TV9 Exclusive: અદનાન સામીની અધૂરી ખ્વાહિશ, જે હવે ક્યારેય પૂરી નહીં થઈ શકે… એમણે પોતે જ કર્યો ખુલાસો
પોતાના અલવિદા ગીત પર અદનાન સામીએ (Adnan Sami) પોતે જ લખ્યું છે, કમ્પોઝ કર્યું છે અને તેનો જ અવાજ આપ્યો છે. આ ગીત રિલીઝ થઈ ગયું છે, જેને લોકોનો ઘણો પ્રેમ મળી રહ્યો છે.
અદનાન સામી (Adnan Sami) બોલિવૂડનો જાણીતો સિંગર (Bollywood Singer) છે. તેણે પોતાના સિગિંગથી બધાના દિલ જીતી લીધા છે. હાલમાં જ અદનાન સામીનું એક નવું ગીત રિલીઝ થયું છે જેનું નામ ‘અલવિદા’ છે. આ ગીતને કારણે અદનાન શામી ચર્ચામાં છે. તેણે આ ગીત માટે પોતાનો લુક પણ બદલ્યો છે. TV9 ભારતવર્ષ ડિજિટલ સાથે અદનાન સામીએ વાત કરી અને આ વાતચીત દરમિયાન તેણે પોતાનું દર્દ પણ શેર કર્યું. તે બોલિવૂડના ફેમસ મ્યુઝિક ડાયરેક્ટર સાથે કામ કરવા માંગતો હતો પરંતુ હવે તેની સાથે કામ કરી શકતો નથી.
આ બે દિગ્ગજ કંપોઝર્સ સાથે કરવા માંગતો હતો કામ
અદનાન સામીએ આજે પોતાની એક એવી જગ્યા બનાવી લીધી છે જ્યાં લોકો પહોંચવાનું વિચારતા રહે છે. અદનાને શરૂઆતના દિવસોમાં ઘણી મહેનત કરી હતી અને તેનું જ પરિણામ છે કે તે આજે આ તબક્કે છે. તેણે પોતાના કરિયરમાં અત્યાર સુધી લગભગ તમામ મ્યુઝિક ડાયરેક્ટર્સ સાથે કામ કર્યું છે પરંતુ બોલિવૂડના બે એવા મ્યુઝિક ડાયરેક્ટર્સ છે જેમની સાથે અદનાન સામી કામ કરવા માગતો હતો પરંતુ હવે કરી શકતો નથી અને તેણે પોતે TV9 ભારતવર્ષ ડિજિટલ પર આ વાતનો ખુલાસો કર્યો છે. તેણે એસડી બર્મન અને આર ડી બર્મન સાથે કામ કરવાની ઈચ્છા વ્યક્ત કરી. પરંતુ પછી તેણે એમ પણ કહ્યું કે તે તેમની સાથે કામ કરી શકતો નથી, પરંતુ તે આ બે દિગ્ગજો સાથે કામ કરવા માંગતો હતો.
અહીં જુઓ અદનાન સામીનું ઈન્ટરવ્યુ
ઈન્સ્ટાગ્રામ એકાઉન્ટમાંથી ડિલીટ કરી પોસ્ટ
અદનાન સામીએ હાલમાં જ તેના ઈન્સ્ટાગ્રામ એકાઉન્ટમાંથી તમામ પોસ્ટ ડિલીટ કરી દીધી હતી, એવા સમાચારો સામે આવ્યા હતા કે તેને આ વિશે સવાલો પૂછવામાં આવ્યા હતા, પરંતુ તેણે કહ્યું કે હકીકતમાં તેણે આ એટલા માટે કર્યું કારણ કે તે તેના ફ્રેશ આવનારા ગીતો માટે કામ કરી રહ્યો છે. તેણે તેની બધી જૂની પોસ્ટ કાઢી નાખી ન હતી પરંતુ તેને આર્કાઇવમાં મૂકી દીધી હતી.
‘અલવિદા’ ગીત હાલમાં જ થયું રીલિઝ
આ સિવાય અદનાન સામીએ અન્ય ઘણા પાસાઓ પર પણ વાત કરી. તેમના અલવિદા ગીતને તેમણે પોતે જ લખ્યું છે, કમ્પોઝ કર્યું છે અને પોતાનો અવાજ આપ્યો છે. આ ગીત રિલીઝ થઈ ગયું છે, જેને લોકોનો ઘણો પ્રેમ મળી રહ્યો છે.