Rajkot: RMCએ લીધેલા કપાસિયા તેલના નમૂના થયા ફેલ, કપાસિયા તેલમાં પામોલીન તેલની ભેળસેળ, જુઓ Video
રાજકોટમાં ખાદ્યતેલમાં ભેળસેળ હોવાનું સામે આવ્યું છે. RMCએ લીધેલા કપાસિયા તેલના નમૂના ફેલ થયા છે. કપાસિયા તેલમાં પામોલીન તેલની ભેળસેળનો ખુલાસો થયો છે. લેબોરેટરી તપાસમાં કપાસિયા તેલમાં ભેળસેળ હોવાનું ખુલ્યું હતું.
Rajkot: હળદર નકલી, મરી-મસાલા નકલી, વરીયાળી અને જીરુ પણ નકલી. ગોળ અને પનીરના નમૂના પણ ફેલ. જોકે હવે તો ખાદ્યતેલ પણ અખાદ્ય હોવાનું સામે આવ્યું છે. લોકો માટે હવે સવાલ એ છે કે, ખાવું તો ખાવું શું? ગૃહિણીઓ ઘી-તેલથી માંડીને મસાલા અને ખાદ્ય પદાર્થોનો વિશેષ ઉપયોગ કરતી હોય છે. પણ નકલીનો વેપાર કરનારા લેભાગુ તત્વો લોકોના આરોગ્ય સાથે ખતરનાક ખેલ ખેલી રહ્યા છે. ત્યારે રાજકોટમાં હવે ખાદ્યતેલમાં પણ ભેળસેળ થતી હોવાનું સામે આવ્યું છે. રાજકોટ કોર્પોરેશને લીધેલા કપાસિયા તેલના નમૂના ફેલ થયા છે.
આ પણ વાંચો : રાજકોટ ગોંડલ ચોકડી બ્રિજ પર ગાબડું પડવા મુદ્દે Tv9ના અહેવાલની અસર અધિકારીઓએ સમારકામ કરવા આપી બાંહેધરી, જુઓ Video
કપાસિયા તેલમાં પામોલીન તેલની ભેળસેળ કરી લોકોના આરોગ્ય સાથે ખુલ્લેઆમ ચેડા થતાં હોવાનું સામે આવ્યું છે. આરોગ્ય અધિકારીનું કહેવું છે કે લેભાગુ તત્વો વધુ પૈસા કમાવવાની લ્હાયમાં ખાદ્ય તેલમાં ભેળસેળ કરી નફો કમાય છે. એટલું જ નહીં આ તેલથી બનેલી વસ્તુ ખાવાથી હ્યદયની બીમારી થતી હોવાનો પણ દાવો કર્યો છે તો બીજી તરફ આવા લેભાગુ તત્વો સામે કોર્પોરેશનની આરોગ્ય ટીમ આગામી દિવસોમાં પણ તપાસ કરતી રહેશે.
