Indian Army Recruitment 2021: ભારતીય સેનામાં TGC 133 માટે નિ:શૂલ્ક કરો અરજી, જાણો માહિતી

ટેક્નિકલ ગ્રેજ્યુએટ કોર્સ 133 માટે ખાલી જગ્યાઓ જાહેર કરાઈ છે. આ ખાલી જગ્યા (Indian Army Recruitment 2021) હેઠળ કુલ 40 જગ્યાઓ માટે અરજી પ્રક્રિયા શરૂ થઈ છે.

  • TV9 Webdesk25
  • Published On - 19:37 PM, 27 Feb 2021
Indian Army Recruitment 2021: ભારતીય સેનામાં TGC 133 માટે નિ:શૂલ્ક કરો અરજી, જાણો માહિતી

Join Indian Army: ટેક્નિકલ ગ્રેજ્યુએટ કોર્સ 133 માટે ખાલી જગ્યાઓ જાહેર કરાઈ છે. આ ખાલી જગ્યા (Indian Army Recruitment 2021) હેઠળ કુલ 40 જગ્યાઓ માટે અરજી પ્રક્રિયા શરૂ થઈ છે. આમાં અરજી કરનારા ઉમેદવારોએ જોઈન ઈન્ડિયન આર્મીની સત્તાવાર વેબસાઈટની joinindianarmy.nic.in મુલાકાત લેવાની રહેશે.

 

ભારતીય સેનામાં ટેકનિકલ ગ્રેજ્યુએટ કોર્સ 133 (TGS) માટેની અરજી પ્રક્રિયા 25 ફેબ્રુઆરી 2021થી શરૂ થઈ છે. આમાં અરજી કરવાની છેલ્લી તારીખ 26 માર્ચ 2021 છે. જોઈન ઈન્ડિયન આર્મી દ્વારા બહાર પાડવામાં આવેલ જાહેરનામા મુજબ આ ખાલી જગ્યાની જાણ કરવામાં આવી છે. આમાં અરજી કરતા ઉમેદવારોએ અરજી ફી ભરવાની રહેશે નહીં.

 

ખાલી જગ્યાની વિગતો

આ ખાલી જગ્યા હેઠળ કુલ 40 જગ્યાઓ પર ભરતી કરવામાં આવશે. જેમાં સિવિલ બિલ્ડિંગ કન્સ્ટ્રક્શન ટેક્નલોજીની 11, કમ્પ્યુટર સાયન્સ એન્ડ એન્જિનિયરિંગની 12, મિકેનિકલની 03, ઈલેક્ટ્રિકલની 04, ઈલેક્ટ્રોનિક્સ એન્ડ ટેલિકોમની 03, એરોસ્પેસની 03 બેઠકો નક્કી કરવામાં આવી છે. આ ઉપરાંત ઓટોમોબાઈલ્સ, ટેક્સટાઈલ, ઈલેક્ટ્રોનિક્સ એન્ડ કોમ્યુનિકેશન અને ટેલિકમ્યુનિકેશનની 1-1 જગ્યાઓ પર ભરતી કરવામાં આવશે.

TGC 133 માટે કેવી રીતે અરજી કરવી

ટેક્નિકલ ગ્રેજ્યુએટ કોર્સ 133 માટે અરજી કરવા માટે પહેલા joinindianarmy.nic.inની સત્તાવાર વેબસાઈટ પર જાઓ. અહીં, હવે હોમ પેજ પર Officers Entry Application(s) Open માં Technical Graduate Course – 133ની લિંક પર ક્લિક કરો. નોંધણી કર્યા પછી તમે New Application પર જઈને અરજી ફોર્મ ભરી શકો છો.

 

કોણ અરજી કરી શકે છે?

જેમાં અરજી કરનારા પુરુષ ઉમેદવારોને એન્જિનિયરિંગના કોર્સમાં એડમિશન લીધેલું હોવું જોઈએ. આ માટે જે ઉમેદવારો પાસ થયા છે અથવા છેલ્લા વર્ષમાં અભ્યાસ કરતાં હોય તે પણ અરજી કરી શકે છે. વિવાહિત ઉમેદવારો આમાં અરજી કરી શકશે નહીં. ઉમેદવારોની ઉંમર 20 વર્ષથી વધુ અને 27 વર્ષથી ઓછી હોવી જોઈએ.