વાહન ટોઈંગ કરવાનું અને પછી તોડ કરીને છોડી મુકતા ટ્રાફિક પોલીસના કોન્સ્ટેબલને ACBએ ઝડપ્યો

બનાસકાંઠા જિલ્લાના મુખ્ય મથક પાલનપુર શહેરમાં એસીબીએ છટકું ગોઠવી હેડકોન્સ્ટેબલને ઝડપી લીધો છે. શહેરમાં અડચણરુપ વાહનોને ટોઈંગ કરીને ટ્રાફિક સંચાલન યોગ્ય રાખવા માટે કાર્યવાહી કરવામાં આવે છે. પરંતુ ટોઈંગ કરીને વાહનો ચાલકો પાસેથી તોડ કરીને પૈસા પડાવતા હોવાની ફરિયાદો ઉઠી હતી. જેમાં 100 રુપિયાથી 1000 સુધીની રકમ પડાવાતી હોવાની ફરિયાદ ઉઠી હતી.

આ પણ વાંચોઃ ભારતથી 496 KM દૂર દરિયાઈ ટાપુ પર ઇન્ટરનેટ 100 ગણું ઝડપી બન્યું, 3 ગુજરાતીઓની મહત્વની ભૂમિકા

આ અંગે ડિકોય છટકાંનુ આયોજન બનાસકાંઠા એસીબી પોલીસ સ્ટેશન દ્વારા ગોઠવવામાં આવ્યુ હતુ. જેમાં હેડ કોન્સ્ટેબલ દિલીપ હીરાભાઈ સોલંકી અને નારણ ધર્માભાઈ પરમાર કે જે ટોઈંગ રોજમદાર તરીકે કામ કરે છે. જેમને 300 રુપિયાની લાંચ લેતા ઝડપી લેવામાં આવ્યા છે. ડિકોયર તૈયાર કરીને એસીબીએ છટકુ ગોઠવતા લાંચના 300 રુપિયા લઈને બંનેએ ટોંઈંગ કરેલ વાહન બારોબાર જ છોડી મુકતા એસીબીએ ઝડપી લઈ કાર્યવાહી કરી હતી.

બનાસકાંઠા સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો