15 નવેમ્બરના મહત્વના સમાચાર : અમદાવાદની હવામાં બની ઝેરીલી, અનેક વિસ્તારોમાં AQI 300ને પાર, સૌથી વધુ ચાંદખેડામાં 324 AQI નોંધાયો

સુરેન્દ્રનગરના લીંબડી-અમદાવાદ હાઈવે પર કાનપરા પાસે હીટ એન્ડ રનની ઘટના સામે આવી છે. આણંદથી દ્વારકા દર્શનાર્થે જઈ રહેલા પદયાત્રીઓના સંઘને એક આઇસર ચાલકે અડફેટે લીધા હતા. આ અકસ્માતમાં એક પદયાત્રીનું મોત નીપજ્યું છે, જ્યારે 8 પદયાત્રીઓ ઈજાગ્રસ્ત થયા છે. 65થી વધુ પદયાત્રીઓનો સંઘ દ્વારકા તરફ જઈ રહ્યો હતો, ત્યારે આ દુર્ઘટના સર્જાઈ હતી. અકસ્માત બાદ ઈજાગ્રસ્તોને સારવાર માટે સુરેન્દ્રનગર અને લીંબડીની હોસ્પિટલમાં ખસેડવામાં આવ્યા છે. બીજી તરફ, અકસ્માત સર્જીને ફરાર થયેલા આઇસર ચાલકને ઝડપી પાડવા પોલીસે તપાસ હાથ ધરી છે.