Stock Market Live: સેન્સેક્સ 260 પોઈન્ટ વધ્યો, નિફ્ટી 24350ની નજીક બંધ થયો

અદાણીના ભત્રીજા પર ખબરો લીક કરવાનો આરોપ, ઇનસાઇડર ટ્રેડિંગ સાથે જોડાયો છે મામલો

સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયા (SEBI) એ અદાણીના ભત્રીજા પર ઇનસાઇડર ટ્રેડિંગ કેસમાં આરોપ મૂક્યો છે. માર્કેટ રેગ્યુલેટર SEBI એ આરોપ લગાવ્યો છે કે અદાણી ગ્રુપની અનેક કંપનીઓના ડિરેક્ટર અને અબજોપતિ સ્થાપક ગૌતમ અદાણીના ભત્રીજા પ્રણવ અદાણીએ કેટલીક સંવેદનશીલ માહિતી શેર કરી છે, જે ઇનસાઇડર ટ્રેડિંગની શ્રેણીમાં આવે છે.

ન્યૂઝ એજન્સી રોઇટર્સે સૂત્રો અને દસ્તાવેજોના આધારે અહેવાલ આપ્યો છે કે ગૌતમ અદાણીના ભત્રીજાને ગયા વર્ષે SEBI દ્વારા નોટિસ મોકલવામાં આવી હતી, જેમાં આરોપ લગાવવામાં આવ્યો હતો કે તેમણે 2021 માં સોફ્ટબેંક-સમર્થિત SB એનર્જી હોલ્ડિંગ્સના અદાણી ગ્રીનના સંપાદન વિશેની માહિતી તેમના સાળા સાથે સેટલમેન્ટની જાહેરાત થાય તે પહેલાં શેર કરી હતી.

સેન્સેક્સ દિવસના ઉચ્ચતમ સ્તરથી 1000 પોઈન્ટ ઘટ્યો

શેરબજારમાં કડાકો: શુક્રવાર, 2 મેના રોજ ભારતીય શેરબજારોમાં ભારે ઉતાર-ચઢાવ જોવા મળ્યો. સેન્સેક્સ અને નિફ્ટી બંનેએ મજબૂત વધારા સાથે ટ્રેડિંગ શરૂ કર્યું, પરંતુ બપોર સુધીમાં બજારે તેની ગતિ ગુમાવી દીધી અને રોકાણકારોની ચિંતામાં વધારો કર્યો. સેન્સેક્સ દિવસના ઉચ્ચતમ સ્તરથી લગભગ 1,000 પોઈન્ટ ઘટ્યો. અમેરિકામાં મંદીના ભય અને ભારત-પાકિસ્તાન સરહદ પર તણાવથી રોકાણકારોના સેન્ટિમેન્ટ પર અસર પડી.

શરૂઆતના વેપારમાં BSE સેન્સેક્સ 935 પોઈન્ટ અથવા 1.16% વધીને આજના ઉચ્ચતમ સ્તર 81,177 પર પહોંચ્યો. પરંતુ આ પછી તે અચાનક લગભગ 1,009 પોઈન્ટ ઘટીને 80,168.59 ના સ્તરે સરકી ગયો. નિફ્ટી-50 માં પણ આટલો જ તીવ્ર ઘટાડો જોવા મળ્યો અને તે દિવસના ઉચ્ચતમ સ્તરથી લગભગ 255 પોઈન્ટ ઘટીને 24,238.50 ના સ્તરે પહોંચી ગયો.

સેન્સેક્સ 260 પોઈન્ટ વધ્યો, નિફ્ટી 24350 ની નજીક બંધ થયો

સપ્તાહના છેલ્લા દિવસે બજારમાં પ્રોફિટ બુકિંગ જોવા મળ્યું અને ઉપરના સ્તરથી નીચે ઉતર્યા પછી બજાર બંધ થયું. નિફ્ટી-નિફ્ટી બેંક ફ્લેટ બંધ થયો છે. મિડકેપ ઈન્ડેક્સ ઘટાડા સાથે બંધ થયો. મેટલ, ફાર્મા, રિયલ્ટી ઈન્ડેક્સ ઘટાડા સાથે બંધ થયો. જ્યારે એફએમસીજી, પીએસઈ, એનર્જી ઈન્ડેક્સ દબાણ હેઠળ રહ્યો. આઈટી, ઓઈલ-ગેસ ઈન્ડેક્સ વધારા સાથે બંધ થયો.

