દેશનું વિદેશી મુદ્રા ભંડાર ઘટ્યુ, 4.53 અબજ ડોલરનો ઘટાડો નોંધાયો
વિદેશી મુદ્રા ભંડારમાં ઘટાડો થવાનું કારણ વિદેશી ચલણ અસ્કયામતો (FCA) માં ઘટાડો છે.
દેશના વિદેશી મુદ્રા ભંડોળ (Foreign Exchange Reserves) માં 4.531 અબજ ડોલરનો ઘટાડો નોંધાયો છે. આ 28 જાન્યુઆરીના પુરા થતા સપ્તાહમાં ઘટીને 629.755 અબજ ડોલર છે. આ માહિતી ભારતીય રિઝર્વ બેન્ક (Reserve Bank of India) થી મળી છે રિઝર્વ બેન્ક તરફથી શુક્રવારે આંકડાઓ જાહેર થયા તે અનુસાર 21 જાન્યુઆરીના પુરા થતા સપ્તાહમાં આપણું વિદેશી મુદ્રા ભંડાર 67.8 કરોડ ડોલરથી ઘટીને 634.287 અરબ ડોલર રહી ગયુ હતું. જ્યારે 3 સપ્ટેમ્બર, 2021ના રોજ પૂરા થયેલા સપ્તાહમાં આ રેકોર્ડ 642.453 અબજ ડોલરના ઉચ્ચ સ્તરે રહ્યો.
આરબીઆઈના સાપ્તાહિક આંકડા અનુસાર, 28 જાન્યુઆરીના રોજ પૂરા થયેલા રિપોર્ટિંગ સપ્તાહમાં વિદેશી મુદ્રા ભંડારમાં ઘટાડો થવાનું કારણ વિદેશી ચલણ અસ્કયામતો (FCA) માં ઘટાડો છે, જે કુલ અનામતનો નોંધપાત્ર ભાગ માનવામાં આવે છે. રિઝર્વ બેંકના ડેટા અનુસાર આ સપ્તાહે FCA 3.504 અબજ ડોલરથી ઘટી 566.077 અબજ ડોલર રહી ગઇ છે.
ડોલરમાં દર્શાવવામાં આવેલી વિદેશી ચલણ અસ્કયામતોમાં વિદેશી હૂંડિયામણ અનામતમાં રાખવામાં આવેલ યુરો, પાઉન્ડ અને યેન જેવી બિન-અમેરિકી મુદ્રાને વધ-ઘટ પણ સમાવેશ થાય છે.આ દરમિયાન સોના ભંડારનું મુલ્ય 84.4 કરોડ ડોલર ઘટીને 39.493 અબજ ડોલર રહ્યુ.
ઇન્ટરનેશનલ મોનેટરી ફંડ (IMF) સાથેનો સ્પેશિયલ ડ્રાવિંગ રાઇટ અથવા SDR સમીક્ષા હેઠળના સપ્તાહમાં 141 કરોડ ડોલર ઘટીને 19.011 અબજ ડોલર રહ્યુ. ઈન્ટરનેશનલ મોનેટરી ફંડમાં ભારતનું ચલણ અનામત પણ $42 મિલિયન ઘટીને $5.174 બિલિયન થયું છે. આ સપ્તાહે રૂપિયો 37 પૈસા મજબૂત થયો છે.
બજેટ બાદ રૂપિયા પર દબાવ વધ્યો
એચડીએફસી સિક્યોરિટીઝના વિશ્લેષક દિલીપ પરમાર અનુસાર બે પ્રમુખ કેન્દ્રિય બેન્કો યુરોપિયન સેંન્ટ્રલ બેન્ક (ECB) અને બેન્ક ઓફ ઇગ્લેન્ડ (BOE) દ્વારા કડક નીતિ વિષયક વલણ વચ્ચે ડોલર ઈન્ડેક્સમાં ઘટાડા સાથે રૂપિયો મજબૂત થયો હતો. પરમારે કહ્યુ “કેન્દ્રીય બજેટ બાદ રૂપિયા પર દબાણ રહ્યુ, બજેટમાં વધુ વૃદ્ધિ પર ધ્યાન કેન્દ્રિત કરવામાં આવ્યું છે.” આગળ જતાં, રોકાણ પ્રવાહ અને ક્રૂડ ઓઇલના ભાવો દ્વારા રૂપિયાની દિશા નક્કી કરવામાં આવશે.
આ પણ વાંચો :Technology News: Twitter હવે વૈશ્વિક સ્તરે આપી રહ્યું છે ડાઉનવોટ બટન, જાણો તેમાં શું છે ખાસ
આ પણ વાંચો :કંપની ખુદ Instagramનો ઉપયોગ કરવાનો કરી રહી છે ઈન્કાર! શું માનસિક સ્વાસ્થ્ય છે તેની પાછળનું કારણ?