Vadodara : SOGના પીઆઈની પત્ની 1 મહીનાથી ભેદી સંજોગોમાં ગુમ, પોલીસે તપાસ હાથ ધરી

વડોદરા એસઓજીમાં (Vadodara SOG ) ફરજ બજાવતા પીઆઇ એ.એ. દેસાઇની પત્ની છેલ્લા 1 મહિનાથી ભેદી સંજોગોમાં ગુમ થઇ છે. પોલીસે વધુ તપાસ હાથ ધરી છે.

આણંદ જિલ્લાના ઉમરેઠ તાલુકાના પણસોરા ગામમાં રહેતા જયદીપ મહેન્દ્રભાઇ પટેલે કરજણ પોલીસ સ્ટેશનમાં જાણવાજોગ ફરિયાદ નોંધાવી છે. જેમાં તેમણે જણાવ્યું છે કે, મારી બહેન સ્વીટી કરજણ નવાબજાર વિસ્તારમાં ભક્તિનગર ત્રણ રસ્તા પાસે પ્રયોશા સોસાયટીમાં રહે છે.

તેઓ તા.6 જૂનના રોજ રાત્રે એક વાગ્યાથી સવારે સાડા આઠ વાગ્યા સુધીમાં પોતાનો ફોન અને બે વર્ષના પુત્ર અંશને મૂકીને કોઇને કહ્યા વગર જતા રહ્યા છે. સ્વિટીબેનના ભાઇ જયદીપ મહેન્દ્રભાઇ પટેલે 11 જૂને કરજણ પોલીસમાં જાણ કરતાં જાણવા જોગ ફરિયાદ નોંધીને શોધખોળ શરૂ કરાઈ હતી.