Breaking News : અમદાવાદના સાણંદમાં દારૂની મહેફિલ પકડાઈ, ઉજવણીમાં દારૂ-હુક્કા! જુઓ Video

અમદાવાદ જિલ્લાના સાણંદ વિસ્તારમાં આવેલા નિર્માણ ગ્રીન બંગલોઝમાં મોડી રાત સુધી ચાલતી એક ભવ્ય પાર્ટી પર પોલીસએ અચાનક દરોડો પાડતા સમગ્ર વિસ્તારમાં ચકચાર મચી ગઈ હતી. લગ્નના 25 વર્ષ પૂર્ણ થવાના અવસરે આયોજિત કરવામાં આવેલી આ ખાનગી પાર્ટી, દારૂ અને હુક્કાની મહેફિલમાં ફેરવાઈ ગઈ હતી. પોલીસ કાર્યવાહી દરમિયાન ત્યાંથી દારૂની બોટલો, હુક્કા સહિતના સાધનો તેમજ લક્ઝુરીયસ કારો જપ્ત કરવામાં આવી હતી.

પ્રાથમિક માહિતી અનુસાર, બંગલોઝમાં DJ મ્યુઝિક, લાઇટિંગ અને ફૂડ કાઉન્ટર સાથે ભવ્ય આયોજન કરવામાં આવ્યું હતું. બહારથી જોતા આ માત્ર એક પરિવારિક ઉજવણી લાગી રહી હતી, પરંતુ અંદર ચાલી રહેલી ગેરકાયદે પ્રવૃત્તિઓએ કાયદા વ્યવસ્થાને ખુલ્લો પડકાર આપ્યો હતો. પોલીસે દરોડા દરમિયાન કુલ 81 લોકોની અટકાયત કરી હતી, જેમાં 43 પુરુષો અને 38 મહિલાઓનો સમાવેશ થાય છે. પકડાયેલી 38 યુવતીઓને નોટિસ આપી જવા દેવાઈ

પોલીસ સૂત્રોના જણાવ્યા મુજબ, પાર્ટીમાં હાજર કેટલાક મહેમાનો શહેરના પ્રતિષ્ઠિત વર્ગ સાથે સંકળાયેલા હોવાનું પણ સામે આવ્યું છે. જપ્ત કરાયેલી લક્ઝુરી કારો પરથી આ પાર્ટીનું સ્તર અને ખર્ચાનો અંદાજ લગાવી શકાય છે. સાણંદ પોલીસ દ્વારા તમામ આરોપીઓ સામે ગુજરાત પ્રોહિબિશન એક્ટ હેઠળ ગુનો નોંધવામાં આવ્યો છે અને વધુ તપાસ હાથ ધરવામાં આવી છે.

આ ઘટના ફરી એકવાર બતાવે છે કે કાયદાની નજરથી બચી શકાય નહીં, ભલે ઉજવણી કેટલી પણ ભવ્ય કેમ ન હોય. ખાનગી પાર્ટીના નામે ગેરકાયદે પ્રવૃત્તિઓ ચલાવવી સમાજ અને કાયદા બંને માટે ચિંતાજનક બાબત છે.

Input Credit : Harin Matravadia

રોડ નહીં, ભ્રષ્ટાચાર પાથર્યો! રાજકોટમાં આવો ડામર કોણે મંજૂર કર્યો ? આ સ્ટોરી વાંચવા અહીં ક્લિક કરો