએમ માન પણ જશે.

WPL 2023, GG vs RCB: ગુજરાત જાયન્ટ્સે બેંગ્લોર સામે 201 રન નોંધાવ્યા, ડંકલી અને હરલીને તોફાની અડધી સદી નોંધાવી

શરુઆતમાં જ ગુજરાતની ટીમની ઓપનીંગ ઝડપથી તૂટી ગઈ હતી. જોકે તેનો ગમ જોવા મળ્યો નહોતો અને રન સતત નિકળતા રહ્યા હતા. ઓપનરના રુપમાં મેઘના અને સોફિયા ડંકલી આવ્યા હતા. મેઘના 22 રનના ટીમ સ્કોર પર વિકેટ ગુમાવી હતી. જે 11 બોલમાં 8 રન નોંધાવીને પરત ફરી હતી.જોકે બાદમાં ડંકલીએ પાવર પ્લેનો પુરો ઉપયોગ કરીને આક્રમક અંદાજથી રન નિકાળ્યા હતા. તે ચોગ્ગા અને છગ્ગા વરસાવવા લાગી હતી. આમ તેણે 18 બોલમાં જ પોતાની અડધી સદી પુરી કરી લીધી હતી. ડંકલીએ 28 બોલમાં 65 રન ટીમ માટે જોડ્યા હતા. તે શ્રેયંકા પાટિલનો શિકાર થઈ હતી.

હરલીન દેઓલે પણ શાનદાર રમત વડે ગુજરાતની ટીમને 200 પાર પહોંચાડવાનો ઈરાદો પૂરો કરાવ્યો હતો. હરલીન જોકે અંતિમ સમયે વિકેટ ગુમાવી બેઠી હતી. હરલીન દેઓલે 45 બોલમાં 67 રન નોંધાવ્યા હતા. તેણે 1 છગ્ગો અને 9 ચોગ્ગા નોંધાવ્યાહતા.

EDના સમન્સ બાદ BRS નેતા કે. કવિતા દિલ્હી પહોંચી

ભારત રાષ્ટ્ર સમિતિ (BRS)ના નેતા કે.કે. કવિતાને સમન્સ જાહેર કરવામાં આવ્યું છે. EDના સમન્સ બાદ BRS નેતા દિલ્હી પહોંચી ગયા છે. કૃપા કરીને જણાવો કે ED કાલે કે.કવિતાની પૂછપરછ કરવાની છે.

અમદાવાદ ટેસ્ટ બનશે ખાસ, PM મોદી અને ઓસ્ટ્રેલિયન વડાપ્રધાન મેચ કોમેન્ટ્રી બોક્સમાં જોવા મળશે

વડાપ્રધાન નરેન્દ્ર મોદી અમદાવાદ ટેસ્ટમાં પ્રથમ દિવસે ઉપસ્થિત રહેવાને લઈ મેચને લઈ ઉત્સુકતા ખૂબ જ વધી ગઈ છે. વડાપ્રધાન મોદી પોતાના નામના સ્ટેડિયમમાં પ્રથમવાર ટેસ્ટ મેચ નિહાળશે અને અહીં તેઓ ટેસ્ટ મેચનો પ્રથમ દિવસ વધુ શાનદાર બનાવશે. રિપોર્ટસ્ મુજબ વડાપ્રધાન મોદી અને ઓસ્ટ્રેલિયન વડાપ્રધાન બંને ટોસ સમયે મેદાન પર ઉપસ્થિત રહેશે. બંને વડાપ્રધાન કોમેન્ટ્રી બોક્સમાં જોવા મળી શકે છે. આ પળ મેચને ખાસ બનાવી દેશે.

Ahmedabad : મણિનગર શ્રી સ્વામિનારાયણ મંદિર ખાતે ફુલદોલોત્સવની ઉજવણી કરાઈ

અમદાવાદના મણિનગર સ્થિત સ્વામિનારાયણ મંદિર ખાતે આચાર્ય જિતેન્દ્રિયપ્રિયદાસ સ્વામીની નિશ્રામાં ફુલદોલોત્સવની ઉજવણી કરવામાં આવી હતી. આ પ્રસંગે શ્રીજી મહારાજને ગુલાલ તથા રંગથી અભિષેક કરવામાં આવ્યો હતો. પર્વ નિમિતે 222 કિલોથી વધુ ખજૂર, ધાણી, દ્રાક્ષ તથા ચણાનો અન્નકૂટ ધરાવવામાં આવ્યો હતો. ભગવાનને ધાણી તથા હારડાનો શણગાર કરવામાં આવ્યો હતો

જેપી નડ્ડા આવતીકાલે કર્ણાટક જશે, રોડ શો અને જાહેર સભામાં ભાગ લેશે

ભારતીય જનતા પાર્ટીના અધ્યક્ષ જેપી નડ્ડા ગુરુવારે કર્ણાટકના પ્રવાસે છે. આ દરમિયાન તેઓ રોડ શો કરશે અને જાહેર સભાઓને સંબોધશે. ભાજપના કર્ણાટક એકમના મહાસચિવ સિદ્ધારાજુએ જણાવ્યું કે નડ્ડા પાર્ટી દ્વારા ચલાવવામાં આવી રહેલી વિજય સંકલ્પ યાત્રાના કાર્યક્રમોમાં ભાગ લેશે.

