Forex Reserves : દેશના વિદેશી મુદ્રા ભંડારમાં ફરી ઘટાડો થયો જોકે સોનાના ભંડારમાં વધારો, જાણો દેશની તિજોરીમાં કેટલું છે ધન

દેશના વિદેશી મુદ્રા ભંડાર(foreign exchange reserve)માં ફરી એકવાર ઘટાડો જોવા મળ્યો છે. રિઝર્વ બેંક ઓફ ઈન્ડિયા (RBI) દ્વારા જારી કરવામાં આવેલા આંકડા અનુસાર 21 જાન્યુઆરીએ પૂરા થયેલા સપ્તાહમાં દેશના વિદેશી મુદ્રા ભંડારમાં 67 કરોડ ડોલરનો ઘટાડો થયો છે. જો કે, સપ્તાહ દરમિયાન દેશના સોનાના ભંડાર(Gold Reserve) ના મૂલ્યમાં વધારો થયો છે. 14મી જાન્યુઆરીએ પૂરા થયેલા સપ્તાહની શરૂઆતમાં દેશનું વિદેશી મુદ્રા ભંડાર તેની વિક્રમી ઊંચી સપાટીથી માત્ર એક ટકા નીચે હતું. સપ્તાહ દરમિયાન વિદેશી મુદ્રા ભંડારના 4 સેગમેન્ટમાંથી સોના સિવાય અન્ય ત્રણ સેગમેન્ટમાં ઘટાડો જોવા મળ્યો છે.

દેશનો વિદેશી હૂંડિયામણ ભંડારની સ્થિતિ

રિઝર્વ બેંક દ્વારા જાહેર કરવામાં આવેલા આંકડા અનુસાર 21 જાન્યુઆરીના રોજ પૂરા થતા દેશની વિદેશી મુદ્રા ભંડાર 67.8 કરોડ ડૉલર ઘટીને 634.287 અબજ ડૉલર થઈ ગયું છે.આ પહેલા 14 જાન્યુઆરીના રોજ પૂરા થયેલા સપ્તાહમાં દેશની વિદેશી હૂંડિયામણ અનામત 2.22 અબજ ડૉલર વધી 634.965 અબજ ડોલર થઇ હતી. 3 સપ્ટેમ્બરના રોજ પૂરા થયેલા સપ્તાહમાં દેશની વિદેશી હૂંડિયામણ અનામત 642.453 અબજ ડોલરની ઉચ્ચતમ સપાટીએ પહોંચી છે. હાલમાં અનામત આ સ્તરની નજીક છે અને ઉપલા સ્તરો કરતાં માત્ર એક ટકા નીચે છે. રિઝર્વ બેંકના ડેટા અનુસાર હાલમાં દેશનું વિદેશી મુદ્રા ભંડાર 47 લાખ કરોડ રૂપિયાથી વધુ છે.

સોનાના ભંડારમાં વધારો

રિઝર્વ બેંક દ્વારા જાહેર કરવામાં આવેલા આંકડા અનુસાર સપ્તાહ દરમિયાન સોનાના ભંડારમાં વધારો થયો છે અને એક સપ્તાહમાં દેશનો સોનાનો ભંડાર 56.7 કરોડ ડોલર વધીને 40.337 અબજ ડોલર થયો છે. સોનાના ભંડારમાં વધારો થવા છતાં વિદેશી હૂંડિયામણની અસ્કયામતોમાં થયેલા ઘટાડાને કારણે સપ્તાહ દરમિયાન સંપત્તિ 1.55 અબજ ડોલર ઘટીને 569.582 અબજ ડોલર થઈ હતી. વિદેશી ચલણની અસ્કયામતોને ડૉલર મૂલ્યમાં ગણવામાં આવે છે અને તેમાં યુરો, પાઉન્ડ અને યેન જેવા ડૉલરના મૂલ્યોમાં વધઘટનો સમાવેશ થાય છે. SDR અને IMFની સાથે આ સપ્તાહે દેશની રિઝર્વમાં પણ ઘટાડો જોવા મળ્યો છે.

Web Stories View more

મુકેશ અંબાણીએ એક જ દિવસમાં 43,000 કરોડ રૂપિયા ગુમાવ્યા, આ છે મોટું કારણ

20 વર્ષમાં 15% થી વધુ રિટર્ન આપનારા 10 Mutual Fund

ઉનાળામાં ચા પીધા પહેલા કે પછી પાણી પીવાથી શું થાય છે? જાણી લો

SBI આપી રહી છે સૌથી સસ્તી કાર લોન, જાણો 8 લાખની લોન પર કેટલી EMI આવશે?

ઉનાળાની કાળઝાળ ગરમીમાં છોડને હીટસ્ટ્રોકથી બચાવવા અપનાવો આ ટીપ્સ

Home Loan લીધા વગર ખરીદી શકશો 60 લાખનો ફ્લેટ, કરો આટલા હજારની SIP

દેશના અનામત ભંડારમાં રેકોર્ડ વધારો

આંકડા અનુસાર દેશની અનામતમાં સતત વધારો જોવા મળી રહ્યો છે. આ નાણાકીય વર્ષમાં રૂ. 5 લાખ કરોડથી વધુનો વધારો જોવા મળ્યો છે. દરમિયાન વિદેશી ચલણની સંપત્તિમાં રૂ. 3.14 લાખ કરોડ અને સોનાના ભંડારમાં રૂ. 52,000 કરોડનો વધારો થયો છે. વિદેશી હૂંડિયામણ અનામતનું ઊંચું સ્તર એ કોઈપણ અર્થતંત્ર માટે ખૂબ જ સકારાત્મક સંકેત છે. પડોશી દેશ શ્રીલંકા ડિફોલ્ટ થઈ રહ્યું છે કારણ કે તેના વિદેશી મુદ્રા ભંડાર પૂરું થવાની નજીક છે. આવી જ સ્થિતિ પાકિસ્તાનની છે. તેનાથી બચવા માટે બંને દેશો ઊંચા દરે લોન લેવા તૈયાર છે. બીજી તરફ ભારતીય અર્થતંત્રને અનામતને કારણે વધારાનું રક્ષણ મળ્યું છે. તે જ સમયે કોરોના રોગચાળાની વચ્ચે આ કારણે દેશ રેટિંગ એજન્સીઓનો વિશ્વાસ જીતવામાં સફળ રહ્યો છે.

આ પણ વાંચો : Google અને ભારતી એરટેલ વચ્ચે ભાગીદારી, 1 અબજ ડોલરનું રોકાણ કરશે ગુગલ, શેરમાં ઉછાળો

આ પણ વાંચો : Good Friday : Sensex ના તમામ 30 શેર્સમાં તેજી, સસ્તી કિંમતે શેરની સારી ખરીદારી થઇ