ટ્રેડિંગના અંતે, સેન્સેક્સ 259.75 પોઈન્ટ એટલે કે 0.32 ટકાના વધારા સાથે 80,501.99 પર બંધ થયો. નિફ્ટી 12.50 પોઈન્ટ એટલે કે 0.05 ટકાના વધારા સાથે 24,346.70 પર બંધ થયો.

અદાણી પોર્ટ્સ, ઈન્ડસઈન્ડ બેંક, બજાજ ફાઇનાન્સ, મારુતિ સુઝુકી, ટાટા સ્ટીલ નિફ્ટીના ટોચના વધારા સાથે બંધ થયા. નિફ્ટીના સૌથી વધુ ઘટાડાવાળા શેર JSW સ્ટીલ, આઇશર મોટર્સ, બજાજ ઓટો, હીરો મોટોકોર્પ, નેસ્લે રહ્યા.

BSEનો મિડકેપ ઇન્ડેક્સ 0.4 ટકા ઘટ્યો. સ્મોલકેપ ઇન્ડેક્સ ફ્લેટ જોવા મળ્યો. ક્ષેત્રીય મોરચે, મીડિયા, ઉર્જા, IT, તેલ અને ગેસ ઇન્ડેક્સ 0.30-0.60 ટકાના વધારા સાથે બંધ થયો. બીજી તરફ, પાવર, મેટલ, ટેલિકોમ, ફાર્મા, રિયલ્ટી, કન્ઝ્યુમર ડ્યુરેબલ્સમાં 0.5-1 ટકાનો ઘટાડો જોવા મળ્યો.

ઓલા ઇલેક્ટ્રિકની નવી મુશ્કેલી, સેબી ઇનસાઇડર ટ્રેડિંગ કેસની તપાસ કરી રહી

ઇનસાઇડર ટ્રેડિંગના કિસ્સામાં ઓલા ઇલેક્ટ્રિક મોબિલિટી લિમિટેડની મુશ્કેલીઓ વધી શકે છે. હકીકતમાં, બજાર નિયમનકાર સેબીએ ઓક્ટોબર અને ડિસેમ્બર 2024 વચ્ચે ઇનસાઇડર ટ્રેડિંગના બે કેસોમાં ભાવેશ અગ્રવાલની આગેવાની હેઠળની ઓલા ઇલેક્ટ્રિક મોબિલિટી લિમિટેડની તપાસ શરૂ કરી છે.  સૂત્રોને ટાંકીને એક અહેવાલમાં આ માહિતી આપી છે. આ અહેવાલમાં કહેવામાં આવ્યું છે કે ઓલા ઇલેક્ટ્રિક દ્વારા સંબંધિત પક્ષ વ્યવહારો પણ સેબીના રડાર પર છે. આ સમાચાર વચ્ચે, ઓલા ઇલેક્ટ્રિકના શેર વેચવાના મોડમાં જોવા મળ્યા. શુક્રવારે, અઠવાડિયાના છેલ્લા ટ્રેડિંગ દિવસે, શેર એક ટકા ઘટીને રૂ. 48 ના સ્તરે પહોંચી ગયા.

IOB Q4નો નફો 808 કરોડ રૂપિયાથી વધીને 1,051 કરોડ રૂપિયા થયો

વાર્ષિક ધોરણે નફો 808 કરોડ રૂપિયાથી વધીને 1,051 કરોડ રૂપિયા થયો જ્યારે NII 2,763 કરોડ રૂપિયાથી વધીને 3,123 કરોડ રૂપિયા થયો. ગ્રોસ NPA 2.55% થી ઘટીને 2.14% થયો. પ્રોવિઝનિંગ 400 કરોડ રૂપિયાથી ઘટીને 200 કરોડ રૂપિયા થયું.

રેલટેલનો શેર 13% વધ્યા

રેલટેલના શેરમાં ખરીદીનો ટ્રેન્ડ એટલો મજબૂત રહ્યો કે તે ઇન્ટ્રા-ડે ૧૩% થી વધુ વધ્યો. તેના શેરમાં આ વધારો એ હકીકતને કારણે થયો કે માર્ચ 2025 ક્વાર્ટરમાં કંપનીની આવક અને ચોખ્ખો નફો ઘણા ક્વાર્ટરમાં રેકોર્ડ ઉચ્ચ સ્તરે પહોંચ્યો હતો. આ કારણે, ઇક્વિટી માર્કેટ ટ્રેડિંગ શરૂ થયા પછી, રોકાણકારોએ મોટી સંખ્યામાં શેર ખરીદવાનું શરૂ કર્યું અને કિંમતો વધતી રહી.