Mehsana: આરોગ્ય મંત્રી ઋષિકેશ પટેલનાં હસ્તે 2 ધનવન્તરી રથનું લોકાર્પણ

મહેસાણામાં આરોગ્ય મંત્રી ઋષિકેશ પટેલ નવા બે ધનવન્તરી રથનું વિસનગરની જી.ડી. હોસ્પિટલ ખાતેથી લોકાર્પણ કર્યું હતું. આ અવસરે આરોગ્ય મંત્રીએ જણાવ્યું કે,આધુનિક મેડિકલ સુવિધાથી સજ્જ ધનવન્તરી રથનાં લોકાર્પણથી શ્રમિક પરિવારોને લાભ થશે. તેના થકી શ્રમિક તંદુરસ્ત બનશે. તંદુરસ્ત શ્રમિક હશે તો જ તંદુરસ્ત સમાજનું નિર્માણ થશે અને તેના થકી અંતે તંદુરસ્ત રાષ્ટ્રનું નિર્માણમાં શક્ય બનશે.

બે ધનવન્તરી રથ પૈકી એક વીસનગર ખાતે તથા એક કડી ખાતે શહેરી અને ગ્રામ્ય વિસ્તારોમાં ગુજરાત સરકારના શ્રમ કૌશલ્ય વિકાસ અને રોજગાર વિભાગ, ગુજરાત મકાન અને અન્ય બાંધકામ વિભાગ અને EMRI GREEN HEALTH SERVICE નાં સંયુક્ત ઉપક્રમે કાર્યરત થયા છે. અત્રે ઉલ્લેખનીય છે કે આ ધન્વન્તરિ રથની સેવાઓ બાંધકામ શ્રમિકોને તેઓના કાર્યસ્થળ જેવા કે બાંધકામ સાઈટ, કડીયાનાકા તેમજ શ્રમિક વસાહતો સુધી પહોચી આરોગ્યની પ્રાથમિક સેવાઓ પૂરી પડાશે.

Breaking News: ગુજરાતમાં કોરોનાના કેસમાં સતત વધારો, નવા 23 કેસ નોંધાયા, એક્ટિવ કેસ 100ને પાર

ગુજરાતમાં કોરોનાના કેસમાં સતત વધારો થઇ રહ્યો છે. જેમાં 08 માર્ચના રોજ કોરોનાના નવા 23 કેસ નોંધાયા છે.જ્યારે કોરોનાના એક્ટિવ કેસ 112 એ પહોંચી છે. જેમાં સૌથી વધુ એક્ટિવ કેસ અમદાવાદમાં 14, રાજકોટમાં 04, સુરતમાં 02 અને નવસારીમાં 01 કેસ નોંધાયો છે.

Maharashtra: ‘વિશેષાધિકારના ભંગ’ની નોટિસ પર સંજય રાઉતે આપ્યો જવાબ

ઠાકરે જૂથના સાંસદ સંજય રાઉતે તેમની વિરુદ્ધ મોકલવામાં આવેલી વિશેષાધિકારના ભંગ અંગેની નોટિસનો જવાબ આપ્યો છે. તેમને પોતાના જવાબમાં કહ્યું છે કે તેમને વિધાનમંડળનું કોઈ અપમાન કર્યુ નથી. તેમનું નિવેદન વિધાનમંડળને લઈને નહીં પણ એક ખાસ જૂથને લઈને હતું, જેને આખા વિધાનમંડળને લઈને આપવામાં આવેલું નિવેદન સમજવામાં આવ્યુ. સંજય રાઉતે વિધાન મંડળને ચોર મંડળી કહી હતી. આ નિવેદનને લઈ મહારાષ્ટ્ર વિધાનમંડળના બજેટ સત્રમાં ખુબ હંગામો થયો અને તેને સદનની અવમાનના કહેવામાં આવ્યું, ત્યારબાદ તેમને વિશેષાધિકાર ભંગની નોટિસ મોકલવામાં આવી.

