VIDEO: મુસ્લિમ દેશોમાં ગુજરાત સરકાર ‘સ્ટડી ઈન ગુજરાત’ અભિયાન માટે રોડ શો કરશે

રાજ્ય સરકારે દેશ વિદેશના વિદ્યાર્થીઓ ગુજરાતમાં અભ્યાસ અર્થે આવે તે માટે ‘સ્ટડી ઈન ગુજરાત’ અભિયાન હાથ ધર્યું છે. જેના ભાગરૂપે રાજયના શિક્ષણ પ્રધાન ભુપેન્દ્રસિંહ ચુડાસમા, આદિજાતિ વિકાસ પ્રધાન ગણપતસિંહ વસાવા, ગૃહ રાજ્ય પ્રધાન પ્રદીપસિંહ જાડેજા અને રાજય કક્ષાના શિક્ષણ પ્રધાન વિભાવરી દવે તેમજ ઉચ્ચ શિક્ષણ વિભાગના અધિકારીઓ દેશ-વિદેશનો પ્રવાસ કરશે.

Web Stories View more

સરકારી બેંક SBI પાસેથી 5 વર્ષ માટે 13 લાખની કાર લોન પર કેટલી EMI આવશે?

જાહ્નવી કપૂર બની અપ્સરા, ચાહકો એ કહ્યું એક દમ શ્રીદેવી લાગે છે

જલદી વપરાઈ જાય છે તમારા ફોનનું ઈન્ટરનેટ ? તો બસ આટલું કરી લો સેટિંગ

ઈશા અંબાણીએ નાની દીકરીને ખોળામાં લઈને કર્યો ક્યૂટ ડાન્સ, વાયરલ થયો વીડિયો

વિરાટ કોહલીના કપડાં કેમ પહેરે છે અનુષ્કા શર્મા જાણો

Neighbour of Mukesh Ambani : આ છે મુકેશ અંબાણીના પાડોશી, પિતાને અને પત્નીને ઘરની બહાર કાઢ્યા

મહત્વની વાત એ છે કે રાજ્યની 22 સરકારી અને ખાનગી યુનિવસિર્ટી ‘સ્ટડી ઈન ગુજરાત’ અભિયાનમાં જોડાશે. હાલ રાજયમાં પ્રોફેશનલ કોર્ષમાં 1 લાખ કરતા વધારે બેઠકો ખાલી રહે છે, ત્યારે દેશ-વિદેશના વિદ્યાર્થીઓ ગુજરાતમાં અભ્યાસ કરે તે માટે 14 જાન્યુઆરી થી 21 જાન્યુઆરી સુધી પશ્ચિમ એશિયાના દેશોમાં રોડ શૉ કરવામાં આવશે. ભારતના 10 શહેરોમાં પણ રોડ શૉનું આયોજન કરાયું હોવાની માહિતી ઉચ્ચ શિક્ષણ વિભાગના અગ્ર સચિવ અંજુ શર્માએ આપી હતી.

તત્કાલિન મુખ્યપ્રધાન નરેન્દ્ર મોદીના શાસનકાળ દરમિયાન ગુજરાતમાં ખાનગી કોલેજો અને યુનિવર્સિટીઓને મંજૂરી આપવામાં આવી હતી. જેના ફળ સ્વરૂપે ગુજરાતમાંથી અન્ય રાજ્યોમાં મેડિકલ, એન્જીનિયરિંગ સહિતના પ્રોફેશનલ કોર્ષમાં વિદ્યાર્થીઓએ પ્રવેશ લેવાનું બંધ કર્યું હતું. હાલ ગુજરાતમાં પ્રોફેશનલ કોર્ષમાં એક લાખ કરતા વધુ બેઠકો ખાલી રહે છે, ત્યારે આગામી સમયમાં રાજ્યની તમામ ખાનગી યુનિવર્સિટીઓ અને કોલેજોને વિદ્યાર્થીઓની સંખ્યા મળી રહે તે માટે રાજ્ય સરકારના શિક્ષણ પ્રધાન ભુપેન્દ્રસિંહ ચુડાસમાની આગેવાનીમાં પશ્ચિમ એશિયામાં 16થી 22 જાન્યુઆરી દરમિયાન રોડ શૉ યોજવામાં આવશે.

જેમાં 16 જાન્યુઆરીએ કુવૈત, 17-18 જાન્યુઆરીએ દુબઈમાં, 19-20 જાન્યુઆરીએ મસ્ક્ત અને 21-22 જાન્યુઆરીએ રિયાધમાં રોડ શૉ યોજાશે. જેમાં સરકારી અને ખાનગી યુનિવર્સિટીઓના અભ્યાસક્રમ અને કોર્ષ વિશે માહિતી અપાશે. ગુજરાતની નામાંકિત કહી શકાય તેવી યુનિવર્સિટીઓમાં સેપ્ટ, ગણપત યુનિવર્સિટી, આઈઆઈટી રામ, જી એન એલ યૂ, ગુજરાત ફોરેન્સિક સાયન્સ યુનિવર્સિટી, પંડિત દિનદયાળ પેટ્રોલિયમ યુનિવર્સિટી અને ગુજરાત યુનિવર્સિટીનો સમાવેશ થાય છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

હાલ દેશ-વિદેશનાં 10 હજારથી વધારે વિદ્યાર્થીઓ ગુજરાતની વિવિધ યુનિવર્સિટીઓમાં અભ્યાસ કરી રહ્યા છે. દેશ-વિદેશના વિદ્યાર્થીઓને માહિતી મળી રહે તે માટે ‘સ્ટડી ઈન ગુજરાત’ વેબસાઈટ પણ શરૂ કરવામાં આવી છે.

આ પણ વાંચો: યુવા વૈજ્ઞાનિકોને PM મોદીની અપીલ, સિંગલ યુઝ પ્લાસ્ટિકનો વિકલ્પ શોધો