શું Book My Show ના CEO ની થશે ધરપકડ ? Coldplay કોન્સર્ટની ટિકિટ બ્લેકમાં વેચવાનો આરોપ

શું તમે કોલ્ડપ્લેના કોન્સર્ટ માટે ટિકિટ ખરીદવાનો પણ પ્રયાસ કર્યો છે ? ઘણા પ્રયત્નો કરવા છતાં પણ તમને તેની ટિકિટ મળી નથી? આટલું જ નહીં, અત્યારે ઉપલબ્ધ ટિકિટોની કિંમતો પણ અતિશય છે. આવી સ્થિતિમાં મુંબઈ પોલીસને આ ટિકિટોના બ્લેક માર્કેટિંગની શંકા છે અને તેથી તેણે ઓનલાઈન ટિકિટિંગ પ્લેટફોર્મ ‘બુક માય શો’ના સીઈઓને સમન્સ પાઠવ્યું છે.

‘બુક માય શો’ બિગ ટ્રી એન્ટરટેઈનમેન્ટ પ્રા. લિ.ની માલિકીનો છે. મુંબઈ પોલીસની ઈકોનોમિક ઓફેન્સ વિંગે કંપનીના સીઈઓ આશિષ હેમરાજાની અને ટીમના વરિષ્ઠ સભ્યને સમન્સ મોકલ્યા છે. તેના પર મુંબઈમાં કોલ્ડપ્લેના કોન્સર્ટની ટિકિટના કથિત બ્લેક માર્કેટિંગનો આરોપ છે. મુંબઈ પોલીસે તેને શનિવારે હાજર થવા કહ્યું છે.

ફરિયાદના આધારે પોલીસ કાર્યવાહી

મીડિયા રિપોર્ટ્સ અનુસાર, વકીલ અમિત વ્યાસે કોલ્ડપ્લે કોન્સર્ટ ટિકિટના બ્લેક માર્કેટિંગને લઈને મુંબઈ પોલીસમાં ફરિયાદ નોંધાવી હતી. આના પર કાર્યવાહી કરતા પોલીસે બુક માય શોના સીઈઓને સમન્સ મોકલ્યા છે.

Web Stories View more

રોહિતે સચિન-ધોનીની કરી બરાબરી, વિરાટ બન્યો સૌથી ખરાબ બેટ્સમેન

કાનનો કચરો કેવી રીતે સાફ કરવો ? જાણી લો 6 ઘરેલુ નુસખા

શું તમે દરરોજ ઘી વાળી રોટલી ખાઓ છો? જાણો શરીર પર શું અસર થાય

યશસ્વી જયસ્વાલની બેટિંગ દરમિયાન મેદાનમાં ફરતી છોકરી કોણ છે?

જસપ્રીત બુમરાહ બન્યો કેપ્ટન

Fenugreek Seeds : પેટની ચરબીને 20 દિવસમાં ઓગાળી દેશે આ દાણા, દરરોજ સવારે આ રીતે કરો સેવન

આંતરરાષ્ટ્રીય મ્યુઝિક બેન્ડ કોલ્ડપ્લે આવતા વર્ષે જાન્યુઆરીમાં ભારતના પ્રવાસે આવી રહ્યું છે. તેમનો આ ભારત પ્રવાસ લગભગ આઠ વર્ષ પછી થવા જઈ રહ્યો છે. કોલ્ડપ્લેનો કોન્સર્ટ મુંબઈમાં 18, 19 અને 21 જાન્યુઆરી 2025ના રોજ યોજાનાર છે. આ તેમના ‘મ્યુઝિક ઑફ સ્ફિયર્સ વર્લ્ડ ટૂર’નો એક ભાગ છે.

કોલ્ડપ્લેના કોન્સર્ટની ટિકિટ બુક માય શોમાં 22 સપ્ટેમ્બરે બપોરે 12 વાગ્યે શરૂ થઈ હતી. પરંતુ થોડી જ સેકન્ડોમાં સાઈટ પર ટેકનિકલ ખામી સર્જાઈ અને થોડી જ વારમાં શોની તમામ ટિકિટો વેચાઈ ગઈ.

ટિકિટની કિંમત 3 લાખ રૂપિયા સુધી પહોંચી ગઈ છે

કોલ્ડપ્લેના કોન્સર્ટની ટિકિટની કિંમત મૂળ રૂ. 2500 થી રૂ. 35,000 હતી. પરંતુ આ તમામ ટિકિટો થોડી જ સેકન્ડોમાં વેચાઈ ગઈ હતી. આ પછી હવે કેટલાક રિ-સેલર પ્લેટફોર્મ આ ટિકિટોને 35,000 રૂપિયાથી લઈને 3 લાખ રૂપિયા સુધીની કિંમતમાં વેચી રહ્યા છે. આ પ્લેટફોર્મ્સમાં વાયાગોગો અને ગિગ્સબર્ગના નામ સામેલ છે.

‘બુક માય શો’ પર બ્લેક માર્કેટિંગને લઈને સોશિયલ મીડિયા પર ઘણી ચર્ચા થઈ હતી. તેથી, આ અઠવાડિયાની શરૂઆતમાં, ‘બુક માય શો’ એ એક નિવેદન બહાર પાડીને જણાવ્યું હતું કે ટિકિટના વેચાણ અને પુનઃવેચાણના પ્લેટફોર્મ Viagogo અને Gigsberg સાથે તેને કોઈ લેવાદેવા નથી. એટલું જ નહીં, તેણે ગ્રાહકોને ટિકિટની આડમાં થતી છેતરપિંડીથી બચવા માટે પણ અપીલ કરી છે, ભારતીય કાયદા અનુસાર, દેશમાં કોઈ પણ ફિલ્મ અથવા શોની ટિકિટની જથ્થાબંધ ખરીદી અથવા પુનઃવેચાણ એ સજાપાત્ર ગુનો છે. કંપનીનું કહેવું છે કે તેણે તેના પ્લેટફોર્મ પર ટિકિટના તત્કાલ વેચાણને લઈને પોલીસમાં ફરિયાદ પણ નોંધાવી છે. સાથે જ તે પોલીસ તપાસમાં સંપૂર્ણ સહકાર આપવા તૈયાર છે.