Animal Funny Video: બાળકની જેમ પગ વડે ટાયર ચલાવતો જોવા મળ્યો ગજરાજ, વીડિયો જોઈને લોકોને યાદ આવ્યું બાળપણ

ઈન્ટરનેટની દુનિયામાં હાથીઓના વીડિયો વાયરલ થતા રહે છે. ઘણી વખત તે એવા કારનામાં કરવા લાગે છે. જેને જોઈને આપણને આપણી આંખો પર વિશ્વાસ નથી થતો (Elephant Viral Video). જો કે આ ધરતીના આ મહાકાય પ્રાણીની ગણતરી વિશ્વના સૌથી બુદ્ધિશાળી પ્રાણીઓમાં થાય છે, પરંતુ આ પ્રાણી પણ એટલું જ મજેદાર છે. હાલમાં પણ એક હાથીનો ફની વીડિયો લોકોમાં ચર્ચામાં છે. જેમાં એક હાથી કારના પૈડાં સાથે રમતા જોવા મળે છે. જેવી રીતે આપણે બધા બાળપણમાં સાયકલ અથવા બાઈકના વ્હીલ અથવા ટાયર સાથે રમતા હતા.

જૂઓ ગજરાજનો રમૂજી વીડિયો…

Can you relate this to your childhood pic.twitter.com/vcpAJmdbfM

— Susanta Nanda IFS (@susantananda3) February 22, 2022

વાયરલ થઈ રહેલા વીડિયોમાં તમે જોઈ શકો છો કે એક હાથી કારના ટાયર સાથે રમતા જોવા મળી રહ્યો છે. ગજરાજ તેની રમતને લઈને ખૂબ જ ઉત્સાહિત દેખાય છે. હાથી પહેલા ટ્રકના ટાયરને તેની થડમાં લટકાવીને લાવે છે અને પછી તેને સીધો ઉભો કરે છે. હાથી તેની લાત વડે વ્હીલને ધક્કો મારે છે. જેના કારણે ટાયર ચાલે છે અને હાથી તેની પાછળ ભાગે છે.

લોકોને બાળપણ આવ્યું યાદ

આ વીડિયો ભારતીય વન અધિકારી સુશાંત નંદાએ પોતાના ટ્વિટર પરથી શેયર કર્યો છે. જેની સાથે તેણે ફની કેપ્શન પણ લખ્યું છે. સમાચાર લખાય છે ત્યાં સુધી આ વીડિયોને 40 હજારથી વધુ વ્યૂઝ મળી ચૂક્યા છે. આ સાથે લોકો આ વીડિયો પર પોતાની પ્રતિક્રિયા આપી રહ્યા છે.

આ વીડિયો જોયા બાદ 90ના દાયકાના બાળકો તેની સાથે પોતાને રિલેટ કરી રહ્યાં છે. એક યુઝરે તો પોતાને હાથીની જેમ ગોલું-મોલું પણ કહ્યો, જ્યારે ઘણા લોકોએ કમેન્ટ સેક્શનમાં કહ્યું કે, આ વીડિયો જોયા બાદ તેને પોતાનું બાળપણ યાદ આવી ગયું.

આ પણ વાંચો: Viral: બે હાથીઓ વચ્ચે થઈ જોરદાર ટક્કર, જીતવા માટે હાથી પણ આવું કરી શકે લોકોને લાગી નવાઈ

આ પણ વાંચો: ગજરાજે જેસીબી મશીન સાથે બાથ ભીડી પછી થયું કંઈક આવું, જુઓ Viral વીડિયો