CTET 2022 એપ્લિકેશન ફોર્મ કેવી રીતે ભરવું? જાણો કેવું રહેશે પરીક્ષાનું પેપર
સેન્ટ્રલ ટીચર્સ એલિજિબિલિટી ટેસ્ટ (CTET) એપ્લિકેશન પ્રક્રિયા માટેનું ઓનલાઇન ફોર્મ સત્તાવાર વેબસાઇટ ctet.nic.in પર ભરી શકાય છે.
સેન્ટ્રલ ટીચર્સ એલિજિબિલિટી ટેસ્ટ (CTET) માટેની અરજી પ્રક્રિયા શરૂ થઈ ગઈ છે. અધિકૃત વેબસાઇટ ctet.nic.in પર જઈને અરજી ફોર્મ ભરી શકાય છે. રસ ધરાવતા ઉમેદવારો દેશભરની શાળાઓમાં શિક્ષકોની જગ્યાઓ પર ભરતી માટે શિક્ષક પાત્રતા કસોટી માટે અરજી કરી શકે છે. CTET 2022 ઓનલાઈન અથવા કોમ્પ્યુટર આધારિત ટેસ્ટ (CBT) ફોર્મેટમાં લેવામાં આવશે. CTET પરીક્ષા ડિસેમ્બરના અંતમાં 2022 અથવા જાન્યુઆરી 2023માં લેવામાં આવશે. ઉમેદવારોને તેમના એડમિટ કાર્ડ પર પરીક્ષાની નિર્ધારિત તારીખ વિશેની માહિતી મળશે.
ઓનલાઈન અરજીની પ્રક્રિયા 31મી ઓક્ટોબરથી શરૂ થઈ રહી છે. ઉમેદવારો 24 નવેમ્બર સુધી CTET પરીક્ષા માટે અરજી કરી શકશે. ઓનલાઈન ફોર્મ ભર્યા પછી, ઉમેદવારોએ ‘પહેલા આવો પહેલા મેળવો’ યોજનાના આધારે ફી ભરવાની રહેશે. જ્યારે તે શહેરના પરીક્ષા કેન્દ્રમાં બેઠક ઉપલબ્ધ હશે ત્યારે ઉમેદવારોને તેમની પસંદગીના શહેરમાં પરીક્ષા આપવાની તક મળશે. પરીક્ષા કેન્દ્રની ઉપલબ્ધતા પરીક્ષા કેન્દ્રની કુલ ક્ષમતા અને શહેરમાં કેન્દ્રોની કુલ સંખ્યા પર નિર્ભર રહેશે. શહેરમાં પરીક્ષા કેન્દ્રની ક્ષમતા સત્તાવાર પોર્ટલ પર જણાવવામાં આવશે.
CTET પરીક્ષાનું ફોર્મ કેવી રીતે ભરવું?
- અરજી ફોર્મ ભરવા માટે સત્તાવાર વેબસાઇટ ctet.nic.inની મુલાકાત લો.
- હોમપેજ પર CTET 2022 APPLICATION LINK લિંક પર ક્લિક કરવું પડશે.
- હોમપેજ પર તમારે Applyની લિંક પર ક્લિક કરવાનું રહેશે.
- હવે તમારે લોગીન એકાઉન્ટ બનાવવું પડશે.
- રજીસ્ટ્રેશન નંબર/એપ્લીકેશન નંબર દ્વારા લોગિન કરો.
- અરજી ફોર્મ ભરો.
- જરૂરી દસ્તાવેજો અપલોડ કરો.
- છેલ્લે ફીની ચુકવણી કરો.
કેવું રહેશે પરીક્ષાનું પેપર?
- પરીક્ષામાં ઉમેદવારોને બહુવિધ પસંદગીના પ્રશ્નો (MCQ) પૂછવામાં આવશે.
- દરેક પ્રશ્નમાં ચાર વિકલ્પો હશે, જેમાંથી એકને પસંદ કરવાનો રહેશે.
- દરેક પ્રશ્ન માટે એક નંબર આપવામાં આવશે.
- પરીક્ષામાં કોઈ નેગેટિવ માર્કિંગ રહેશે નહીં.
- CTETમાં બે પેપર લેવાના છે.
ઉમેદવારોને કહેવામાં આવે છે કે તેઓએ અરજી ફોર્મ ઑનલાઇન મોડમાં ભરવાનું રહેશે. ઑફલાઇન મોડમાં પરીક્ષા ફોર્મ ભરવાનો કોઈ વિકલ્પ નથી. ઉમેદવારોએ માત્ર ઓનલાઈન મોડમાં જ અરજી ફી ભરવાની રહેશે.