ઈન્કમ ટેક્સ પેમેન્ટ પર ચાર્જ અને GST પણ ચૂકવવો પડશે, જાણો શું છે નવો નિયમ
ક્રેડિટ કાર્ડ દ્વારા આવકવેરાની ચુકવણી પર ટ્રાન્ઝેક્શન ચાર્જ તરીકે 0.85 ટકા ટેક્સ વત્તા 18 ટકા જીએસટી ચૂકવવો પડશે. ડેબિટ કાર્ડ અને યુપીઆઈ દ્વારા આવકવેરો ભરવા માટે કોઈ ટ્રાન્ઝેક્શન શુલ્ક ચૂકવવાના નથી.
આગલી વખતે જ્યારે તમે નવી આવકવેરા પોર્ટલ વેબસાઇટ પર આવકવેરા ચુકવણી કરશો, ત્યારે તમારે કેટલાક શુલ્ક અને GST ચૂકવવા પડશે. તમારે કન્વેયન્સ ચાર્જ તરીકે ફી ચૂકવવી પડશે. આ સાથે GSTના રૂપમાં કેટલોક ટેક્સ પણ ભરવો પડશે. આવકવેરા વિભાગ દ્વારા આ માહિતી આપવામાં આવી છે. ઉદાહરણ તરીકે, જો તમે ચોક્કસ પેમેન્ટ મોડ્સનો ઉપયોગ કરીને રૂ. 30,000નો આવકવેરો ચૂકવો છો, તો રૂ. 300નો ચાર્જ ચૂકવવો પડી શકે છે. જો તમે ઈ-ફાઈલિંગ ઈન્કમ ટેક્સ (Income Tax) વેબસાઈટ પર ‘પેમેન્ટ ગેટવે’નો ઉપયોગ કરીને ટેક્સ ચૂકવો છો, તો તમારે શુલ્ક અને GST ચૂકવવો પડશે.
પેમેન્ટ ગેટવેમાં નેટ બેન્કિંગ, ક્રેડિટ કાર્ડ, ડેબિટ કાર્ડ અને યુપીઆઈનો સમાવેશ થાય છે. જ્યારે તમે ટેક્સ ચૂકવતી વખતે ટ્રાન્ઝેક્શન ચાર્જ પર ક્લિક કરો છો, ત્યારે તેની સાથે એક ટેબલ દેખાશે. પેમેન્ટ મોડ અને તેનો ટ્રાન્ઝેક્શન ચાર્જ આ કોષ્ટકમાં લખવામાં આવશે. જો તમે HDFC થી નેટ બેંકિંગ દ્વારા ટેક્સ ચૂકવી રહ્યા છો, તો 12 રૂપિયાનો ટ્રાન્ઝેક્શન ચાર્જ ચૂકવવો પડશે. આ સિવાય ICICI બેંક માટે 9 રૂપિયા, SBI માટે 7 રૂપિયા, એક્સિસ બેંક માટે 7 રૂપિયા, ફેડરલ બેંક સિવાય તમામ બેંકો માટે 5 રૂપિયાનો ટ્રાન્ઝેક્શન ચાર્જ છે. આ ચાર્જમાં 18% GST ઉમેરવો પડશે.
ક્રેડિટ કાર્ડ દ્વારા આવકવેરાની ચુકવણી પર ટ્રાન્ઝેક્શન ચાર્જ તરીકે 0.85 ટકા ટેક્સ વત્તા 18 ટકા જીએસટી ચૂકવવો પડશે. ડેબિટ કાર્ડ અને યુપીઆઈ દ્વારા આવકવેરો ભરવા માટે કોઈ ટ્રાન્ઝેક્શન શુલ્ક ચૂકવવાના નથી.
સરળ ભાષામાં સમજો
ચાલો તેને એક ઉદાહરણથી સમજીએ. ધારો કે તમારે 30,000 રૂપિયાનો આવકવેરો ચૂકવવો પડશે અને તમે ક્રેડિટ કાર્ડ દ્વારા ચૂકવણી કરી રહ્યાં છો. આ રીતે 30,000 રૂપિયાના પેમેન્ટ પર 0.85 ટકા કન્વેયન્સ ચાર્જ ચૂકવવો પડશે. આ ચાર્જ 255 રૂપિયા હશે. 255 રૂપિયાના આ ચાર્જ પર 18% GST ઉમેરો જે 45.9 રૂપિયા થશે. તેથી, જો તમે ક્રેડિટ કાર્ડ દ્વારા આવક વેરો ચૂકવો છો, તો તમારે 30,000 રૂપિયા ઉપરાંત 255 રૂપિયા અને 45.9 રૂપિયા ઉમેરવા પડશે. આ રકમ 300.9 રૂપિયા હશે. એટલે કે 30,000 રૂપિયાના ઇન્કમ ટેક્સ પેમેન્ટ પર લગભગ 301 રૂપિયા વધારાના ચૂકવવા પડશે. ધ્યાનમાં રાખો કે જેમ જેમ ટેક્સ ચૂકવણીની રકમ વધે છે, તેમ ચાર્જ અને જીએસટીમાં પણ વધારો થશે.
UPI થી ટેક્સ પેમેન્ટ ફ્રી છે
તેવી જ રીતે, જો તમે નેટ બેંકિંગ દ્વારા ટેક્સ ચૂકવો છો, તો તમારી પાસેથી ફ્લેટ ચાર્જ લેવામાં આવશે જે બેંકો અનુસાર છે. ઉપર જણાવવામાં આવ્યું છે કે નેટ બેન્કિંગનો ટ્રાન્ઝેક્શન ચાર્જ કઈ બેન્કનો કેટલો છે. HDFCનો ટ્રાન્ઝેક્શન ચાર્જ રૂ. 12 છે. ICICI બેન્કના 9, SBIના 7 અને એક્સિસ બેન્કના 7 રૂપિય એટલે કે, જો તમે HDFC બેંકની નેટ બેંકિંગથી આવકવેરો ચૂકવો છો, તો તમારે ટેક્સના નાણાં પર 12 રૂપિયા વત્તા 18 ટકાનો GST ચૂકવવો પડશે. જો તમે ઈન્કમ ટેક્સ પેમેન્ટ પર કોઈ ટ્રાન્ઝેક્શન ચાર્જિસ અથવા GST ચૂકવવા માંગતા નથી, તો તમારી પાસે ડેબિટ કાર્ડ અને UPIનો વિકલ્પ છે. આ બંને પેમેન્ટ ગેટવેમાંથી ટેક્સ ભરવા માટે કોઈ ચાર્જ લાગતો નથી.