બજારમાં વેચવાલીનું વર્ચસ્વ ! JSW સ્ટીલ, કોટક બેંક અને NTPC એ સૌથી વધુ દબાવમાં

મજબૂત તેજી પછી, બજારમાં વેચવાલી જોવા મળી રહી છે. નિફ્ટી ઉપલા સ્તરોથી ત્રણસો પચાસ પોઈન્ટ નીચે આવીને 24250 ની નજીક પહોંચી ગયો છે. ભારતીય JSW સ્ટીલ, કોટક બેંક અને NTPC એ સૌથી વધુ દબાવમાં રહ્યા. બેંક નિફ્ટી પણ ટોચ પરથી 600 પોઈન્ટ નીચે આવી ગયો છે. મિડકેપ પણ એક ટકા ઘટ્યો છે. તે જ સમયે, ઇન્ડિયા VIX માં 3% નો ઉછાળો આવ્યો છે.

સોનું થયું સસ્તું ! બુલિયન માર્કેટમાં 24 કેરેટ સોનું 93,393 રૂપિયા પ્રતિ 10 ગ્રામ

એપ્રિલમાં રેકોર્ડબ્રેક વધારા પછી, સોનાની શરૂઆત મે મહિનામાં ઘટાડા સાથે થઈ રહી છે.  આજે બુલિયન બજારમાં 24 કેરેટ સોનું 10 ગ્રામ દીઠ 93,393 રૂપિયા પર ખુલ્યું. જ્યારે ચાંદી 86 રૂપિયા મોંઘી થઈને 94200 રૂપિયા પ્રતિ કિલો પર ખુલી. GST સહિત સોનાનો ભાવ હવે 10 ગ્રામ દીઠ 96194 રૂપિયા છે. જ્યારે ચાંદીનો ભાવ 97026 રૂપિયા પ્રતિ કિલો છે.

નવરત્ન કંપનીનો શેર બન્યો રોકેટ ! 113 કરોડ રૂપિયાથી વધુનો થયો નફો

બજાર ખુલતાની સાથે જ નવરત્ન કંપની રેલટેલ કોર્પોરેશન ઓફ ઈન્ડિયાના શેરમાં તોફાની ઉછાળો જોવા મળી રહ્યો છે. શુક્રવારે બીએસઈમાં મલ્ટિબેગર રેલ કંપનીના શેર 10 ટકાથી વધુ ઉછળીને રૂ. 326.80 પર પહોંચી ગયા. કંપનીના શેરમાં આ તીવ્ર ઉછાળો માર્ચ 2025 ક્વાર્ટરના ઉત્તમ પરિણામો પછી આવ્યો છે. જાન્યુઆરી-માર્ચ 2025 ક્વાર્ટરમાં, રેલટેલ કોર્પોરેશનનો નફો 46.3 ટકા વધીને રૂ. 113.4 કરોડ થયો છે. એક વર્ષ પહેલા સમાન સમયગાળામાં કંપનીનો નફો રૂ. 77.53 કરોડ હતો.

NCC લિમિટેડના શેરમાં લગભગ 3 ટકાનો વધારો

શુક્રવારે બાંધકામ કંપની NCC લિમિટેડના શેરમાં લગભગ 3 ટકાનો વધારો જોવા મળ્યો. NCC લિમિટેડના શેરમાં વધારા પાછળનું કારણ 1663 કરોડ રૂપિયાનું કામ મળવાનું છે. આજે, શુક્રવારે, BSE માં NCC લિમિટેડના શેર 213.35 રૂપિયાના સ્તરે ખુલ્યા. કંપનીનો શેર દિવસ દરમિયાન 2.80 ટકાના વધારા સાથે 217.95 રૂપિયાના સ્તરે પહોંચવામાં સફળ રહ્યો છે. તમને જણાવી દઈએ કે, ઝુનઝુનવાલાએ પણ આ કંપનીમાં રોકાણ કર્યું છે. તેમનો 10 ટકાથી વધુ હિસ્સો છે.

