આજનું હવામાન : ગુજરાતમાં જામશે વરસાદી માહોલ ! અનેક વિસ્તારોમાં પવન ફુંકાવાની સાથે વરસાદની આગાહી, જુઓ Video
હવામાન વિભાગની આગાહી અનુસાર આજે રાજ્યમાં બેવડી ઋતુનો અનુભવ થાય તેવી શક્યતા છે. આગામી 7 દિવસ છૂટાછવાયા સ્થળે વરસાદ પડે તેવી આગાહી કરવામાં આવી છે. શક્તિ વાવાઝોડું ધીમુ થઈને ડિપ્રેશનમાં પરિવર્તિત થયું છે.
હવામાન વિભાગની આગાહી અનુસાર આજે રાજ્યમાં બેવડી ઋતુનો અનુભવ થાય તેવી શક્યતા છે. આગામી 7 દિવસ છૂટાછવાયા સ્થળે વરસાદ પડે તેવી આગાહી કરવામાં આવી છે. શક્તિ વાવાઝોડું ધીમુ થઈને ડિપ્રેશનમાં પરિવર્તિત થયું છે. હાલ વેસ્ટર્ન ડિસ્ટર્બન્સના કારણે વરસાદની શક્યતા છે. 48 કલાક દક્ષિણ ગુજરાતમાં વરસાદની આગાહી કરવામાં આવી છે. આ ઉપરાંત દરિયાકાંઠા પર DC-1 સિગ્નલ લગાવવામાં આવ્યું છે. આગામી 3 દિવસ બાદ વરસાદની તીવ્રતા ઘટશે. તેમજ 3-4 દિવસમાં ચોમાસુ અન્ય જિલ્લામાં વિદાય લઈ શકે છે.
અંબાલાલ પટેલે કરી માવઠાની આગાહી
બીજી તરફ હવામાન શાસ્ત્રી અંબાલાલ પટેલની આગાહી અનુસાર સૌરાષ્ટ્ર અને ઉત્તર ગુજરાતના જિલ્લામાં વરસાદની શક્યતા છે. આગાહીકાર અંબાલાલ પટેલ પ્રમાણે રાજ્યમાં માવઠું પડી શકે છે. તો નવેમ્બરની શરૂઆતમાં ગુજરાતમાં માવઠું થઈ શકે છે. ગુજરાતના અનેક વિસ્તારોમાં દિવાળીના દિવસે વાદળછાયા વાતાવરણ સાથે પવન ફૂંકાશે. તો બેસતા વર્ષના દિવસે પણ વાદળછાયું વાતાવરણ રહી શકે છે. બનાસકાંઠા, મહેસાણા, પાટણ અને પૂર્વ ગુજરાતના ભાગો માં વરસાદની આગાહી કરવામાં આવી છે. અમદાવાદ, ગાંધીનગર સહિત મધ્ય ગુજરાતમાં વરસાદ પડી શકે છે. 18 થી 30 ઓક્ટોબર દરમિયાન બંગાળના ઉપસાગરમાં લો પ્રેશર બની શકે છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો
