Amreli જિલ્લામાં સાર્વત્રિક વરસાદથી ખેડૂતોમાં ખુશીની લહેર, શેત્રુંજી નદીમાં નવા પાણીની આવક

અમરેલી જિલ્લામાં 5 ઈંચ વરસાદ ખાબક્યો હતો. જેમાં બાબરા તાલુકામાં સૌથી વધુ વરસાદ પડ્યો હતો.લાઠી,અમરેલી અને વડીયા જેવા તાલુકાઓ વરસાદી પાણીથી તરબતોળ થયા હતા.

ગુજરાત(Gujarat) માં હવામાન વિભાગની આગાહી અનુસાર શરૂ થયેલા વરસાદ(Rain)ના અમરેલી(Amreli)જિલ્લામાં સાર્વત્રિક વરસાદ જોવા મળ્યો હતો.અમરેલી જિલ્લામાં 5 ઈંચ વરસાદ ખાબક્યો હતો. જેમાં બાબરા તાલુકામાં સૌથી વધુ વરસાદ પડયો હતો. જ્યારે લાઠી,અમરેલી અને વડીયા જેવા તાલુકાઓ વરસાદી પાણીથી તરબતોળ થયા હતા.

ભારે વરસાદને પગલે ઠેર ઠેર પાણી ભરાયા હતા.લાંબા વિરામ બાદ આવેલા નોંધપાત્ર વરસાદથી ખેડૂતોમાં ખૂશીનો માહોલ જોવા મળ્યો હતો. અમરેલીના ગ્રામ્ય વિસ્તારમાં પણ ધોધમાર વરસાદ પડતા ઉભા પાકને જીવતદાન મળ્યું છે. તેમજ સાર્વત્રિક વરસાદ પડતા ખેડૂતોએ રાહતનો શ્વાસ લીધો હતો.

ભારે વરસાદને પગલે અમરેલીની બજારોમાં નદીઓ વહેતી જોવા મળી.તો સ્થાનિક નદીઓમાં ઘોડાપૂરની સ્થિતિ સર્જાઇ છે. ધોધમાર વરસાદથી લાઠીના શેખપરીયા નજીકથી પસાર થતી ગાગડીયા નદીમાં ઘોડાપૂર આવ્યું તો કાલુભર નદીમાં પણ પૂરની સ્થિતિ સર્જાઇ છે. જ્યારે વિજપડી સહિતના ગામોમાં પાણી ભરાવાની સમસ્યા સર્જાઇ છે. દરિયાઇ પટ્ટી પર આવેલા રાજુલા, ખાંભા, જાફરાબાદ દરિયાઈ પટ્ટી વિસ્તારમાં ધોધમાર વરસાદ વરસી રહ્યો છે.

અમરેલી જિલ્લામાં વરસાદને કારણે જિલ્લાની સૌથી મોટી શેત્રુંજી નદીમાં નવા પાણીની આવક થઈ છે. ઉપરવાસમાં અને જંગલ વિસ્તારોમાં સારો વરસાદ થતાં શેત્રુંજી નદીની સપાટીમાં વધારો થયો છે. મીઠાપુર અને ધારીમાંથી પસાર થતી શેત્રુંજી નદીના પ્રવાહમાં પણ તેજી જોવા મળી છે. જો હજી સારો વરસાદ પડશે તો જળસંકટની સમસ્યા ઝડપથી ઉકેલાઈ જશે.

 આ પણ વાંચો : Surat પોલીસે ATM પર લોકો સાથે છેતરપીંડી કરતી ગેંગ ઝડપી, આવી હતી મોડસ ઑપરેન્ડી

આ પણ  વાંચો : Ahmedabad : એસ ટી નિગમના વિવિધ યુનિયનો આંદોલનના માર્ગ, માંગણી નહિ સંતોષાય તો 16 તારીખથી શરૂ કરશે આંદોલન

Click on your DTH Provider to Add TV9 Gujarati