સંજય રાઉતે સમય પૂરો થવા છતાં નોટિસનો જવાબ આપ્યો ન હતો. જેના કારણે આ મુદ્દો કેન્દ્રમાં મોકલવાની વાત થઈ હતી. તેમને રીમાઈન્ડર લેટર મોકલવો જોઈએ તેવી ચર્ચા ચાલી હતી. દરમિયાન, સંજય રાઉતે આખરે આજે (8 માર્ચ, બુધવાર) નોટિસનો જવાબ મોકલ્યો હતો. આ જવાબમાં તેમણે પોતાનો પક્ષ રાખવાની સાથે વિગતવાર જવાબ આપવા માટે વધુ સમયની માંગણી પણ કરી છે.

ધૂળેટીના પર્વ પર છવાયો માતમ, ગુજરાતમાં પાંચ અલગ-અલગ સ્થળોએ પાણીમાં ડુબવાની ઘટનામાં 10 લોકોના મોત

રાજ્યમાં ધૂળેટીના પર્વે નદી કે તળાવમાં ડૂબી જવાથી મોતનો સિલસિલો ચાલુ વર્ષે પણ યથાવત રહ્યો છે. ગુજરાતમાં આજે સર્જાયેલી અલગ અલગ 5 ઘટનાઓમાં કુલ 10 લોકોના મોત નિપજ્યા છે. સુરતમાં ધૂળેટી રમ્યા બાદ કોઝવેમાં ડૂબી જતા 2ના મોત નિપજ્યા છે. તો મહેસાણાના ખેરાલુમાં ડૂબી જતા 1 યુવાન મોતને ભેટ્યો છે. કલોલ નજીક દંતાલી ગામે કેનાલમાં નહાવા પડેલા 3 યુવાનો ડૂબ્યા છે. તો ખેડામાં કેનાલમાં ડૂબી જતા એકનું મોત થયુ છે. તો વડ઼ોદરાના ડભોઇના તળાવમાં એક યુવાન, બોટાદના સેથળી ગામે કેનાલમાં ડુબતા ત્રણનાં મોત થયા છે.

રાજ્યમાં ધૂળેટી પર્વ પર બપોર સુધીમાં 108 ઈમરજન્સી સેવામાં 2030 કેસ નોંધાયા

દર વર્ષે હોળી-ધૂળેટીના પર્વ પર ઇમરજન્સીના કેસ નોંધાતા હોય છે. ત્યારે આ વર્ષે પણ 108 સેવા દ્વારા તૈયારીઓ કરી લેવામાં આવી હતી. ત્યારે આ વર્ષે સમગ્ર ગુજરાતમાંથી 108 ઇમરજન્સીને અનેક કોલ મળ્યા છે. રાજ્યમાં ધૂળેટી પર્વે 108 ઈમરજન્સી સેવામાં 2030 કેસ નોંધાયા છે. ગત વર્ષની સરખામણીએ આ વર્ષે 87 કેસ વધુ નોંધાયા છે. 108માં સૌથી વધુ કેસ પ્રેગ્નન્સી અને ઈમર્જન્સીને લગતા નોંધાયા છે. પેટના દુઃખાવા, શ્વાસ અને એલર્જી અંગેની ફરિયાદો મળી છે.

માઉન્ટ આબુમાં હવામાનમાં પલટો, કરા સાથે વરસાદ પડયો

ગુજરાતને અડીને આવેલા રાજસ્થાનના હિલ સ્ટેશન માઉન્ટ આબુમાં પણ હવામાનમાં પલટો આવ્યો છે. જેમાં માઉન્ટમાં મોસમ બદલાતા કરા સાથે વરસાદ પડ્યો છે. તેમજ ગુરુ શિખર પર બરફની સફેદ ચાદર પથરાઇ ગઇ છે. આ ઉપરાંત, બનાસકાંઠા પંથકમાં પણ કમોસમી વરસાદ જગતના તાતને માથે આફત બનીને ત્રાટક્યો.છેલ્લા ત્રણ દિવસથી વરસી રહેલા વરસાદને કારણે રાજગરા અને બટાકાનો પાક ધોવાઇ ગયો છે.

2024ની ચૂંટણીમાં વડાપ્રધાન ચહેરાની રેસમાં તમારું નામ છે? ઉદ્ધવ ઠાકરેએ આપ્યો આ જવાબ

ઠાકરે જૂથના સાંસદ સંજય રાઉત વારંવાર કહેતા રહે છે કે ઉદ્ધવ ઠાકરે વડાપ્રધાન પદના પ્રબળ દાવેદાર હોઈ શકે છે. તેની તરફેણમાં, તેઓ દલીલ કરે છે કે મહારાષ્ટ્ર એક મોટું રાજ્ય છે. તેમની પાસે ઠાકરે નામનો વારસો છે. હિંદુ ધર્મનો આધાર. તેઓ કોરોના સમયગાળા દરમિયાન સૌથી લોકપ્રિય મુખ્યમંત્રીઓમાં ટોચના રેન્કર રહ્યા છે. પરંતુ આ અંગે ઉદ્ધવ ઠાકરેનો પોતાનો અભિપ્રાય શું છે? જ્યારે પત્રકારોએ તેમને આ પ્રશ્ન પૂછ્યો તો તેમણે રસપ્રદ જવાબ આપ્યો.

