દુબઈમાં ખુલશે ‘Bharat Mart’ ડ્રેગને મોટો ફટકો, આ લોકોને થશે ફાયદો
વડા પ્રધાન નરેન્દ્ર મોદી અને UAEના વડા પ્રધાન શેખ મોહમ્મદ બિન રાશિદ અલ મક્તૂમે દુબઈમાં 'ભારત માર્ટ'નો શિલાન્યાસ કર્યો હતો. જેનો લાભ લાખો લોકોને મળવાનો છે. શું છે ભારત માર્ટ દ્વારા સરકારની યોજના, શું છે ચીન સાથે કેવી રીતે ટક્કર? ચાલો જાણીએ આ બધા પ્રશ્નોના જવાબ અહીં.
વડાપ્રધાન મોદીના દુબઈ પ્રવાસના કારણે ચીનને મોટો ફટકો પડવા જઈ રહ્યો છે. વાસ્તવમાં વડાપ્રધાન નરેન્દ્ર મોદી અને UAEના વડાપ્રધાન શેખ મોહમ્મદ બિન રાશિદ અલ મકતુમે દુબઈમાં ‘Bharat Mart’નો શિલાન્યાસ કર્યો છે. જેનો લાભ લાખો લોકોને મળવાનો છે. ભારત માર્ટ એક વેરહાઉસિંગ સુવિધા છે જે ભારતીય MSME કંપનીઓ માટે ઉપલબ્ધ રહેશે.
આ નિકાસને પ્રોત્સાહન આપવામાં મહત્વની ભૂમિકા ભજવશે. આ ભારતીય MSME ક્ષેત્રને આંતરરાષ્ટ્રીય ખરીદદારો સુધી પહોંચવામાં મદદ કરશે. શું છે ભારત માર્ટ દ્વારા સરકારની યોજના, ચીનને કેવી રીતે ટક્કર આપશે ? ચાલો જાણીએ આ બધા પ્રશ્નોના જવાબ અહીં.
ભારત માર્ટ શું છે?
ભારત માર્ટ દુબઈ એ ભારત સરકારની પહેલ છે. તેનો હેતુ UAEમાં ભારતીય ઉત્પાદનોને પ્રોત્સાહન આપવાનો છે. આ પહેલ વડા પ્રધાન નરેન્દ્ર મોદી અને UAE ના ઉપરાષ્ટ્રપતિ અને વડા પ્રધાન શેખ મોહમ્મદ બિન રાશિદ અલ મકતુમ દ્વારા શરૂ કરવામાં આવી છે. દુબઈમાં શરૂ થયેલ ભારત માર્ટમાં રિટેલ શોરૂમ, વેરહાઉસ, ઓફિસ અને અન્ય ઘણી સુવિધાઓ હશે. આની દેખરેખ ડીપી વર્લ્ડ દ્વારા કરવામાં આવશે.
ડ્રેગન માર્ટને સ્પર્ધા મળશે
દુબઈમાં સ્થાપિત ભારત માર્ટ ચીનના ડ્રેગન માર્ટ સાથે સ્પર્ધા કરશે. ડ્રેગન માર્ટની જેમ, ભારત માર્ટમાં પણ એક છત નીચે ઘણી પ્રોડક્ટ્સ હશે જેનું પ્રદર્શન કરવામાં આવશે.
તે ક્યારે કાર્યરત થવાની અપેક્ષા છે?
ભારત માર્ટ 2025 સુધીમાં કાર્યરત થવાની ધારણા છે. તે સ્ટોરેજ ફેસિલિટી છે જે ભારતીય કંપનીઓને દુબઈમાં બિઝનેસ કરવા સક્ષમ બનાવે છે. તે ભારતીય નિકાસકારોને ચીનના ‘ડ્રેગન માર્ટ’ની તર્જ પર એક છત નીચે વિવિધ પ્રકારના ઉત્પાદનોનું પ્રદર્શન કરવા માટે એકીકૃત પ્લેટફોર્મ પૂરું પાડે છે.