Valsad Breaking News : વલસાડની ઉંમરગામ GIDCમાં એક ખાનગી કંપનીમાં બ્લાસ્ટ, એક કામદારનું મોત અને એક વ્યક્તિ ઘાયલ
વલસાડની ઉંમરગામ GIDCમાં આવેલ એક ખાનગી કંપનીમાં બ્લાસ્ટની ઘટના બની છે. આ બ્લાસ્ટમાં એક કામદારનું મોત થયું હોવાની વાત સામે આવી છે જોકે એક વ્યક્તિ ઘાયલ થયો છે જેને સારવાર અર્થે ખસેડાયો છે.
વલસાડના ઉંમરગામ GIDCમાં આવેલી એક ખાનગી કંપનીમાં બ્લાસ્ટ થયો છે. સેનોવાટીક ઈંડિયા મશીનરી પ્રાઇવેટ લિમિટેડમાં બ્લાસ્ટ થયો છે. આ ગંભીર બ્લાસ્ટમાં એક કામદારનું મોત થયું અને એક ઘાયલ થયો છે જેને સારવાર અર્થે ખસેડવામાં આવ્યો છે. ઘટનાની જાણ થતાં ઉંમરગામ પોલીસ સહીત ફાયરની ટિમ સ્થળ પર પહોચી છે.
વલસાડના ઉમરગામમાં આવેલી સ્ટીલની ટાંકીમાં બ્લાસ્ટ થયો હોવાની ઘટના ઘટી છે. જેમાં બ્લાસ્ટ થવાનું કારણ હજુ પણ અકબંધ છે. પોલીસએ સમગ્ર મુદ્દે તપાસ પણ હાથ ધરી છે. મળતી માહિતી મુજબ સેનોવાટીક ઈંડિયા મશીનરી પ્રાઇવેટ લિમિટેડમાં બ્લાસ્ટ થયો છે.
આ અગાઉ વલસાડ જિલ્લામાં મોડી રાત્રે સરીગામ GIDCમાં પણ બ્લાસ્ટની ઘટના બની હતી. આ કંપનીમાં થયેલા બ્લાસ્ટમાં ત્રણ લોકોના મોત થયા હતા અને અન્ય બે લોકો ગંભીર રીતે ઈજાગ્રસ્ત થયા હતા. આ ઘટનામાં ફાયર વિભાગે આગ ઓળવવાની કામગીરી કરી હતી પરંતુ આગ ઓલવવા જહેમત દરમ્યાન જ આગની ઝપેટમાં બે લોકો બળીને ખાખ થઈ ગયા હતા.
આ પણ વાંચો : Valsad News : મોતનો વધુ એક બ્રિજ તૈયાર ! જોરાવાસણના બ્રિજની ખસ્તા હાલત, જુઓ Video
આજે શનિવારે વલસાડના ઉમરગામ GIDCએએમ બનેલી ઘટનમાં પણ આ જ પ્રકારની ઘટના બની જેમાં સ્ટીલની ટાંકીમાં બ્લાસ્ટ થયો હતો. આ બ્લાસ્ટ થતાં જ ત્યાં હાજર લોકોમાં અફરા તફરીનો માહોલ છવાયો હતો. ઘટનામાં એક વ્યક્તિનું મોત થયું હતું અને એક ઘાયલ વ્યક્તિને સારવાર માટે લઈ જવાયો છે. ઘટના કયા કારણથી બની. કોઈ ટેકનિકલ ખામી હતી કે પછી કોઈ બેદરકારી તેને લઈને પણ તપાસ કરવામાં આવશે.
