EVનો વધી રહ્યો છે ટ્રેન્ડ ! સ્કૂટર ખરીદતા સમયે આવી ભૂલ ના કરશો, ધ્યાનમાં રાખો આ બાબત

આજે ઇલેક્ટ્રિક વાહનોની માંગ ઝડપથી વધી રહી છે. લોકો EV કારથી લઈને EV મોટરસાઇકલ સુધીની દરેક વસ્તુને ઝડપથી અપનાવી રહ્યા છે. આવી સ્થિતિમાં, ઇલેક્ટ્રિક સ્કૂટર પણ પાછળ નથી. હવે ફક્ત મોટા શહેરોમાં જ નહીં પરંતુ નાના શહેરોમાં પણ ઇલેક્ટ્રિક સ્કૂટરની માંગ ઝડપથી વધી રહી છે. જો તમે નવું ઇલેક્ટ્રિક સ્કૂટર ખરીદવાનું પણ વિચારી રહ્યા છો, તો તમારે કેટલીક મહત્વપૂર્ણ બાબતો ધ્યાનમાં રાખવી જોઈએ. ચાલો જાણીએ કે ખરીદતા પહેલા કઈ બાબતોને અવગણવી ન જોઈએ.

સર્વિસ સેન્ટર સૌથી મહત્વપૂર્ણ છે

જો તમે ઇલેક્ટ્રિક સ્કૂટર ખરીદવાનું વિચારી રહ્યા છો, તો સૌ પ્રથમ ખાતરી કરો કે તે કંપનીનું સર્વિસ સેન્ટર તમારા શહેરમાં છે કે નહીં. જો સર્વિસ સેન્ટર ઉપલબ્ધ છે, તો પછી આગળની યોજના બનાવો. આની સાથે એ પણ તપાસો કે તમે જે સ્કુટર ખરીદવા જઈ રહ્યાં છો તે સ્કુટરના સ્પેરપાર્ટ્સ સરળતાથી ઉપલબ્ધ થશે કે નહીં.

રેન્જ

સર્વિસ સેન્ટર અને જરૂરી સ્પેરપાર્ટ્સની ઉપલબ્ધતાની તપાસ કર્યા પછી, આગળનું સૌથી મહત્વપૂર્ણ પાસું છે સ્કુટરની રેન્જ. સ્કૂટી એક વાર પૂર્ણકક્ષાએ ચાર્જ કરવા પર કેટલું અંતર કાપી શકે છે તે જાણવું મહત્વપૂર્ણ છે. શહેરના ટ્રાફિક અને સ્કુટર પરના વજનના આધારે વાસ્તવિક એવરેજ ઓછી હોઈ શકે છે. ઉદાહરણ તરીકે, જો કંપની 100 કિમીની રેન્જનો દાવો કરે છે, વાસ્તવિક ઉપયોગમાં તે લગભગ 80-90 કિમી હોઈ શકે છે. જો તમે લાંબા અંતરની મુસાફરી કરો છો, તો ઓછામાં ઓછી 100 કિમી કે તેથી વધુ રેન્જવાળી સ્કૂટી પસંદ કરો.

બેટરી અને ચાર્જિંગ

સ્કૂટી ખરીદતી વખતે, બેટરીનો પ્રકાર તપાસો. લિથિયમ-આયન બેટરી વધુ સારી હોય છે. તે હલકી, ટકાઉ હોય છે અને ઝડપથી ચાર્જ થાય છે. લીડ-એસિડ બેટરી સસ્તી હોય છે પરંતુ ભારે હોય છે અને તેની આવરદા પ્રમાણમાં ઓછી હોય છે. આ સાથે, એ જાણવું પણ મહત્વપૂર્ણ છે કે સ્કૂટીને સંપૂર્ણ ચાર્જ થવામાં કેટલો સમય લાગે છે (સામાન્ય રીતે 4-6 કલાક). જો ઝડપી ચાર્જિંગ સપોર્ટ ઉપલબ્ધ હોય, તો તે વધુ સારો વિકલ્પ હોઈ શકે છે. બેટરીની વોરંટી અને જીવન ચક્ર પણ તપાસો.

સુવિધાઓ અને ટેકનોલોજી

આજકાલ, સ્કૂટીમાં અદ્યતન સુવિધાઓ પણ ઉપલબ્ધ છે. નવી સ્કૂટી ખરીદતી વખતે, ડિસ્પ્લે, સ્માર્ટ કનેક્ટિવિટી, મોબાઇલ એપ્લિકેશન સપોર્ટ, સ્ટોરેજ સ્પેસ અને અન્ય સુવિધાઓ તપાસો. રિવર્સ મોડ, રિજનરેટિવ બ્રેકિંગ વગેરે જેવી સલામતી સુવિધાઓ પણ તપાસો.

ટેસ્ટ રાઇડ લો

કોઈપણ ઇલેક્ટ્રિક સ્કૂટી ખરીદતા પહેલા, ટેસ્ટ રાઇડ લો. આરામદાયક, હેન્ડલિંગ, બ્રેકિંગ અને પિકઅપ કાળજીપૂર્વક તપાસો. ઉબડખાબડ રસ્તાઓ પર સ્કૂટરના ચાલવાનું પણ પરીક્ષણ કરો. ઉપરાંત, સોશિયલ મીડિયા કે ઓનલાઈન કરાયેલ સમીક્ષાઓ (યુટ્યુબ, ગૂગલમાં વપરાશકર્તાએ કરેલ ટિપ્પણીઓ ) વાંચો જેથી તમે વાસ્તવિક અનુભવ જાણી શકો.

ઓટોમોબાઈલ ઉદ્યોગમાં વાહનોની ડિઝાઇન, ઉત્પાદન, માર્કેટિંગ અને વેચાણનો સમાવેશ થાય છે. Automobile ના આવા અન્ય સમાચાર વાંચવા માટે અહીં ક્લિક કરો.