બિલાડીની જેમ ચાર પગે આવ્યો ચોર અને કેન્ટીનના ગલ્લામાંથી રોકડની ચોરી કરી નાસી ગયો, જુઓ વિડીયો

AHMEDABAD : અમદાવાદની સોલા સિવિલમાં વધુ એક વખત ચોરીનો બનાવ બન્યો છે.. માણસો હોવા છતા સિવિલની કેન્ટીનમાં રોકડ રકમની ચોરી થઇ છે અને ચોરીની આ ઘટના CCTV કેમેરામાં પણ કેદ થઇ છે.હાલ આ મામલે સોલા પોલીસ સ્ટેશનમાં ફરિયાદ કરાઇ છે.

સોલા સિવિલ હોસ્પિટલની કેન્ટીનના કર્મચારીઓની હાજરી હોવા છતાં ચોરી થઇ છે. આ ચોર એટલો ચાલાક અને હિમતવાળો હતો કે તેણે કેન્ટીનના કર્મચારીઓને જરા પણ ખબર પડવા ન દીધી કે પોતે ત્યાં ચોરી કરવા આવ્યો છે. એક બિલાડી જેમ ઉંદરનો શિકાર કરવા ધીમા ધીમા ડગલા ભરે એમ આ ચોર બિલાડીની જેમ જ ચાર પગે ચાલતો દેખાય છે.

અગાઉ પણ ઓક્સિજનની કોપર પાઇપો તેમજ રેડિયોલોજી ડિપાર્ટમેન્ટમાંથી મશીનની ચોરી થઇ હતી.. સોલા સિવિલ હોસ્પિટલમાંથી અવાર-નવાર સ્ટાફના જ ટુ-વ્હીલરોની પણ ચોરીની ઘટનાઓ બને છે. અને હવે સિવિલ હોસ્પિટલની કેન્ટીનમાં ચોરીનો બનાવ બન્યો છે.

આ પણ વાંચો : પેટ્રોલ-ડીઝલ પર એક્સાઈઝ ડ્યુટી ઘટાડવાના PM મોદીના સંવેદનશીલ નિર્ણયથી સામાન્ય માણસને મળશે રાહત: અમિત શાહ

આ પણ વાંચો : પેટ્રોલ-ડીઝલમાં એક્સાઈઝ અને VAT ઘટાડવા બદલ નીતિન પટેલે PM મોદી અને CM ભુપેન્દ્ર પટેલને અભિનંદન પાઠવ્યા