પાટણ હારીજ હાઈવે પર ટ્રેલરે કારને અડફેટે લેતા સર્જાયો વિચિત્ર અકસ્માત, જુઓ CCTV વીડિયો
ટ્રેલરે હાઈવે પર કારને અડફેટે લીધી હતી અને કન્ટેનર કારની બીલકુલ પાછળ પડીને ઘસડાયું હતુ. આમ કન્ટેનર કારની ઉપર પડતા સહેજ માટે રહી ગયુ હતું. જેને લઈ મોટી જાનહાની સર્જાતી ટળી ગઈ હતી. કારને પણ ભારે નુક્સાન પહોંચ્યું હતું.કારના ચાલકને માટે જાણે કે મોત સહેજ છેટું રહી ગયું હોવાનો અહેસાસ થઈ ગયો હતો.
વહેલી સવારના અરસા દરમિયાન પાટણ-હારીજ હાઈવે પર અકસ્માત સર્જાયો હતો. ટ્રક ટ્રેલર અને એક કાર વચ્ચે વિચિત્ર અકસ્માત સર્જાયો હતો. કાર અને ટ્રક ટ્રેલર બંને એક જ દિશામાં પસાર થઈ રહ્યા હતા. આ દરમિયાન ટ્રેલરના ચાલકે કાબૂ ગૂમાવ્યો હોય એમ પ્રાથમિક જણાઈ રહ્યું છે. જેમાં ટ્રેલરમાં રહેલ ભારેખમ કન્ટેનર સરકીને નીચે પડ્યું હતુ.
કન્ટેનર નીચે સરકવા દરમિયાન જ એક કાર બાજુમાંથી પસાર થઈ રહી હતી. જેને ટ્રેલરે અડફેટે લીધી હતી અને કન્ટેનર કારની બીલકુલ પાછળ પડીને ઘસડાયું હતુ. આમ કન્ટેનર કારની ઉપર પડતા સહેજ માટે રહી ગયુ હતું. જેને લઈ મોટી જાનહાની સર્જાતી ટળી ગઈ હતી. કારને પણ ભારે નુક્સાન પહોંચ્યું હતું. કારના ચાલકને માટે જાણે કે મોત સહેજ છેટું રહી ગયું હોવાનો અહેસાસ થઈ ગયો હતો. કારણ કે મોત આગળ, પાછળ અને ઉપર એમ ત્રણેય બાજુ હતુ પરંતુ એ વચ્ચે તેનો આશ્ચર્યજનક બચાવ થયો હતો.
આ પણ વાંચો: ઉત્તર ગુજરાતના ડેમ-જળાશયોમાં નવા પાણી નહીં આવતા ચિંતા, ધરોઈ, સીપુ અને દાંતીવાડાની જાણો સ્થિતિ
