CBDT દ્વારા કરમુક્તિના લાભ પરત ખેંચાયા, ULIPમાં 2.5 લાખથી વધુના પ્રીમિયમ પર નહિ મળે ટેક્સમાં છૂટ

CBDT દ્વારા કરમુક્તિના લાભ પરત ખેંચાયા, ULIPમાં 2.5 લાખથી વધુના પ્રીમિયમ પર નહિ મળે ટેક્સમાં છૂટ
ULIPમાં 2.5 લાખથી વધુના પ્રીમિયમ પર ટેક્સમાં છૂટ નહિ મળે

CBDT એ આવકવેરાની કલમ 10 (10d) હેઠળ જારી કરાયેલ માર્ગદર્શિકામાં જણાવ્યું છે કે 2020-21 પછી ULIP પર કર મુક્તિની ગણતરી માટે કુલ પ્રીમિયમની મર્યાદા રૂ.2.5 લાખથી વધુ ન હોવી જોઈએ.

TV9 GUJARATI

| Edited By: Ankit Modi

Jan 24, 2022 | 7:57 AM

સેન્ટ્રલ બોર્ડ ઓફ ડાયરેક્ટ ટેક્સિસ (CBDT) એ નાણાકીય વર્ષ 2021-22 માટે યુનિટ લિન્ક્ડ ઈન્સ્યોરન્સ પ્લાન (ULIP) પર કર મુક્તિની મર્યાદામાં ઘટાડો કર્યો છે જેનાથી કરદાતાઓને મોટો આંચકો લાગ્યો છે. તાજેતરમાં જારી કરાયેલા પરિપત્રમાં બોર્ડે આવકવેરા મુક્તિ માટે યુલિપના પ્રીમિયમની મર્યાદા રૂ. 2.5 લાખ કરી છે. જે કરદાતાઓ વધુ પ્રીમિયમ ચૂકવે છે તેમણે લોંગ ટર્મ કેપિટલ ગેઈન (LTCG) ટેક્સ ચૂકવવો પડશે. નાણામંત્રી નિર્મલા સીમાતરમને બજેટ 2020-21માં જ આ જોગવાઈ કરી હતી જે ચાલુ નાણાકીય વર્ષથી લાગુ કરવામાં આવશે.

CBDT એ આવકવેરાની કલમ 10 (10d) હેઠળ જારી કરાયેલ માર્ગદર્શિકામાં જણાવ્યું છે કે 2020-21 પછી ULIP પર કર મુક્તિની ગણતરી માટે કુલ પ્રીમિયમની મર્યાદા રૂ.2.5 લાખથી વધુ ન હોવી જોઈએ. વાસ્તવમાં ULIP એ આવકવેરા કપાત માટે સૌથી વધુ ઉપયોગમાં લેવાતો વિકલ્પ છે કારણ કે તે ડબલ ટેક્સ કપાત ઓફર કરે છે. પ્રથમ જ્યારે વીમો ખરીદવામાં આવે છે ત્યારે તેનું પ્રીમિયમ આવકવેરાની કલમ 80C હેઠળ કર કપાતપાત્ર છે. આ મહત્તમ રૂ. 1.5 લાખ હોઈ શકે છે. બીજી મુક્તિ આવકવેરાની કલમ 10 (10d) હેઠળ વીમા પર વીમાની રકમ પર ઉપલબ્ધ છે જેના પર અમુક વિશેષ નિયમો પણ લાગુ પડે છે. સરકારે આ નિયમમાં ફેરફાર કર્યો છે જેનાથી ટેક્સ મુક્તિની મર્યાદાને અસર થશે.

નવો કાયદો શું કહે છે?

ફાઇનાન્સ એક્ટ 2021 જણાવે છે કે જો યુલિપનું કુલ પ્રીમિયમ રૂ. વાર્ષિક 2.5 લાખથી વધુ હોય તો તેના પરની વીમાની રકમ આવકવેરા મુક્તિના અવકાશમાંથી બાકાત રાખવામાં આવશે. સૂચિતાર્થ સ્પષ્ટ છે કે જો કોઈ કરદાતાએ રૂ. 2.5 લાખથી વધુનું પ્રીમિયમ ચૂકવ્યું હોય તેમાં સમ એશ્યોર્ડ રકમમાં બોનસ તરીકે મળેલી રકમનો પણ સમાવેશ થશે.

આ પોલિસી પ્રભાવિત થશે નહીં

1 ફેબ્રુઆરી, 2021 પહેલાં કરવામાં આવેલી ખરીદી પર નવા નિયમોની અસર થશે નહીં અને કરદાતાઓ ભવિષ્યની વીમા રકમ પર અગાઉની જેમ જ આવકવેરા કપાતનો દાવો કરી શકશે. આ પછી ખરીદેલ તમામ યુલિપ પર પ્રીમિયમની મહત્તમ મર્યાદા લાગુ થશે. જો કરદાતા એક કરતાં વધુ પોલિસી ખરીદે છે, તો તેની ગણતરી તમામ પોલિસીના કુલ પ્રીમિયમને ઉમેરીને કરવામાં આવશે.

આ કિસ્સામાં તમને સંપૂર્ણ છૂટ મળશે

જો વીમાધારક પોલિસીની પાકતી મુદત પહેલા મૃત્યુ પામે છે તો તેના પરિવારને વીમાની રકમ તરીકે પ્રાપ્ત થયેલી સંપૂર્ણ રકમ પર કર મુક્તિ આપવામાં આવશે. ભલે આ વીમાનું પ્રીમિયમ 2.5 લાખની મર્યાદાથી વધુ હોય.

આ પણ વાંચો :  Adani Wilmar IPO : ગ્રે માર્કેટ લગાવી રહ્યું છે Gautam Adani ની કંપનીના ધમાકેદાર લિસ્ટિંગનું અનુમાન, જાણો કેટલું છે GMP

આ પણ વાંચો : SENSEX ની TOP 10 કંપનીઓના માર્કેટ કેપમાં 2.53 લાખ કરોડ રૂપિયાનો ઘટાડો, કરો એક નજર બજારની સ્થિતિ ઉપર

Follow us on

Related Stories

Most Read Stories

Click on your DTH Provider to Add TV9 Gujarati