ઉદ્ધવ ઠાકરેએ કહ્યું, મારા મનમાં આવું કોઈ સપનું નથી, આવો કોઈ વિચાર નથી. હું સપનામાં જીવતી વ્યક્તિ નથી. હું જે પણ જવાબદારી લઉં છું, તેને નિભાવીશ. મુખ્યમંત્રી પદની જવાબદારી મારા માથે કેવી રીતે આવી, કેવા સંજોગોમાં મેં સ્વીકારી તેની વિગતોમાં મારે જવું નથી. હું એટલું જ કહી દઉં કે મારા મનમાં આવી કોઈ વિચારસરણી નથી. દેશમાં લોકશાહીને જીવંત રાખવાની જવાબદારી લેવી જરૂરી છે અને તે સામાન્ય લોકોએ પણ નિભાવવી પડશે.

ઓસ્ટ્રેલિયાના પીએમ ગાંધી આશ્રમ પહોંચ્યા, સીએમ ભૂપેન્દ્ર પટેલ હાજર રહ્યા

ઓસ્ટ્રેલિયાના વડાપ્રધાન સાબરમતી ગાંધી આશ્રમ પહોંચ્યા છે. ઓસ્ટ્રેલિયાના વડાપ્રધાન એન્થોની અલ્બેનિસ સાથે ગુજરાતના CM ભૂપેન્દ્ર પટેલ ઉપસ્થિત રહ્યા હતા. તેમની મુલાકાતના પગલે સાબરમતી ગાંધી આશ્રમ આસપાસ સુરક્ષાનો લોખંડી બંદોબસ્ત ગોઠવવામાં આવ્યો છે. જ્યારે ઓસ્ટ્રેલિયાના વડાપ્રધાન ગાંધી આશ્રમ બાદ સીધા રાજભવન જશે.

ઓસ્ટ્રેલિયાના પીએમ એરપોર્ટ પર લેન્ડ થયા, થોડી વારમાં પારંપરિક સ્વાગત કરાશે

ઓસ્ટ્રેલિયાના પીએમ અમદાવાદ એરપોર્ટ પર લેન્ડ થયા છે. તેમનું થોડી વારમાં પારંપરિક સ્વાગત કરવામાં આવશે.ત્યારે તેઓ  ગાંધીનગરમાં ધૂળેટીનો પર્વ પણ મનાવશે. ગાંધીનગર રાજભવન ખાતે ઓસ્ટ્રેલિયાના પીએમ ધૂળેટીની ઉજવણી કરશે. રાજભવન ખાતે આજે ધૂળેટીની ઉજવણી માટેનું ભવ્ય આયોજન કરવામાં આવ્યુ છે. ત્યારે ઓસ્ટ્રેલિયાના પ્રધાનમંત્રી એન્થોની અલ્બેનીઝ તિલક હોળી રમશે.

દિલ્હીના વિજય પાર્ક વિસ્તારમાં પાંચ માળની ઈમારત ધરાશાયી, કોઈ જાનહાનિ થઈ નથી

દિલ્હીના વિજય પાર્ક વિસ્તારમાં પાંચ માળનું મકાન ધરાશાયી થવાની માહિતી મળી છે. રાહતની વાત એ છે કે આ દુર્ઘટનામાં જાનમાલના નુકસાનની કોઈ માહિતી પ્રાપ્ત થઈ નથી. મકાન કેવી રીતે ધરાશાયી થયું તેની માહિતી હજુ સુધી મળી નથી.

ગુજરાતમાં ફરી કમોસમી વરસાદ પડવાની હવામાન વિભાગની આગાહી, વિવિધ વિસ્તારોમાં ઠંડરસ્ટ્રોમ એક્ટિવિટી જોવા મળશે

ગુજરાતમાં ઘણા વિસ્તારોમાં ફરી કમોસમી વરસાદ વરસશે. હવામાન વિભાગે આગામી ત્રણ કલાકને લઈને રાજ્યમાં કેટલાક વિસ્તારમાં સામાન્ય વરસાદ થવાની આગાહી કરી છે. તેમજ ઠંડરસ્ટ્રોમ એક્ટિવિટી જોવા મળશે.