COAL INDIA: એપ્રિલમાં ઉત્પાદન 0.5% વધ્યું

એપ્રિલમાં ઉત્પાદન 0.5% વધ્યું. વાર્ષિક ધોરણે તે 6.1 કરોડ ટનથી વધીને 6.2 કરોડ ટન થયું. એપ્રિલમાં કુલ ઉપાડ 1.24% ઘટ્યો. ઉપાડ 64.2 મિલિયન ટનથી ઘટીને 63.4 મિલિયન ટન થયો.

ઇન્ટ્રાડે ટ્રેન્ડ Sideways to mildly bullish

ઇન્ટ્રાડે ટ્રેન્ડ: Sideways to mildly bullish

Likely Close: 24,330 – 24,400 ની વચ્ચે

Reversal Signal: રિવર્સ સિગ્નલ ત્યારે જ મળશે 24,400 થી ઉપર આવશે અને Call unwindingજોવા મળશે.

JSW સ્ટીલને સુપ્રીમ કોર્ટ તરફથી મોટો ફટકો – ભૂષણ પાવર ડીલ પર બ્રેક

દેશની જાણીતી સ્ટીલ કંપની JSW સ્ટીલને સુપ્રીમ કોર્ટ તરફથી મોટો ઝટકો લાગ્યો છે. કોર્ટે ભૂષણ પાવર એન્ડ સ્ટીલ અંગે કંપનીના રિઝોલ્યુશન પ્લાનને ફગાવી દીધો છે. સુપ્રીમ કોર્ટે કહ્યું કે JSW સ્ટીલનો રિઝોલ્યુશન પ્લાન માન્ય નથી અને તેને CoC (કમિટી ઓફ ક્રેડિટર્સ) દ્વારા સ્વીકારવો જોઈતો ન હતો. આ સમાચાર પછી, JSWનો શેર ઝડપથી ઘટી ગયો છે. સવારે 11:23 વાગ્યે શેર 4 ટકા ઘટીને 990 રૂપિયાથી નીચે આવી ગયો. શુક્રવાર, 2 મે, 2025 ના રોજ, શેર 1,029.80 રૂપિયાના બંધ ભાવ સામે 1,021.20 રૂપિયા પર ખુલ્યો.

સારા પરિણામોને કારણે અદાણી પોર્ટ્સ ઉછળ્યો

સારા પરિણામોને કારણે અદાણી પોર્ટ્સ લગભગ 5% વધીને નિફ્ટીમાં ટોચનો લાભ મેળવનાર બન્યો છે. ચોથા ક્વાર્ટરના નફામાં 48%નો ઉછાળો આવ્યો હતો. આ સાથે, મિશ્ર પરિણામોને કારણે અદાણી એન્ટરપ્રાઇઝ પણ લગભગ 2% ઊંચા દરે કાર્યરત છે. પરંતુ નબળા Q4 ને કારણે, ફોનિક્સ મિલ્સ અને ઇન્ડસ ટાવર્સ 6-6% ઘટ્યા અને ફ્યુચર્સના સૌથી મોટા નુકસાનકર્તા બન્યા.

25 મિનિટમાં સોનું 2600 રૂપિયા સસ્તું થયું સોનું, ખરીદવાની સુવર્ણ તક !

1 મેના રોજ, મજૂર દિવસને કારણે, બીજા સત્રમાં વાયદા બજાર ખુલ્યું હતુ અને સોનાના ભાવ અચાનક તૂટી ગયા. માહિતી અનુસાર, માત્ર 25 મિનિટમાં સોનું 2,6૦૦ રૂપિયાથી વધુ સસ્તું થયું. નિષ્ણાતોના મતે, સોનાના ભાવમાં ઘટાડાનું વાસ્તવિક કારણ એ છે કે ચીન અને અમેરિકા વચ્ચે વેપાર સોદા પર ચાલી રહેલી વાટાઘાટોને કારણે સોનાની આકર્ષણ ઘટી ગયું છે. ત્યારે વાયદા બજારમાં આજે સોનાનો ભાવ 92,055 પર આવી ગયો છે

IT શેરમાં તેજી ! ઓટો શેરમાં મોટો વધારો

કોગ્નિઝન્ટના મજબૂત પરિણામોથી ITમાં ઉત્સાહ આવ્યો. ઇન્ડેક્સ લગભગ એક ટકા મજબૂત થયો. બીજી તરફ, વેચાણના આંકડાઓને કારણે ઓટો શેર ટોચ પર છે. ધાતુઓ તેજસ્વી રીતે ચમકી રહી છે. તેલ-ગેસ અને પીએસયુ બેંકો પણ ઘણો ઉત્સાહ બતાવી રહી છે. પરંતુ એફએમસીજી અને ફાર્મા દબાણ હેઠળ છે.

