અમેરિકન કનેક્શનના કારણે શેર માર્કેટમાં કડાકો, Sensex 1190 અને Nifty 360 પોઈન્ટ તૂટ્યો
જો આપણે સેન્સેક્સના 30 શેરના ચાર્ટ પર નજર કરીએ તો આમાંથી 29 શેર બજાર બંધ સમયે રેડ ઝોનમાં બંધ થયા હતા. ચાર્ટમાં એકમાત્ર સ્ટોક જે ગ્રીન ઝોનમાં પર બંધ થયો હતો તે એસબીઆઈનો શેર હતો, જેમાં 0.59 ટકાનો વધારો જોવા મળ્યો હતો.
શેરબજારમાં ઉતાર-ચઢાવ અટકવાના કોઈ સંકેત દેખાઈ રહ્યા નથી. આજે એટલે કે 28 નવેમ્બરના રોજ સવારે શેરબજારમાં ઉછાળો જોવા મળ્યો હતો, પરંતુ બપોર પછી, IT શેર્સમાં વેચવાલી શરૂ થઈ અને બજાર બંધ થતાં સુધીમાં સેન્સેક્સ અને નિફ્ટી બંનેમાં મોટો ઘટાડો નોંધાયો હતો.
શેરબજારમાં અચાનક આવેલા આ ઘટાડા પાછળનું કારણ યુએસ ફેડ દ્વારા વ્યાજ દરમાં ઘટાડા અંગેની અનિશ્ચિતતા અને આઈટી શેરોમાં વેચવાલીના કારણે સેન્સેક્સ અને નિફ્ટી ઘટ્યા છે.
સેન્સેક્સના 30માંથી આટલા શેર રેડ ઝોનમાં બંધ
જો આપણે સેન્સેક્સના 30 શેરના ચાર્ટ પર નજર કરીએ તો આમાંથી 29 શેર બજાર બંધ સમયે રેડ ઝોનમાં બંધ થયા હતા. ચાર્ટમાં એકમાત્ર સ્ટોક જે ગ્રીન ઝોનમાં પર બંધ થયો હતો તે એસબીઆઈનો શેર હતો, જેમાં 0.59 ટકાનો વધારો જોવા મળ્યો હતો.
નિફ્ટી 50ના ઘણા શેર રેડ ઝોનમાં બંધ
નિફ્ટીના 50 શેરના ચાર્ટ પર નજર કરીએ તો 4 કંપનીઓના શેર સિવાય 46 કંપનીઓના શેર લાલ ઝોનમાં બંધ થયા હતા. જે શેરોમાં નિફ્ટી 50માં વધારો જોવા મળ્યો હતો તેમાં ADANIENT, SHRIRAMFIN, SBI અને CIPLA હતા.
માર્કેટ કેપ કેટલું ઘટ્યું ?
BSE પર લિસ્ટેડ તમામ કંપનીઓનું માર્કેટ કેપ રૂ. 1.52 લાખ કરોડ ઘટીને રૂ. 442.96 લાખ કરોડે પહોંચ્યું હતું. IT શેરોમાં 4% જેટલો ઘટાડો થયો હતો કારણ કે યુએસ ફુગાવાના આંકડા દર્શાવે છે કે વ્યાજ દરમાં ઘટાડાની ગતિ અપેક્ષા કરતા ધીમી રહેશે. બીજી બાજુ, અદાણી ગ્રૂપની કંપનીઓના શેર 9.3% જેટલો વધ્યા પછી જૂથે સ્પષ્ટ કર્યું કે ગયા અઠવાડિયે કરાયેલા આરોપમાં તેના મુખ્ય અધિકારીઓ પર યુએસ ફોરેન કરપ્ટ પ્રેક્ટિસ એક્ટનું ઉલ્લંઘન કરવાનો આરોપ મૂકવામાં આવ્યો નથી.
અદાણીના આ શેર્સમાં ઉછાળો જોવા મળ્યો હતો
અદાણી એનર્જી સોલ્યુશન્સ અને અદાણી ટોટલ ગેસ અનુક્રમે 9% અને 9.3% વધીને સૌથી વધુ નફો મેળવનારા હતા. અદાણી ગ્રીન એનર્જીનો શેર પણ 8.3% વધીને રૂ. 1,072ની સપાટીએ પહોંચ્યો હતો. અદાણી પાવર, અદાણી એન્ટરપ્રાઇઝિસ, અદાણી વિલ્મર અને અદાણી પોર્ટ્સના શેરમાં 5% સુધીનો વધારો થયો છે.
