Land Roverની નવી ડિફેન્ડર થઈ લોન્ચ, 4 સેકન્ડમાં જ પકડશે 100 કિમીની ઝડપ

લક્ઝરી કાર ઉત્પાદક લેન્ડ રોવરે તેની નવી કાર ડિફેન્ડર ઓક્ટો લોન્ચ કરી છે. આ કારમાં ઘણા આધુનિક ફીચર્સ આપવામાં આવ્યા છે. કંપનીએ આ કારને 4×4 સેટઅપ સાથે લોન્ચ કરી છે. આ કારનું ગ્રાઉન્ડ ક્લિયરન્સ પણ 319 mm છે.

લેન્ડ રોવર ડિફેન્ડર ઓક્ટાનું એન્જિન

કંપનીએ આ નવી કારમાં 4.4 લિટર V8 એન્જિન આપ્યું છે. આ એન્જિન 635 bhpની મહત્તમ પાવર સાથે 750 Nmનો પીક ટોર્ક જનરેટ કરે છે. કંપનીના જણાવ્યા અનુસાર, આ કાર માત્ર 4 સેકન્ડમાં 0 થી 100 કિમીની ઝડપ પકડવામાં સક્ષમ છે.

લેન્ડ રોવર ડિફેન્ડર ઓક્ટાની ડિઝાઇન

લેન્ડ રોવરની આ નવી કારને કંપનીએ આધુનિક રીતે તૈયાર કરી છે. આ કારમાં અંડરબોડી પ્રોટેક્શન આપવામાં આવ્યું છે. કંપનીના જણાવ્યા અનુસાર આ કાર 1 મીટર ઊંડા પાણીમાં પણ સરળતાથી દોડી શકે છે. કંપનીએ આ કારને શ્રેષ્ઠ ઓફરોડ કાર તરીકે લોન્ચ કરી છે. આ કારમાં 20 ઈંચના ફોર્જ્ડ એલોય વ્હીલ્સ આપવામાં આવ્યા છે જે સરળતાથી પર્વતો પર પણ ચઢી શકે છે.

Web Stories View more

ચોમાસામાં ગોળની ચા પીવાના 10 ફાયદા જાણો

હાર્દિકના ઘરે વર્લ્ડ કપ જીતની ઉજવણી, પત્ની નતાશા ગેરહાજર ! ભાભી પંખુરીએ શેર કરી તસવીર

ફેટી લીવર હોય તો સવારે શું ખાવું ?

વિરાટ કોહલી તેના બાળપણના કોચને ગળે મળતા જ થયો ભાવુક, જુઓ તસવીર

જ્યાં છે અંબાણીનું ઘર એન્ટિલિયા ત્યાં જમીનના ભાવ શું છે? આટલામાં મળશે એક ફ્લેટ

રમ, વ્હિસ્કી, વાઇન અને બીયર... શેમાં નશો વધારે થાય ?

લેન્ડ રોવર ડિફેન્ડર ઓક્ટાની ખાસિયત

આ નવી કારમાં ઘણા શાનદાર ફીચર્સ આપવામાં આવ્યા છે. તેની સી પિલર પર નવી ડિઝાઇન અને ડાયમંડ ઓક્ટા બેજ છે. તેની સીટ 3D નીટથી બનેલી છે જે એકદમ યુનિક લાગે છે. આ સિવાય આ ઑફરોડ કારમાં એક બેસ્ટ હેડરેસ્ટ, 11.4-ઇંચની ઇન્ફોટેનમેન્ટ સ્ક્રીન સાથેનું સેન્ટર કન્સોલ પણ છે. આટલું જ નહીં, કંપનીએ આ કારને પેટ્રા કોપર અને ફારો ગ્રીન પેઇન્ટ થીમ સાથે લોન્ચ કરી છે જે યુવાનોને આકર્ષે છે.

લેન્ડ રોવર ડિફેન્ડર ઓક્ટાની કિંમત

તમને જણાવી દઈએ કે લેન્ડ રોવરે ભારતમાં તેની નવી ડિફેન્ડર ઓક્ટાને 2.65 કરોડ રૂપિયા (એક્સ-શોરૂમ) ની કિંમતે લોન્ચ કરી છે. આ કારના એડિશન વનની એક્સ-શોરૂમ કિંમત 2.85 કરોડ રૂપિયા હશે. આ કારનું બુકિંગ 31મી જુલાઈ 2024થી શરૂ થશે. કંપની આ વર્ષના અંત સુધીમાં નવા ડિફેન્ડર ઓક્ટાની ડિલિવરી શરૂ કરી શકે છે.