Surat Crime : સુરતમાં ગણેશ પંડાલ પર પથ્થરમારો, રોષે ભરાયેલા લોકોએ પોલીસ ચોકીનો ઘેરાવ કર્યો, અત્યાર સુધીમાં 33ની ધરપકડ
Ganpati Pandal in surat : ગણપતિ પંડાલ પર પથ્થરમારો કર્યા બાદ લોકોએ સૈયદપુરા પોલીસ ચોકીને ઘેરી લીધી હતી. આ ઘટના બાદ ધારાસભ્ય કાંતિ બલર પણ ઘટનાસ્થળે પહોંચી ગયા હતા. અહીં તેમણે કહ્યું કે આરોપીઓને છોડવામાં આવશે નહીં અને પોલીસ કડક કાર્યવાહી કરશે તેવી ખાતરી આપી હતી.
Surat ganesh Pandal : ગુજરાત સહિત દેશભરમાં ગણેશ ઉત્સવ પૂરજોશમાં ચાલી રહ્યો છે. લોકો બાપ્પાની આસ્થામાં લીન છે. આવા સંજોગોમાં સુરતના સૈયદપુરા વિસ્તારમાં અસામાજિક તત્વો દ્વારા ગણપતિ પંડાલ પર પથ્થરમારાની ઘટનાને પગલે વાતાવરણ ગરમાયું હતું. જે બાદ રોષે ભરાયેલા લોકોએ પોલીસ ચોકીનો ઘેરાવ કર્યો હતો.
લોકોએ સૈયદપુરા પોલીસ ચોકીને ઘેરી
મળતી માહિતી મુજબ ગુસ્સે ભરાયેલા લોકોએ સૈયદપુરા પોલીસ ચોકીને ઘેરી લીધી હતી. આ ઘટના બાદ ધારાસભ્ય કાંતિ બલર પણ ઘટનાસ્થળે પહોંચી ગયા હતા. અહીં તેમણે કહ્યું કે આરોપીઓને છોડવામાં આવશે નહીં અને પોલીસ કડક કાર્યવાહી કરશે તેવી ખાતરી આપી હતી.
VIDEO | Protests erupted after reports of stone-pelting at a Ganesh procession in Gujarat’s Surat earlier today (Sunday). More details awaited. pic.twitter.com/lTIaBy8ZyT
— Press Trust of India (@PTI_News) September 8, 2024
(Credit Source : @PTI_News)
પોલીસે જણાવ્યું કે આ વિસ્તારમાં પોલીસ બંદોબસ્ત ગોઠવી દેવામાં આવ્યો છે. તેમજ હંગામા દરમિયાન લાઠીચાર્જ કરવામાં આવ્યો હતો અને જરૂર જણાય ત્યાં ટીયર ગેસનો ઉપયોગ કરવામાં આવ્યો હતો. શાંતિ ભંગ કરનારા તમામ આરોપીઓની ધરપકડ કરવામાં આવી રહી છે.
પોલીસે 6 લોકોની ધરપકડ કરી હતી
ગુજરાતના ગૃહમંત્રી હર્ષ સંઘવીએ જણાવ્યું કે, સુરતના સૈયદપુરા વિસ્તારમાં ગણેશ પંડાલ પર છ લોકોએ પથ્થરમારો કર્યો હતો. આ તમામ 6 લોકોની ધરપકડ કરવામાં આવી છે અને પોલીસે આવી ઘટનાને પ્રોત્સાહન આપવા માટે સામેલ અન્ય 27 લોકોની પણ ધરપકડ કરી છે. હાલ આ કેસની તપાસ ચાલી રહી છે. સુરતના તમામ વિસ્તારોમાં પોલીસ તૈનાત છે. શાંતિ ભંગ કરનારા સામે કાર્યવાહી કરવામાં આવશે.
#WATCH | Surat: Gujarat Home Minister Harsh Sanghvi says, “In the Sayedpura area of Surat, today 6 people pelted stone on the Ganesh Pandal…All these 6 people were arrested and the police have also arrested the other 27 people who were involved in encouraging such… https://t.co/eajyY1ngWy pic.twitter.com/dgPNib18pV
— ANI (@ANI) September 8, 2024
(Credit Source : @ANI)
પોલીસે ટીયર ગેસનો ઉપયોગ કર્યો હતો
સુરત પોલીસ કમિશનર અનુપમ સિંહ ગેહલોતે જણાવ્યું હતું કે, કેટલાક લોકોએ ગણેશ પંડાલ પર પથ્થરમારો કર્યો હતો. જેના પગલે અથડામણ થઈ હતી. પોલીસે તેમને તરત જ ત્યાંથી હટાવ્યા હતા. વિસ્તારમાં પોલીસ બંદોબસ્ત ગોઠવી દેવામાં આવ્યો છે. જરૂર જણાય ત્યાં લાઠીચાર્જ કરવામાં આવ્યો અને ટીયર ગેસનો ઉપયોગ કરવામાં આવ્યો. શાંતિ ભંગ કરનારા તમામ આરોપીઓની ધરપકડ કરવામાં આવી રહી છે. ચારે બાજુ લગભગ 1000 પોલીસકર્મીઓ તૈનાત છે.
#WATCH | Gujarat: Surat Police Commissioner Anupam Singh Gehlot says, “Some children pelted stones at a Ganesh pandal after which a clash broke out. The police immediately took away those children from there…Police were immediately deployed in the area. Lathi charge was done in… pic.twitter.com/h3eNyVmIRX
— ANI (@ANI) September 8, 2024
(Credit Source : @ANI)