રૂપિયો 7 મહિનાની ટોચે પહોંચ્યો

રૂપિયો 7 મહિનાની ટોચે પહોંચ્યો છે. એક ડોલરનો ભાવ 84/$ થી નીચે આવી ગયો છે. રૂપિયો 3 ઓક્ટોબર 2024 ના ઉપલા સ્તરે જોવા મળી રહ્યો છે. 17 ઓક્ટોબર 2024 પછી, ડોલરનો ભાવ 84/$ થી નીચે આવી ગયો છે.

ઝોમેટોના શેરહોલ્ડરને Q4 પરિણામ પસંદ ન આવ્યું ! શેર 4.5% ઘટ્યો

એટરનલ (અગાઉ ઝોમેટો લિમિટેડ) ના શેરમાં આજે ભારે ઘટાડો જોવા મળ્યો છે. આજે BSE માં કંપનીના શેર 4.5 ટકાના ઘટાડા સાથે રૂ. 221.90 ના સ્તરે ખુલ્યા છે. કંપનીએ ગઈકાલે એટલે કે ગુરુવારે ત્રિમાસિક પરિણામો જાહેર કર્યા હતા. એટરનલના શેરમાં ઘટાડાનું કારણ ત્રિમાસિક પરિણામો હોવાનું માનવામાં આવે છે. ઇટરનલના ક્વિક કોમર્સ બિઝનેસમાં નુકસાનમાં વધારો જોવા મળ્યો છે. જેના કારણે રોકાણકારો દ્વારા શેરનું વેચાણ થયું છે.

સેન્સેક્સ 437.34 પોઈન્ટ વધ્યો

બજારની શરૂઆત વધારા સાથે થઈ. સેન્સેક્સ 437.34 પોઈન્ટ અથવા 0.55 ટકાના વધારા સાથે 80,679.58 પર ટ્રેડ થઈ રહ્યો હતો, જ્યારે નિફ્ટી 93.35 પોઈન્ટ અથવા 0.38 ટકાના વધારા સાથે 24,427.55 પર જોવા મળ્યો હતો.

FII – DII ના આંકડા

છેલ્લા ત્રણ દિવસથી FII અને DII બંને ચોખ્ખા ખરીદદારો રહ્યા છે, જેમણે ₹7,500 કરોડથી વધુનું રોકાણ કર્યું છે. બુધવારે, સ્થાનિક અને વિદેશી બંને રોકાણકારો રોકડ બજારમાં ચોખ્ખા ખરીદદારો રહ્યા. FII એ બુધવારે પણ રોકડ બજારમાં રૂ. 51 કરોડની ચોખ્ખી ખરીદી કરી છે. DII એ આ દિવસે રોકડ બજારમાં રૂ. 1,792 કરોડની ચોખ્ખી ખરીદી કરી છે.

પ્રિ-ઓપન માર્કેટમાં સેન્સેક્સ-નિફ્ટીની ફ્લેટ ચાલ

ઓપન પહેલા બજારમાં દબાણ જોવા મળ્યું. સેન્સેક્સ 135.87 પોઈન્ટ એટલે કે 0.17 ટકાના ઘટાડા સાથે 80,106.37 પર ટ્રેડ કરી રહ્યો હતો, જ્યારે નિફ્ટી 0.95 પોઈન્ટના નજીવા વધારા સાથે 24,335.15 પર ટ્રેડ કરી રહ્યો હતો.

એશિયન બજારમાં તેજી જોવા મળી

વોલ સ્ટ્રીટમાં રાતોરાત વધારા બાદ શુક્રવારે એશિયન બજારોમાં તેજી જોવા મળી હતા. જાપાનનો નિક્કી 225 1.24 ટકા વધ્યો, જ્યારે ટોપિક્સ ઇન્ડેક્સ 0.67 ટકા વધ્યો. દક્ષિણ કોરિયાનો કોસ્પી ઇન્ડેક્સ સ્થિર રહ્યો, અને કોસ્ડેક 0.60 ટકા વધ્યો. હોંગકોંગનો હેંગ સેંગ ઇન્ડેક્સ ફ્યુચર્સ નબળા શરૂઆતનો સંકેત આપે છે.