7th Pay Commission : 16 માર્ચે સરકાર DA નો નિર્ણય લેશે, જાણો સરકારી કર્મચારીઓને કેટલો થશે લાભ?

7th Pay Commission : કેન્દ્ર સરકાર ટૂંક સમયમાં તેના કર્મચારીઓને હોળીની ભેટ આપી શકે છે. આ અઠવાડિયે પગારમાં મોંઘવારી ભથ્થું (DA) વધારવા ઉપરાંત 18 મહિનાથી અટવાયેલા જૂના DAનું પણ સમાધાન થઈ શકે છે. મામલા સાથે સંકળાયેલા સૂત્રોનું કહેવું છે કે સરકાર 16 માર્ચે નિર્ણય લઈ શકે છે. સૂત્રોનું કહેવું છે કે આ વખતે DA માં 3 ટકાનો વધારો કરવામાં આવશે જે 31 ટકાથી વધીને 34 ટકા થશે. જો આમ થશે તો કર્મચારીઓના પગારમાં તેમના બેઝિક પગાર પ્રમાણે મોટો વધારો થશે. આ સિવાય સરકાર 16 માર્ચે પેન્ડિંગ DA પર પણ નિર્ણય લઈ શકે છે. એવું કહેવામાં આવી રહ્યું છે કે સરકાર 18 મહિનાના DA ના વન ટાઈમ સેટલમેન્ટની તૈયારી કરી રહી છે. સરકારે હાલ જાન્યુઆરી 2020 થી જૂન 2021 સુધીના એરિયર્સ ચૂકવવાના નિર્ણયને અટકાવી રાખ્યો છે.

ચૂંટણીના કારણે વિલંબ

મોંઘવારી ભથ્થામાં વધારો અને પેન્ડિંગ DA પર નિર્ણય લેવામાં વિલંબ યુપી સહિત પાંચ રાજ્યોમાં ચાલી રહેલી વિધાનસભા ચૂંટણીને કારણે થયો છે. કર્મચારીઓ 18 મહિનાના અટકેલા ડીએને બહાલ કરવાની માંગ કરી રહ્યા છે. આ અંગે નિર્ણય 16 માર્ચે લેવાનો છે અને તે પહેલા કેબિનેટ સચિવ સાથે વાતચીત થશે. જો સરકાર મોંઘવારી ભથ્થું વધારશે તો લગભગ 48 લાખ કર્મચારીઓ અને 68 લાખ પેન્શનધારકોને ફાયદો થશે.

અત્યારે તમને 31% ના દરે DA મળે છે

હાલમાં સરકારી કર્મચારીઓને 31 ટકા ડીએ મળે છે. 3 ટકાના વધારાથી સરકારી કર્મચારીઓના પગારમાં મહત્તમ રૂ. 20,000 અને લઘુત્તમ રૂ. 6,480નો વધારો થશે. AICPI (All India Consumer Price Index for Industrial Workers) ના ડેટા અનુસાર ડીએ ડિસેમ્બર 2021 સુધીમાં 34.04% સુધી પહોંચી ગયું છે. જો કોઈ કર્મચારીનો મૂળ પગાર રૂ. 18,000 દર મહિને છે તો નવું DA (34%) રૂ. 6,120 દર મહિને મળશે જે હાલમાં ડીએ રૂ. 31% પર 5,580 છે.

Web Stories View more

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ઉનાળામાં આ વસ્તુઓનું સેવન કરશો તો ડિહાઇડ્રેશનનો શિકાર નહીં બનો

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

DA  ક્યારે શરૂ થયું?

કર્મચારીઓના જીવનધોરણને સુધારવા માટે ડીએ આપવામાં આવે છે. ડીએ દર વર્ષે જાન્યુઆરી અને જુલાઈમાં બદલાય છે. સૌપ્રથમ ડીએ 1972 માં મુંબઈમાં શરૂ કરવામાં આવ્યું હતું. આ પછી કેન્દ્ર સરકારે તમામ સરકારી કર્મચારીઓને મોંઘવારી ભથ્થું આપવાનું શરૂ કર્યું. ગયા વર્ષે જુલાઈ અને ઓક્ટોબરમાં કેન્દ્રીય કર્મચારીઓનો ડીએ બમણો કરવામાં આવ્યો હતો.

આ પણ વાંચો : Commodity prices : કોમોડિટીમાં ભયંકર તેજી, સિક્કા બનાવવાની કિંમત ફેસ વેલ્યુ કરતાં વધી

આ પણ વાંચો : મહાનદી કોલફિલ્ડ્સ દેશની સૌથી મોટી કોલસા ઉત્પાદક કંપની બની, કોલસાના સંકટને પહોંચી વળવા કરશે મદદ