Dwarka : ભાણવડનો કબરકા ડેમ ઓવરફલો થયો, ખેડૂતોમાં ખુશીની લાગણી

દેવભૂમિ દ્વારકા(Dwarka)માં પણ વરસાદી માહોલ જામ્યો છે. જેમાં ભાણવડ પંથકમાં ભારે વરસાદ જોવા મળ્યો છે. તેમજ ભારે વરસાદ(Rain) ના પગલે ભાણવડ તાલુકામાં આવેલ કબરકા ડેમ ઓવરફલો થયો છે. જેમાં ઉપરવાસમાં ભારે વરસાદના કારણે ડેમમાં પાણીની આવક વધી છે. આ ડેમ ઓવરફલો થતાં તેનો સીધો ફાયદો આજુબાજુના ગામના ખેડૂતોને થશે. તેમજ કબરકા ડેમ ઓવરફલો થતાં ખેડૂતોમાં ખુશી જોવા મળી રહી છે.

જો વરસાદના પગલે ગરમીથી ત્રસ્ત લોકોએ રાહત અનુભવી છે. તેમજ ભાણાવડ પંથકમાં ભારે વરસાદના પગલે રસ્તા પર પાણી ફરી વળ્યા હતા. આ ઉપરાંત સમગ્ર જિલ્લામાં સાર્વત્રિક વરસાદથી વાતાવરણમાં ઠંડક પ્રસરી છે.