સિસોદિયાને તેમની સુરક્ષાને ધ્યાનમાં રાખીને અલગ વોર્ડમાં રાખવામાં આવ્યાઃ જેલ અધિકારીઓ

પૂર્વ ઉપમુખ્યમંત્રી મનીષ સિસોદિયા અંગે AAP પ્રવક્તા સૌરભ ભારદ્વાજે આરોપ લગાવ્યો હતો કે તેમને એવા વોર્ડમાં રાખવામાં આવ્યા છે ત્યાં ખતરનાક કેદીઓ હાજર છે. AAP પ્રવક્તાના આરોપોને હવે જેલ અધિકારીએ નકારી કાઢ્યા છે. તેમણે કહ્યું કે મનીષ સિસોદિયાની સુરક્ષાને ધ્યાનમાં રાખીને તેમને અલગ વોર્ડમાં રાખવામાં આવ્યા છે. સીજે-1માં  સિસોદિયા જે વોર્ડમાં રહે છે ત્યાં કોઈ ગેંગસ્ટર નથી

સાબરકાંઠા- ધરોઈ જળાશયમાં IAS અધિકારી પર હુમલો કરાયો, 3 આરોપીઓની ધરપકડ

ધરોઈ જળાશય ખાતે ફિશરીઝની સબસિડીને લઈ ઈન્સ્પેક્શન માટે ફિશરીઝ કમિશ્નર પહોંચ્યા હતા. આ દરમિયાન કેટલીક અનિયમીતતાઓ ધ્યાને આવતા એ અંગે શંકાઓ ઉપજતા ફિશરીઝ મંડળીઓના સંચાલકોને પૂછપરછ કરી હતી અને પૂર્તતા કરવા જણાવ્યુ હતુ. આ દરમિયાન ઉશ્કેરાયેલા એક શખ્શે પગમાં બચકુ ભરી લીધુ હતુ અને બાદમાં ફોન ઝૂંટવીને હુમલો કર્યો હતો.

મહારાષ્ટ્રનો આર્થિક સર્વે વિધાનસભામાં રજૂ કરાયો

રાજ્યનો આર્થિક સર્વે 2022-23 મહારાષ્ટ્ર વિધાનસભામાં રજૂ કરવામાં આવ્યો હતો. આગોતરા અંદાજ મુજબ, 2022-23 દરમિયાન રાજ્યનું અર્થતંત્ર 6.8 ટકા અને ભારતીય અર્થતંત્રમાં 7.0 ટકા વૃદ્ધિની અપેક્ષા છે. નાણાકીય વર્ષ 2022-23માં રાજકોષીય ખાધ 2.5% રહેવાની ધારણા છે.

પોલીસે YSRTP ચીફ શર્મિલાની અટકાયત કરી

તેલંગાણામાં YSRTP ચીફ વાયએસ શર્મિલાએ મહિલાઓ પર થતા અત્યાચારને લઈને રાજ્ય સરકાર સામે વિરોધ પ્રદર્શન કર્યું હતું. આ પછી, પોલીસે સાવચેતીના પગલા તરીકે તેને કસ્ટડીમાં લીધો હતો. શરૂઆતમાં તેને બોલારમ પોલીસ સ્ટેશનમાં ખસેડવામાં આવ્યો હતો અને હવે તેને લોટસ પોન્ડમાં તેના નિવાસસ્થાને ખસેડવામાં આવી રહ્યો છે.

જમ્મુ-કાશ્મીરના પુલવામામાં CRPF જવાનોએ હોળીની ધૂમધામથી ઉજવણી કરી હતી

જમ્મુ-કાશ્મીરના પુલવામામાં CRPF જવાનોએ ધામધૂમથી હોળીની ઉજવણી કરી. વહેલી સવારે રાજસ્થાનમાં ભારત-પાકિસ્તાન બોર્ડર પર BSF જવાનોએ હોળીની ઉજવણી કરી અને ડાન્સ કર્યો.

#WATCH जम्मू-कश्मीर: पुलवामा में CRPF जवानों ने धूमधाम से होली मनाई।#Holi2023 pic.twitter.com/t8EUcwbalI

— ANI_HindiNews (@AHindinews) March 8, 2023

માણિક સાહાએ ત્રિપુરાના CM તરીકે લીધા શપથ, સમારોહમાં પીએમ મોદી અને અમિત શાહ પણ હાજર રહ્યા

ત્રિપુરામાં, માણિક સાહાની આગેવાની હેઠળની મંત્રી પરિષદે આજે વિવેકાનંદ મેદાન ખાતે પદ અને ગુપ્તતાના શપથ લીધા છે. માણિક સાહા સતત બીજી વખત રાજ્યના મુખ્યમંત્રી બન્યા છે. શપથ સમારોહમાં વડાપ્રધાન નરેન્દ્ર મોદી, કેન્દ્રીય ગૃહમંત્રી અમિત શાહ અને ભાજપ અધ્યક્ષ જેપી નડ્ડા પણ હાજર રહ્યા હતા. આ નેતાઓ ભાજપની આગેવાની હેઠળની સરકારના શપથ ગ્રહણ સમારોહમાં હાજરી આપવા માટે ત્રિપુરા પહોંચી ગયા હતા.

