Monsoon 2024 : 7 જિલ્લામાં વરસાદી તાંડવનું રેડ એલર્ટ, 12થી વધુ જિલ્લામાં હવામાન વિભાગે આપ્યું ઓરેન્જ એલર્ટ, જુઓ Video

સૌરાષ્ટ્રથી લઇને દક્ષિણ ગુજરાત અને મધ્ય ગુજરાત સાથે સાથે ઉત્તર ગુજરાતમાં પણ ભારેથી અતિ ભારે વરસાદની આગાહી કરવામાં આવી છે. અત્યાર સુધી ગુજરાતમાં સારો એવો વરસાદ વરસી ગયો છે અને આગામી દિવસોમાં પણ ગુજરાતમાં હજુ સારામાં સારો વરસાદ થશે તેવી શકયતાઓ છે.

હવામાન વિભાગે કરી વરસાદને લઈ આગાહી કરી છે. ગુજરાતમાં  સાત જિલ્લામાં રેડ એલર્ટ આપવામાં આવ્યુ છે. ઉત્તર ગુજરાત અને દક્ષિણ ગુજરાતના જિલ્લાઓમાં રેડ એલર્ટ છે. હવામાન વિભાગના જણાવ્યા અનુસાર  કેટલાક વિસ્તારમાં 8 ઈંચથી વધુ વરસાદ વરસી શકે છે. તો મધ્ય ગુજરાત સહિત સૌરાષ્ટ્ર-કચ્છમાં જિલ્લામાં ઓરેન્જ એલર્ટ આપવામાં આવ્યુ છે. 12થી વધુ જિલ્લામાં ભારે વરસાદનું ઓરેન્જ એલર્ટ છે.

આગાહીકાર અંબાલાલ પટેલે પણ ગુજરાતના કેટલાક ભાગોમાં ભારે વરસાદની આગાહી કરી છે. પંચમહાલ, છોટાઉદેપુર, અને વડોદરામાં ભારે વરસાદની વકી છે. આગામી કલાકોમાં 2થી 4 ઇંચ વરસાદ ગુજરાતના 10 અલગ અલગ શહેરોમાં પડવાની શક્યતાઓ છે.

આ તરફ આગાહીકાર પરેશ ગોસ્વામીનું માનવું છે કે ઓગસ્ટ મહિનામાં સારો વરસાદ જોવા મળશે. આગામી અઠવાડિયામાં રાજ્યના અનેક વિસ્તારોમાં વરસાદ પડી શકે છે. માત્ર ઓગસ્ટ જ નહીં સપ્ટેમ્બર મહિનામાં પણ સારામાં સારો વરસાદ જોવા મળી શકે છે.