ભ્રામક જાહેરાતો પર લાગશે લગામ, સરકારે Sensodyne અને Naaptol સામે કાર્યવાહીના આદેશ જારી કર્યા
સેન્ટ્રલ કન્ઝ્યુમર પ્રોટેક્શન ઓથોરિટી (CCPA) એ ભ્રામક જાહેરાતો સામે કડક પગલાં લીધા છે. CCPA એ GlaxoSmithKline ને આદેશના એક સપ્તાહની અંદર સમગ્ર દેશમાં સેન્સોડાઈનની જાહેરાતો બંધ કરવા જણાવ્યું છે.
સેન્ટ્રલ કન્ઝ્યુમર પ્રોટેક્શન ઓથોરિટી (CCPA) એ ભ્રામક જાહેરાતો સામે કડક પગલાં લીધા છે. CCPA એ ગ્લેક્સોસ્મિથકલાઇન કન્ઝ્યુમર હેલ્થકેર લિમિટેડ(GSK Consumer Healthcare) ને ગેરમાર્ગે દોરતી જાહેરાતો પ્રદર્શિત કરવા માટે દોષિત ગણાવ્યું છે. કંપનીને ભારતમાં સેન્સોડાઈન (Sensodyne) પ્રોડક્ટની જાહેરાત બંધ (Advertisement ban) કરવાની સૂચના આપવામાં આવી છે. CCPAએ એક નિવેદનમાં જણાવ્યું હતું કે નિયમોનું ઉલ્લંઘન કરવા બદલ જાહેરાતો પર પ્રતિબંધ મૂકવામાં આવ્યો છે. CCPAએ આ બાબતની સ્વતઃ સંજ્ઞાન લીધી અને 27 જાન્યુઆરીએ GlaxoSmithKline GSK Consumer Healthcare સામે ઓર્ડર પસાર કર્યો.
ઓથોરિટીએ નાપટોલ ઓનલાઈન શોપિંગ લિમિટેડ (Naaptol Online Shopping Ltd) વિરુદ્ધ તેના ઉત્પાદનોના પ્રચારમાં ભ્રામક જાહેરાતો અને અયોગ્ય વ્યવસાયિક પ્રવૃત્તિઓનો ઉપયોગ કરવા બદલ આદેશો પણ પસાર કર્યા છે. 2 ફેબ્રુઆરીએ, CCPAએ Naaptol Online Shopping Ltdને જાહેરાત બંધ કરવાનો આદેશ આપ્યો હતો.
સેન્સોડાઈન જાહેરાત એક અઠવાડિયામાં બંધ કરવા આદેશ
CCPA એ GlaxoSmithKline ને આદેશના એક સપ્તાહની અંદર સમગ્ર દેશમાં સેન્સોડાઈનની જાહેરાતો બંધ કરવા જણાવ્યું છે. આદેશમાં કહેવામાં આવ્યું છે કે આ જાહેરાતો દર્શાવે છે કે દેશની બહારના ડેન્ટિસ્ટ આ ટૂથપેસ્ટ અપનાવવાની સલાહ આપી રહ્યા છે. આદેશમાં જણાવાયું છે કે કંપની વિદેશી દંત ચિકિત્સકોને સલાહ બતાવીને ભારતમાં લાગુ કાયદાથી અલગ સલાહ આપી શકે નહીં.
નાપતોલને 10 લાખનો દંડ ફટકારાયો
આ ઉપરાંત CCPAએ Napatol ઓનલાઇન શોપિંગ પર 2 ગોલ્ડ જ્વેલરીનો સેટ (Set of 2 Gold Jewelry), મેગ્નેટિક ની સપોર્ટ (Magnetic Knee Support) અને એક્યુપ્રેશર યોગા સ્લિપર્સ (Acupressure Yoga Slippers)ની જાહેરાતો પર પ્રતિબંધ મૂક્યો છે.આ ઉપરાંત નાપતોલને સૂચના આપી છે કે આવા પ્રચાર ચલાવી લેવાશે નહિ. આ ઉપરાંત નાપાટોલ પર 10 લાખનો દંડ પણ લગાવવામાં આવ્યો છે.
ઓર્ડર જણાવે છે કે નાપાતોલને ઉપભોક્તાઓને વેચાણ માટે ઉત્પાદનો ઓફર કરતા એપિસોડમાં સ્પષ્ટપણે જણાવવા માટે સૂચના આપવામાં આવી હતી કે તે રેકોર્ડ કરેલ એપિસોડ છે અને તે ઉત્પાદન સૂચિની જીવંત સ્થિતિ દર્શાવતો નથી. તેણે નાપતોલને ઉત્પાદનોની કૃત્રિમ અછત ઊભી કરતી કોઈપણ પ્રથાને તાત્કાલિક બંધ કરવા સૂચના આપી હતી જેમાં તે બતાવવાનો સમાવેશ થાય છે. જણાવ્યા છે કે ઉત્પાદન માત્ર આજે જ ઉપલબ્ધ છે . જો ઉત્પાદન આગામી 30 દિવસ સુધી વેચાણ થવાનું હોય તો આવા ભ્રામક પ્રચાર બંધ કરવા સૂચના અપાઈ છે.
કંપનીને તેની પ્રમોશનલ ચેનલ અથવા પ્લેટફોર્મ પર સ્પષ્ટપણે બતાવવા માટે કહેવામાં આવ્યું છે કે આ એક પ્રી-રેકોર્ડેડ એપિસોડ છે. CCPA એ મે 2021 અને જાન્યુઆરી 2022 વચ્ચે નોંધાયેલી ફરિયાદોનું નિવારણ કરવા અને 15 દિવસની અંદર રિપોર્ટ સબમિટ કરવા પણ નાપતોલને નિર્દેશ આપ્યો છે.
આ પણ વાંચો : New wage code : તમારા પગાર માળખામાં ફરી ફેરફાર થઈ શકે છે, હવે તમારી બેઝિક સેલેરી 50 ટકા નહિ હોય