Gujarat News: બાગાયતી વિસ્તાર નવસારીમાં કેરી અને ચીકુના પાકને ભારે નુકસાન, ખેડૂતોને 90 ટકા પાક નિષ્ફળ જવાની ભીતિ

દક્ષિણનું ગુજરાતમાં વારંવાર વાતાવરણમાં આવતા પલટાને લઈ ખેડૂતોને માથે દેવાળું ફૂંકાતું હોય તેવી સ્થિતિ ઉભી થઇ છે. જેમાં બાગયતી વિસ્તાર ગણાતા નવસારી જીલ્લામાં ગત રોજ પડેલ કમોસમી વરસાદે ચીકુ અને કેરીના પાક માટે કાળ બન્યો હોય તેવી સ્થિતી ઉભી થઇ છે. ખેડ઼ૂતોને 90 ટકા પાક નિષ્ફળ જવાની ભીતિ છે.

દિલ્હી દારૂ કૌભાંડમાં એક બાદ એક નેતાઓ EDની રડારમાં, પિલ્લઈની હાજરીમાં કવિતાની થશે પુછપરછ

એન્ફોર્સમેન્ટ ડિરેક્ટોરેટએ તેલંગાણાના મુખ્યમંત્રી કે.કે. ચંદ્રશેખર રાવની પુત્રી કે. કવિતાને સમન્સ મોકલ્યુ છે. અધિકારીઓએ કહ્યું હતુ કે ભારત રાષ્ટ્ર સમિતિ (BRS) નેતા કવિતાને 9 માર્ચે દિલ્હીમાં ફેડરલ એજન્સી સમક્ષ હાજર થવા માટે કહેવામાં આવ્યું છે. તો વધુમાં અધિકારીઓએ જણાવ્યું કે કવિતાને હૈદરાબાદ સ્થિત બિઝનેસમેન રામચંદ્ર પિલ્લઈની સામે બેસીને પૂછપરછ માટે બોલાવવામાં આવ્યા છે. આપને જણાવી દઈએ કે,પિલ્લઈની સોમવારે ઈડી દ્વારા ધરપકડ કરવામાં આવી હતી. EDએ અગાઉ કહ્યું હતું કે પિલ્લઈ દક્ષિણી જૂથનું પ્રતિનિધિત્વ કરે છે.

Adani Groupનું બીજું મોટું પગલું, રોકાણકારોનો વિશ્વાસ જીતવા 7,374 કરોડની લોન સમય પહેલા જ ચૂકવી દીધી

હિંડનબર્ગ રિપોર્ટ બાદ અદાણી ગ્રુપને ભારે નુકસાન થયું છે. તેના રોકાણકારો પણ ખૂબ ચિંતિત હતા, પરંતુ હવે એક મોટી રાહત સામે આવી છે. અદાણી ગ્રૂપે મંગળવારે જણાવ્યું હતું કે તેણે રૂ. 7,374 કરોડ ($901.16 મિલિયન)નું શેર-બેક્ડ ફાઇનાન્સિંગ એટલે કે દેવુ ચૂકવી દીધુ છે. ખાસ વાત એ છે કે આ ચુકવણી સમય પહેલા કરવામાં આવી છે. કંપનીને આશા છે કે તેનાથી રોકાણકારોનો વિશ્વાસ વધશે અને બાકીનું દેવું તેઓ ટુંક સમયમાં જ ચૂકવી દેશે.

હોળીના ઉમંગભર્યા પર્વ પર રાજનાથ સિંહના ઘરે જશ્નનો માહોલ, અમેરિકન મંત્રી સાથે કર્યો ડાન્સ

Holi 2023: આજે આખો દેશ હોળીની ઉજવણીમાં ડૂબેલો છે. આવી સ્થિતિમાં મોદી સરકારમાં મંત્રીઓ કેવી રીતે પાછળ રહી શકે. આજે, વિદેશ પ્રધાન ડૉ. એસ. જયશંકર અને કેન્દ્રીય કાયદા પ્રધાન કિરેન રિજિજુએ સંરક્ષણ પ્રધાન રાજનાથ સિંહના નિવાસસ્થાને હોળીની ઉજવણીમાં હાજરી આપી હતી. અમેરિકી વાણિજ્ય સચિવ જીના રેમોન્ડો પણ સમારોહમાં હાજર રહ્યા હતા. આ દરમિયાન રાજનાથ સિંહનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં તે અમેરિકન મંત્રી સાથે ડાન્સ કરતા જોવા મળ્યા હતા

ઓસ્ટ્રેલિયાના પ્રધાનમંત્રી એન્થોની અલ્બેનીઝ રમશે ધૂળેટી, ગાંધીનગરમાં રાજભવનમાં મનાવશે રંગોનો પર્વ

ઓસ્ટ્રેલિયાના પ્રધાનમંત્રી એન્થોની અલ્બેનીઝ આજે ગુજરાત પ્રવાશે આવવાના છે. ત્યારે તેઓ આજે ગાંધીનગરમાં ધૂળેટીનો પર્વ પણ મનાવશે. ગાંધીનગર રાજભવન ખાતે ઓસ્ટ્રેલિયાના પીએમ ધૂળેટીની ઉજવણી કરશે. રાજભવન ખાતે આજે ધૂળેટીની ઉજવણી માટેનું ભવ્ય આયોજન કરવામાં આવ્યુ છે. ત્યારે ઓસ્ટ્રેલિયાના પ્રધાનમંત્રી એન્થોની અલ્બેનીઝ તિલક હોળી રમશે.

