અરવલ્લીઃ મોડાસામાં માર્ગો પર પાણી ભરાઈ રહેવાને લઈ સ્થાનિકો પરેશાન, જુઓ

Name: અરવલ્લીઃ મોડાસામાં માર્ગો પર પાણી ભરાઈ રહેવાને લઈ સ્થાનિકો પરેશાન, જુઓ
Uploaded: 2024-06-29T17:15:02+05:30
Duration: 10 min 52 s

મોડાસા શહેરના આરાધના સોસાયટી વિસ્તારમાં રસ્તા પર વરસાદી પાણી ભરાઈ ગયા છે. આ વિસ્તારમાં એક તરફ ગટરના પાણી ઉભરાતા હતા. ત્યાં હવે સોસાયટીમાં વરસાદી પાણી પણ તળાવની જેમ ભરાઈ જવા પામ્યા છે. જેને લઈ સ્થાનિકોમાં રોષ વ્યાપ્યો છે.

TV9 Gujarati | Edited By: Avnish Goswami | Updated on: Jun 29, 2024 | 5:15 PM

અરવલ્લીના મોડાસા શહેરમાં સ્થાનિકો નગર પાલિકા તંત્રને લઈ પરેશાન થઈ ચૂક્યા છે. મોડાસા નગર પાલિકા તંત્રના એક બાદ એક અણધડ વહિવટના કાર્યો સામે આવતા જ રહે છે. બે દિવસ અગાઉ એક મહિલાનો પગ ગટરના ઢાંકણાની જાળીમાં ફસાઈ ગયો હતો. હવે આરાધના સોસાયટી વિસ્તારમાં પાણી ભરાઈ જવાને લઈ સ્થાનિકો પરેશાન થઈ ગયા છે.

મોડાસા શહેરના આરાધના સોસાયટી વિસ્તારમાં રસ્તા પર વરસાદી પાણી ભરાઈ ગયા છે. આ વિસ્તારમાં એક તરફ ગટરના પાણી ઉભરાતા હતા. ત્યાં હવે સોસાયટીમાં વરસાદી પાણી પણ તળાવની જેમ ભરાઈ જવા પામ્યા છે. જેને લઈ સ્થાનિકોમાં રોષ વ્યાપ્યો છે. હજુ તો વરસાદની આવન જાવન વચ્ચે આવા દ્રશ્યો સર્જાઈ રહ્યા છે, તો ચોમાસુ જામશે ત્યારે કેવી સ્થિતિ સર્જાશે એ રોષ વર્તાઈ રહ્યો છે.