અમદાવાદ : હથિયારો છુપાવવાના કેસમાં એક આરોપીની ધરપકડ, મુખ્ય આરોપીઓ ફરાર
કાદર કાલીયાની ધરપકડ તેના ઘરમાથી 2 પિસ્ટલ , એક બાર બોરની રાઈફલ અને 19 જીવતા કારતુસ (Weapon) મળી આવતા કરવામાં આવી હતી. જે મુળ કાયલા ગામનો વતની છે.
અમદાવાદ : કહેવત છે કે, પહેલો સગો તે પાડોશી. પરંતુ આવો સગો ક્યારેક મુસિબત પણ ઉભી કરી શકે છે. અને તેવુ જ કઈંક થયુ એક યુવક સાથે જેણે પોતાના ઘરમાં પાડોશીએ આપેલા હથિયાર (Weapon)છુપાવ્યા, અને ગ્રામ્ય એલસીબીએ (LCB) તેની ધરપકડ કરી. ધરપકડ બાદ હકિકત સામે આવી કે, આ હથિયાર ઝડપાયેલ આરોપીના નહિ પરંતુ તેની પાડોશમાં રહેતા બે ભાઈઓના છે. જેમની પોલીસે શોધખોળ હાથ ધરી.
અમદાવાદ ગ્રામ્ય એલસીબીની કસ્ટડીમાં રહેલા આ આરોપીનુ નામ કાદરભાઈ અબ્દુલભાઈ કાલીયા છે. જે મુળ કાયલા ગામનો વતની છે. કાદર કાલીયાની ધરપકડ તેના ઘરમાથી 2 પિસ્ટલ , એક બાર બોરની રાઈફલ અને 19 જીવતા કારતુસ મળી આવતા કરવામાં આવી હતી. કાદર કાલીયાના ઘરમાંથી હથિયાર મળતા પોલીસે તેને ઝડપી હથિયાર અંગે તપાસ હાથ ધરતા અન્ય બે આરોપીના નામ સામે આવ્યા જેમની પોલીસે શોધખોળ હાથ ધરી છે.
ગ્રામ્ય એલસીબીએ આરોપીની ધરપકડ કરી તેના રિમાન્ડ મેળવ્યા બાદ હથિયાર અંગે તપાસ કરતા હકિકત સામે આવી કે, ઝડપાયેલા આરોપીની પાડોશમાં રહેતા બે ભાઈ ઈકબાલ બબાણી અને યાશીન બબાણીએ આ હથિયાર છુપાવવા માટે આપ્યા હતા. થોડા સમય પહેલા કાયલા ગામમા થયેલી અથડામણમાં આ બે ભાઈ આરોપી હતા. અને હથિયાર તેમના ઘરે થી ન ઝડપાય તે માટે તેમણે આ હથિયાર કાદરભાઈના ઘરે છુપાવ્યા હોવાનુ સામે આવ્યુ છે.
મહત્વનુ છે કે હથિયાર રાખનાર આરોપી તો ઝડપાઈ ગયા. પરંતુ હથિયાર લાવનાર અને તેનો ઉપયોગ કરનાર આરોપી ફરાર છે. જેથી પોલીસે તેમની શોધખોળ હાથ ધરી છે. ત્યારે પોલીસ તપાસમાં આરોપી અને હથિયાર અંગે કોઈ નવો ખુલાસો થાય છે કે કેમ તે જોવુ મહત્વનુ છે.
Latest News Updates