8 માર્ચના Breaking News : શુ દેશમાં ફરી કોરોના વર્તાવશે કહેર ! એક દિવસમાં નોંધાયા નવા 326 કેસ

ભારતમાં, એક દિવસમાં કોરોના વાયરસના 326 નવા કેસ નોંધાયા છે, જ્યારે સારવાર હેઠળના દર્દીઓની સંખ્યા 67 દિવસ પછી ત્રણ હજારનો આંકડો વટાવી ગઈ છે. બુધવારે કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા અપડેટ ડેટા અનુસાર, ભારતમાં કોરોના વાયરસના કારણે અત્યાર સુધીમાં 5,30,775 લોકોએ જીવ ગુમાવ્યો છે. હાલમાં દેશમાં 3,076 લોકો કોરોના વાયરસના ચેપની સારવાર હેઠળ છે. જે કુલ કેસના 0.01 ટકા છે. જ્યારે દર્દીઓના સાજા થવાનો રાષ્ટ્રીય દર 98.80 ટકા છે.

8 માર્ચના Breaking News : મુંબઈમાં નેવીનું ALH એરક્રાફ્ટ ક્રેશ

મુંબઈમાં નેવીનું ALH એરક્રાફ્ટ  ક્રેશ થયાના સમાચાર સામે આવ્યા છે. જો કે વિમાનમાં સવાર ક્રુ મેમ્બર સુરક્ષિત હોવાની વાત છે. આ અંગે વધુ તપાસ હાથ ધરાઈ રહી છે.

8 માર્ચના Breaking News : જૂનાગઢના કેશોદના હાંડલા ગામે બે જૂથ વચ્ચે અથડામણ, ધોકા અને પાઈપથી થયેલ મારામારીમાં 14 ઈજાગ્રસ્ત

ચૂંટણીની જૂની અદાવતને લઈને કેશોદના હાંડલા ગામમાં બે જૂથ વચ્ચે અથડામણ થઈ હતી. ધોકા અને પાઈપ વડે એકબીજા પર તુટી પડતા કુલ 14 લોકોને ઈજા પહોચી હતી. અથડાણમમાં ઘાયલ થયેલાઓને પહેલા કેશોદની સિવિલ હોસ્પિટલમાં દાખલ કરાયા હતા. જો કે કેટલાકની ઈજા ગંભીર જણાતા તેમને જૂનાગઢની હોસ્પિટલમાં રીફર કરાયા છે. આ અંગે કેશોદ પોલીસે તપાસ હાથ ધરી છે.

8 માર્ચના Breaking News : લો બોલો, ઘરે મૂકવા જવા બાબતે ઝઘડો થતા, અમદાવાદમાં પત્નીની હત્યા કરતો પતિ

Ahmedabad : અમદાવાદમાં પતિ પત્ની વચ્ચે ઘરે જવા બાબતે થયેલ બબાલનું પરિણામ હત્યામાં આવ્યું છે. રામોલ વિસ્તારમાં રહેતા દંપતિ વચ્ચે થયેલ ઝઘડા બાદ, પતિએ, પત્નીની હત્યા કરી નાખી હતી. જો કે પતિ દ્વારા તેની પત્નીની હત્યાને આત્મહત્યામાં ખપાવવાનો પ્રયાસ કર્યો છે.

8 માર્ચના Breaking News : કલોલ પાસેના દંતાલી ગામની કેનાલમાં બે મિત્રો ડૂબ્યાં

કલોલ તાલુકાના દંતાલી ગામ પાસેથી પસાર થતી કેનાલમાં નાહવા પડેલા નવયુવાનોમાંથી બે મિત્રો ડૂબ્યાં હોવાના સમાચાર સામે આવ્યા છે. ઘટના ઘટતા સ્થાનિકોએ ફાયર બ્રિગેડને જાણ કરી છે.

8 માર્ચના Breaking News : દિલ્લી શરાબ કૌભાંડમાં KCRની પુત્રીને EDનું સમન્સ, 10 માર્ચે કરશે પૂછપરછ

એન્ફોર્સમેન્ટ ડિરેક્ટોરેટે હવે દિલ્હી એક્સાઇઝ પોલિસી મામલે તેલંગાણાના મુખ્યપ્રધાન કેસીઆરની પુત્રીને સમન્સ પાઠવ્યું છે. અહેવાલ છે કે 10 માર્ચે કેન્દ્રીય તપાસ એજન્સી એમએલસી કવિતાની પૂછપરછ કરવા જઈ રહી છે.

