કોણ છે રાહુલ મોદી, જેની સાથે અનંત-રાધિકાના પ્રી-વેડિંગમાં પહોંચી શ્રદ્ધા કપૂર
બોલિવુડના તમામ સ્ટાર્સ હાલમાં અનંત અંબાણી અને રાધિકા મર્ચન્ટના ગ્રાન્ડ પ્રી-વેડિંગ માટે જામનગર પહોંચી ગયા છે. જેમાં સલમાન ખાન, દીપિકા પાદુકોણ, સૈફ અલી ખાન, જાહ્નવી કપૂર, અનિલ કપૂર, કરીના કપૂર ખાન સહિત ઘણા સ્ટાર્સ સામેલ છે. શ્રદ્ધા કપૂર પણ ફંક્શનમાં હાજરી આપવા આવી હતી, આ દરમિયાન તેની સાથે રાહુલ મોદી પણ જોવા મળ્યો હતો. કોણ છે રાહુલ મોદી? જાણો
હાલમાં બોલિવુડના તમામ સ્ટાર્સ અંબાણી પરિવારના મહેમાન તરીકે જોવા મળે છે. ઈન્ડસ્ટ્રીના અનેક સ્ટાર્સ જામનગર અનંત અંબાણી અને રાધિકા મર્ચન્ટના ગ્રાન્ડ પ્રી-વેડિંગને માણવા આવ્યા છે. આ લિસ્ટમાં સલમાન ખાન, શાહરૂખ ખાન, આમિર ખાન, અનિલ કપૂર, કરીના કપૂર ખાન, સૈફ અલી ખાન, જાહ્નવી કપૂર, દીપિકા પાદુકોણ સહિત ઘણા નામ સામેલ છે. આ દરમિયાન શ્રદ્ધા કપૂરે બધાનું ધ્યાન ખેંચ્યું છે.
શ્રદ્ધા કપૂર પોતાની પર્સનલ લાઈફને લઈને અવારનવાર હેડલાઈન્સમાં રહે છે. ફરી એકવાર અનંત અંબાણી અને રાધિકા મર્ચન્ટના પ્રી-વેડિંગ ઈવેન્ટમાં કંઈક આવું જ થયું. આ ઈવેન્ટમાં શ્રદ્ધા કપૂર અને રાહુલ મોદી સાથે જોવા મળ્યા હતા. રિપોર્ટ્સ મુજબ બંને એકબીજાને ડેટ કરી રહ્યાં છે. પરંતુ હજુ સુધી શ્રદ્ધા કે રાહુલે ડેટિંગના સમાચાર પર કંઈ કહ્યું નથી.
View this post on Instagram
કોણ છે રાહુલ મોદી?
શ્રદ્ધા અને રાહુલને જામનગરમાં એકસાથે જોઈને ફેન્સ અંદાજ લગાવી રહ્યા છે કે બંને રિલેશનશિપમાં છે. શું તમે જાણો છો રાહુલ મોદી કોણ છે? રાહુલ મોદી ‘તુ જૂઠી મેં મક્કાર’ના રાઈટર રહી ચૂક્યા છે. આ ફિલ્મમાં શ્રદ્ધા કપૂર ફીમેલ લીડ તરીકે જોવા મળી હતી. આ સિવાય તેને ‘પ્યાર કા પંચનામા 2’ અને ‘સોનુ કે ટીટુ કી સ્વીટી’ જેવી ફિલ્મો માટે સ્ક્રિપ્ટ રાઈટર તરીકે કામ કર્યું છે. રિપોર્ટ્સ મુજબ રાહુલ મોદી પહેલા શ્રદ્ધા કપૂર રોહન શ્રેષ્ઠાને ડેટ કરતી હતી. રોહન વ્યવસાયે ફોટોગ્રાફર છે અને તેમનો સંબંધ લગભગ સાત વર્ષ સુધી ચાલ્યો, જે પછી વર્ષ 2022માં તેમનું બ્રેકઅપ થઈ ગયું.
View this post on Instagram
શ્રદ્ધા કપૂરની અપકમિંગ ફિલ્મ
શ્રદ્ધા કપૂરની ‘સ્ત્રી 2’ ટૂંક સમયમાં આવી રહી છે. આ ફિલ્મમાં તેની સાથે રાજકુમાર રાવ, પંકજ ત્રિપાઠી અને અભિષેક બેનર્જી જેવા સ્ટાર્સ લીડ રોલમાં જોવા મળશે. આ ફિલ્મને અમર કૌશિકે ડાયરેક્ટ કરી છે. વર્ષ 2018માં ‘સ્ત્રી’ રિલીઝ થઈ હતી, ત્યારથી ફેન્સ તેના અપકમિંગ પાર્ટની આતુરતાથી રાહ જોઈ રહ્યા છે.
આ પણ વાંચો: 1 હજાર કરોડનો ખર્ચ કરીને નવો રેકોર્ડ બનાવશે અનંત-રાધિકા, પાણીની જેમ મુકેશ અંબાણી ખર્ચી રહ્યા છે પૈસા
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
Latest News Updates
