‘રામાયણ 3’ બનશે? રણબીર કપૂરનો ‘મોટો ઇશારો’, યશના રિએક્શને વધારી ફેન્સની એક્સાઈટમેન્ટ

બોલિવૂડ એક્ટર રણબીર કપૂર (Ranbir Kapoor) ની અપકમિંગ ફિલ્મ ‘રામાયણ: પાર્ટ 1’ સતત ચર્ચામાં બનેલી છે. ‘રામાયણ’ ની સ્ટારકાસ્ટથી લઈને નિર્માતા નામિત મલ્હોત્રા અને ડાયરેક્ટર નિતેશ તિવારી તેના પ્રમોશનમાં કોઈ કસર છોડી રહ્યા નથી.

મેકર્સ પહેલાથી જ ખુલાસો કરી ચૂક્યા છે કે, ‘રામાયણ’ ને બે પાર્ટમાં બનાવવામાં આવી રહી છે. એવામાં હવે નિર્માતા નામિત મલ્હોત્રાએ ત્રીજા પાર્ટની શક્યતા પર ખુલીને વાત કરી છે. પહેલા આ મહાકાવ્યને ત્રણ ફિલ્મોમાં રજૂ કરવાની યોજના હતી પરંતુ બાદમાં મેકર્સે તેને બે ભાગમાં રિલીઝ કરવાનો નિર્ણય લીધો હતો. હવે નિર્માતાની વાતો પરથી એવું લાગી રહ્યું છે કે, આવનારા દિવસોમાં તેઓ વાર્તાને ત્રીજા પાર્ટ સાથે આગળ વધારી શકે છે.

શું 3 પાર્ટમાં બનવાની હતી રામાયણ?

ફિલ્મ નિર્માતા નામિત મલ્હોત્રાએ હાલમાં જ લોસ એન્જલસમાં આયોજિત ફિલ્મના પ્રીમિયર દરમિયાન આંતરરાષ્ટ્રીય મીડિયા સાથે વાતચીત કરી હતી. આ દરમિયાન તેમણે જણાવ્યું કે, શરૂઆતમાં રામાયણને 3 પાર્ટ્સમાં બનાવવાનો પ્લાન કરવામાં આવ્યો હતો પરંતુ બાદમાં વાર્તાને બે ફિલ્મમાં સીમિત કરવાનો નિર્ણય લેવામાં આવ્યો.

નામિત મલ્હોત્રાના જણાવ્યા અનુસાર, ફિલ્મનું શૂટિંગ હજુ ચાલુ છે. દર્શકો તરફથી મળનારા રિવ્યૂ પછી જ ‘રામાયણ’ માં કેટલાક ફેરફારો કરવામાં આવી શકે છે.

Ranbir officially Confirmed there is #Ramayana Part 3

#RanbirKapoor | #Yash | #SaiPallavi https://t.co/W4A3RL9SXe

— Abhi (@Rocking_Tweetss) November 2, 2026

નામિત મલ્હોત્રાએ કહ્યું કે, ફિલ્મ રિલીઝ થયા પછી અને દર્શકોનો ફીડબેક મળ્યા પછી ટીમ ફરીથી બેસીને ચર્ચા કરી શકે છે કે વાર્તામાં કંઈક ઉમેરવાની કે હટાવવાની જરૂર છે કે નહીં? આ નિવેદન પછી રામાયણના ત્રીજા પાર્ટને લઈને ચર્ચાઓ તેજ થઈ ગઈ છે. જો કે, હજુ સુધી ‘રામાયણ પાર્ટ 3’ ને લઈને કોઈ સત્તાવાર જાહેરાત થઈ નથી.

રણબીર કપૂરે પાર્ટ 3 ને લઈને શું કહ્યું?

હાલમાં જ રણબીર કપૂરે ફિલ્મને લઈને પોતાની ઉત્સુકતા વ્યક્ત કરી હતી. આ દરમિયાન તેણે જણાવ્યું કે, તે ‘રામાયણ’ ના બીજા પાર્ટનું લગભગ 50 ટકા શૂટિંગ પૂરું કરી ચૂક્યો છે. આ જ વાતચીતમાં તેણે ત્રીજા પાર્ટનો ઉલ્લેખ કરતા કહ્યું કે, ‘જો ફિલ્મનો ત્રીજો હિસ્સો બને છે તો…’ રણબીરના આ નિવેદનમાં ઉપયોગ કરાયેલા ‘જો પાર્ટ 3 થયો તો’ શબ્દોએ સૌનું ધ્યાન ખેંચ્યું હતું.

ખાસ વાત એ રહી કે, આ દરમિયાન યશના રિએક્શનને પણ ફેન્સ ખૂબ જ ધ્યાનથી જોઈ રહ્યા છે. સોશિયલ મીડિયા યુઝર્સનું માનવું છે કે, રણબીરની આ ટિપ્પણી ફિલ્મના આગળના વિસ્તરણની શક્યતા તરફ ઈશારો કરે છે.

5 નવેમ્બર 2026 ના રોજ થશે Release

રણબીર કપૂરની ફિલ્મ ‘રામાયણ’ 5 નવેમ્બર 2026 ના રોજ વિશ્વભરના સિનેમાઘરોમાં રિલીઝ થવાની છે. ફિલ્મને સ્ટેન્ડર્ડ અને IMAX ફોર્મેટમાં રિલીઝ કરવાની યોજના છે. આ મૂવીમાં ભગવાન રામની ભૂમિકામાં રણબીર કપૂર, માતા સીતાના રોલમાં સાઈ પલ્લવી અને યશ રાવણના રોલમાં જોવા મળશે.

Ramayan: સૌથી મોંઘી ફિલ્મ ‘રામાયણ’માં બાળ શૂર્પણખાની ભૂમિકામાં જોવા મળશે દિશિતા સેહગલ, જુઓ ફોટો