8 માર્ચના મોટા સમાચાર : PM મોદી, રાહુલ ગાંધી, અમિત શાહે દેશવાસીઓને પાઠવી હોળી-ધૂળેટીની શુભેચ્છા

આજે દેશમાં ધૂળેટીનો તહેવાર ધામધૂમથી ઉજવવામાં આવી રહ્યો છે. રંગોના આ તહેવારને લઈને નેતાઓએ દેશવાસીઓને શુભેચ્છા પાઠવી છે. પીએમ મોદીએ દેશવાસીઓને હોળી-ધૂળેટીની શુભેચ્છા પાઠવી છે. પીએમ મોદીએ કહ્યું કે હોળીની ખૂબ ખૂબ શુભેચ્છાઓ. તમારા જીવનમાં આનંદ અને ઉત્સાહના રંગો હંમેશા વરસતા રહે.

होली की बहुत-बहुत शुभकामनाएं। आप सभी के जीवन में हमेशा आनंद और उमंग का रंग बरसे।

Wishing you all a happy and colourful Holi!

— Narendra Modi (@narendramodi) March 8, 2023

કોંગ્રેસ સાંસદ રાહુલ ગાંધીએ હોળી-ધૂળેટીના તહેવારની શુભેચ્છા પાઠવી છે. રાહુલે ટ્વિટર પર લખ્યું કે હોળીનો તહેવાર દરેકના જીવનમાં નવા રંગોથી ભરે છે, દેશ એકતાથી રંગાઈ જાય છે.

होली का त्योहार सबके जीवन में नए रंग भरे, देश पर एकता का रंग चढ़े।

Wishing a very Happy Holi to everyone! pic.twitter.com/3v0mfpGVAR

— Rahul Gandhi (@RahulGandhi) March 8, 2023

‘ખુશીનો આ તહેવાર જીવનમાં નવી ઉર્જાનો સંચાર કરે’ અમિત શાહ

કેન્દ્રીય ગૃહ પ્રધાન અમિત શાહે દેશવાસીઓને રંગોના તહેવારની શુભેચ્છા પાઠવી હતી. ગૃહમંત્રી અમિત શાહે કહ્યું કે રંગ, ઉત્સાહ, ઉમંગ અને ઉલ્લાસના તહેવાર હોળી-ધૂળેટીની તમામ દેશવાસીઓને હાર્દિક શુભેચ્છાઓ. ખુશીનો આ તહેવાર તમારા બધાના જીવનમાં નવી ઉર્જાનો સંચાર કરે.

रंग, उमंग, हर्ष और उल्लास के त्योहार होली की समस्त देशवासियों को हार्दिक शुभकामनाएं।

खुशियों का यह त्योहार आप सभी के जीवन में नई ऊर्जा का संचार करे। pic.twitter.com/c5rlh0CRAt

— Amit Shah (@AmitShah) March 8, 2023

8 માર્ચના Breaking News : પ્રિયંકા ગાંધીના પીએ સામે નોંધાઈ FIR

ઉત્તર પ્રદેશ પોલીસે ભૂતપૂર્વ બિગ બોસ સ્પર્ધક અર્ચના ગૌતમને કથિત રીતે ધમકી આપવા બદલ કોંગ્રેસ નેતા પ્રિયંકા ગાંધી વાડ્રાના પીએ વિરુદ્ધ SC ST એક્ટ હેઠળ કેસ નોંધ્યો છે. મેરઠના એસપીએ જણાવ્યું કે સંદીપ સિંહ વિરુદ્ધ ફરિયાદ મળી છે. પોલીસ સમગ્ર મામલાની તપાસમાં લાગેલી છે.

8 માર્ચના Breaking News : માણિક સાહા આજે ત્રિપુરાના મુખ્યપ્રધાનપદના લેશે શપથ

માણિક સાહા બુધવારે બીજી વખત ત્રિપુરાના મુખ્ય પ્રધાન તરીકે શપથ લેશે. શપથ ગ્રહણ સમારોહમાં વડાપ્રધાન નરેન્દ્ર મોદી, કેન્દ્રીય ગૃહ પ્રધાન અમિત શાહ અને ભાજપના રાષ્ટ્રીય અધ્યક્ષ જેપી નડ્ડા તેમજ ભાજપ શાસિત રાજ્યોના મુખ્યપ્રધાન હાજર રહેશે. આ શપથવિધીનો કાર્યક્રમ અગરતલાના સ્વામી વિવેકાનંદ મેદાનમાં યોજાશે.