06 ફેબ્રુઆરીના મહત્વના સમાચાર : તમારી EMI ઘટશે કે મોંઘવારી ઘટશે, આજે નિર્ણય લેવાશે, રેપો રેટમાં ઘટાડો થવાની શક્યતા

Stock Market News : MCX પર ચાંદીના માર્ચ મહિનાના કોન્ટ્રેક્ટમાં લગભગ 6% ઘટાડો

MCX પર ચાંદીના માર્ચ મહિનાના કોન્ટ્રેક્ટમાં લગભગ 6% ઘટાડો થયો. ચાંદી 229,000 રૂપિયા પર પહોંચી ગઈ. ખુલ્લું અને ઊંચું મૂલ્ય સમાન હતું, એટલે કે ચાંદી આજે મંદીનું વલણ જાળવી શકે છે.

રશિયામાં હિમસ્ખલન ન થાય તે માટે જાતે જ વિસ્ફોટ કર્યો

રશિયામાં હિમસ્ખલન ન થાય તે માટે જાતે જ વિસ્ફોટ કર્યો. તોપ દ્વારા વિસ્ફોટ કરીને હિમસ્ખલન કરાયું. વધારે બરફ ભેગો થાય તો મુશ્કેલી ઉભી થવાની શક્યતા હતી. વિસ્ફોટ કરીને બરફને દૂર કરાયો.

જામનગરઃ રેલવેની જગ્યાઓ પરના દબાણો દૂર કરવા મેગા ડીમોલિશન

જામનગરઃ રેલવેની જગ્યાઓ પરના દબાણો દૂર કરવા મેગા ડીમોલિશન હાથ ધરાશે. દિગ્જામ સર્કલ વિસ્તારમાં તંત્રનું ઓપરેશન હાથ ધરાશે. પોલીસના ઉચ્ચ અધિકારીઓ સહિત ત્રણેય ડિવિઝનનો સ્ટાફ હાજર રહેશે. કરોડો રૂપિયાની કિંમતી જમીન પર વર્ષોથી દબાણ થયું છે. સાંજ સુધીમાં તમામ દબાણ દૂર થવાની સંભાવના છે. ડબલ ટ્રેક કામગીરીને લઈને દબાણો દૂર કરાશે.

તમારી EMI ઘટશે કે મોંઘવારી ઘટશે, આજે નિર્ણય લેવાશે, રેપો રેટમાં ઘટાડો થવાની શક્યતા

ભારતીય રિઝર્વ બેંકની નાણાકીય નીતિ સમિતિ (MPC) 6 ફેબ્રુઆરીએ નાણાકીય વર્ષની અંતિમ બેઠકમાં ફરીથી રેપો રેટમાં ઘટાડો કરે તેવી અપેક્ષા છે. છેલ્લા એક વર્ષ દરમિયાન વ્યાજ દરમાં સતત ઘટાડો કર્યા પછી, બજારો હવે ચર્ચા કરી રહ્યા છે કે શું RBI પરિસ્થિતિના આધારે બીજો રેપો રેટ ઘટાડો જારી કરશે કે વિરામ લેશે.

સુરતમાં કૂતરાઓનો ત્રાસ, 3 વર્ષના બાળક પર હુમલો

સુરતમાં રખડતા કૂતરાઓનો ત્રાસ ચાલુ છે. ત્રણ વર્ષના બાળક પર ચાર કૂતરાઓએ હુમલો કર્યો હતો. આ ઘટના વાલક પાટિયામાં કરુણેશ હોમ સોસાયટી પાસે બની હતી. આ જીવલેણ હુમલામાં બાળક ગંભીર રીતે ઘાયલ થયો હતો.

સિક્કિમના ગ્યાલશિંગમાં રિક્ટર સ્કેલ પર 4.5 ની તીવ્રતાનો ભૂકંપ

નેશનલ સેન્ટર ફોર સિસ્મોલોજી (NCS) અનુસાર, આજે 01:09:27 (IST) વાગ્યે સિક્કિમના ગ્યાલશિંગમાં રિક્ટર સ્કેલ પર 4.5 ની તીવ્રતાનો ભૂકંપ આવ્યો.

An earthquake with a magnitude of 4.5 on the Richter Scale hit Gyalshing, Sikkim at 01:09:27 (IST) today: National Centre for Seismology (NCS) pic.twitter.com/PXKNdDefXF

— ANI (@ANI) February 5, 2026

પ્રધાનમંત્રી મોદીનો “પરીક્ષા પે ચર્ચા” કાર્યક્રમ આજે પ્રસારિત થશે

પ્રધાનમંત્રી મોદીનો “પરીક્ષા પે ચર્ચા” કાર્યક્રમ આજે પ્રસારિત થશે. પ્રધાનમંત્રી નરેન્દ્ર મોદીએ જણાવ્યું હતું કે તેઓ આજે “પરીક્ષા પે ચર્ચા” કાર્યક્રમમાં પરીક્ષા સંબંધિત વિષયો, તણાવમુક્ત રહેવાની જરૂરિયાત અને અભ્યાસ પર ધ્યાન કેન્દ્રિત કરવા પર ચર્ચા કરશે. “પરીક્ષા પે ચર્ચા”નો આ એપિસોડ સોની લિવ, પ્રાઇમ વિડીયો અને ઝી5 જેવા પ્લેટફોર્મ પર ઉપલબ્ધ થશે. મોદીએ X પર એક પોસ્ટમાં કહ્યું, “આજે સવારે 10 વાગ્યે “પરીક્ષા પે ચર્ચા” જુઓ. આ વર્ષના PPCમાં પરીક્ષા સંબંધિત ખૂબ જ રસપ્રદ વિષયો, ખાસ કરીને તણાવમુક્ત રહેવાની જરૂરિયાત, અભ્યાસ પર ધ્યાન કેન્દ્રિત કરવાની જરૂરિયાત અને ઘણું બધું આવરી લેવામાં આવ્યું છે.” તેમણે કહ્યું, “આ એક એવો કાર્યક્રમ છે જે મને હંમેશા ગમતો રહ્યો છે કારણ કે તે મને દેશભરના પ્રતિભાશાળી વિદ્યાર્થીઓ સાથે વાતચીત કરવાની તક આપે છે.”