વડોદરામાં પરંપરાગત ગરબા નિહાળી વિદેશી ડેલિગેટ્સ થયા મંત્રમુગ્ધ, શક્તિ-ભક્તિ અને ગુજરાતની સંસ્કૃતિનો નજીકથી કર્યો અનુભવ- Video

વડોદરામાં સાંસદ ડૉ હેમાંગ જોષીની આગેવાની હેઠળ આયોજિત વડોદરા ઈન્ટરનેશનલ ગરબા ફેસ્ટિવલ 2026 ખાસ આકર્ષણનું કેન્દ્ર બન્યયા. લક્ષ્મી વિલાસ પેલેસથી નવલખી મેદાન સુધી ગરબાનો રંગ જામ્યો હતો.

નવરાત્રિ એટલે જગત જનની, મા જગદંબાની આરાધનાનો અવસર. ગુજરાત માટે નવરાત્રિનો તહેવાર તેની ભાતિગળ ઓળખ બની ગયો છે કારણ કે એકમાત્ર ગુજરાતમાં નવરાત્રિ દરમિયાન નવ દિવસ સુધી રાત્રે ગરબે રમી માની આરાધના કરવાની પરંપરા છે. હાલ ગુજરાતભરમાં ગરબા જાત-ભાતના અલગ અલગ ગરબા મહોત્સવ ચાલી રહ્યા છે. ત્યારે સંસ્કારી નગરી વડોદરામાં પણ પરંપરાગત ગરબાનું આયોજન કરવામાં આવ્યુ હતુ.

વડોદરામાં ગુજરાતીઓની સાથે-સાથે જ વિદેશીઓ પણ ગરબાના તાલે મંત્રમુગ્ધ થઈ ગયા. સાંસદ ડૉ. હેમાંગ જોષીની આગેવાની હેઠળ યોજાયેલા વડોદરા ઇન્ટરનેશનલ ગરબા ફેસ્ટિવલ-2026માં વિદેશી રાજદ્વારીઓ અને પ્રતિનિધિમંડળે ગુજરાતી સંસ્કૃતિનો અનોખો અનુભવ માણ્યો. લક્ષ્મી વિલાસ પેલેસ ખાતે માતા આદ્યશક્તિની આરતી અને હજારો ખેલૈયાઓની તાલબદ્ધ ગરબાની રમઝટે સૌને અભિભૂત કર્યા. માતાજીના મંદિરના પ્રાંગણમાં વિદેશી મહેમાનો પણ ગરબે ઘૂમ્યા અને ભક્તિ, સંગીત તથા પરંપરાના આ દિવ્ય સંગમનો આનંદ માણ્યો.

લક્ષ્મી વિલાસ પેલેસથી માતા આદ્યશક્તિની આરાધના અને પરંપરાગત ગરબાની રમઝટ વિદેશી ડેલિગેટ્સ માટે આકર્ષણનું કેન્દ્ર બની. tv9 સાથેની વાતચીતમાં પણ આ રાજદ્વારીઓએ તેમનો ગુજરાતની નવરાત્રિનો અનુભવ વર્ણવતા જણાવ્યુ કે તેઓ ખૂબ ઉત્સાહિત છે આ ગરબા મહોત્સવ માણીને અને હજુ આખી રાત સુધી તેઓ ગરબા ઉત્સવની મજા માણશે.

Input Credit- Anjali Ojha- Ahmedabad

“જીવતી કે મરેલી મને મારી દીકરી લાવી આપો, મારે બીજુ કંઈ નથી જોઈતુ..” ગટરમાં પડેલી બાળકીની માતાનો વલોપાત … 24 કલાક બાદ નથી મળ્યો કોઈ પત્તો