Mehsana : અસહ્ય બફારા બાદ મોડી સાંજે વરસાદ પડતા વાતાવરણમાં ઠંડક પ્રસરી
ગુજરાતમાં(Gujarat) હવામાન વિભાગની(IMD) આગાહી અનુસાર રાજ્યના અનેક જિલ્લાઓમાં વરસાદ પડ્યો છે. જેમાં મહેસાણા(Mehsana) જિલ્લામાં પણ આજે વરસાદી વાતાવરણ જામ્યું હતું. જેમાં જિલ્લામાં અસહ્ય બફારા અને ગરમી બાદ વરસાદ પડતા લોકોએ રાહત અનુભવી હતી.
ગુજરાતમાં(Gujarat) હવામાન વિભાગની(IMD) આગાહી અનુસાર રાજ્યના અનેક જિલ્લાઓમાં વરસાદ પડ્યો છે. જેમાં મહેસાણા(Mehsana) જિલ્લામાં પણ આજે વરસાદી વાતાવરણ જામ્યું હતું. જેમાં જિલ્લામાં અસહ્ય બફારા અને ગરમી બાદ વરસાદ પડતા લોકોએ રાહત અનુભવી હતી.નોંધનીય છે કે રાજ્યમાં 24 કલાકમાં રાજ્યના 102 તાલુકામાં વરસાદ નોંધાયો છે.પશ્ચિમ બંગાળમાં સર્જાયેલા સાયક્લોનિક સર્ક્યુલેશનથી ગુજરાતમાં ચોમાસાના વધુ એક રાઉન્ડનો પ્રારંભ થયો છે. હવામાન વિભાગના જણાવ્યા પ્રમાણે દક્ષિણ ગુજરાત અને સૌરાષ્ટ્રમાં હજુ પાંચ દિવસ ભારે વરસાદની આગાહી કરવામાં આવી છે. શહેરમાં સતત ત્રણ દિવસથી અસહ્ય ગરમી અને બફારો થઈ રહ્યો હતો. આજે પણ સવારથી ભારે બફારાના અનુભવ બાદ વાતાવરણમાં પલટો જોવા મળ્યો હતો અને ભારે પવન અને ગાજવીજ સાથે વરસાદ તૂટી પડતા વાતાવરણમાં ઠંડક પ્રસરી હતી.
આગામી પાંચ દિવસ હવામાન વિભાગે વરસાદની આગાહી કરી
ગુજરાતમાં આગામી પાંચ દિવસ હવામાન વિભાગે વરસાદની આગાહી કરી છે. જેમાં હવામાન વિભાગ દ્વારા સૌરાષ્ટ્ર, પૂર્વ અને મધ્ય ગુજરાત તેમજ દક્ષિણ ગુજરાતમાં ભારેથી અતિભારે વરસાદની આગાહી કરી છે. આ ઉપરાંત થન્ડરસ્ટોમ એક્ટિવિટીના કારણે ભારે પવન સાથે વરસાદની સંભાવના છે. તેમજ આજે રાજકોટ અને મોરબીમાં અતિભારે વરસાદની આગાહી કરી છે. જેમાં તેમજ જામનગર દેવભૂમિ દ્વારકા પોરબંદર જુનાગઢ અમરેલી ગીર સોમનાથ આણંદ ભરૂચ નર્મદા સુરત તાપી નવસારી અને વલસાડમાં છુટાછવાયા ભારે વરસાદની આગાહી છે.
હવામાન વિભાગે 12 સપ્ટેમ્બરે સુરત નર્મદામાં અતિ ભારે વરસાદની આગાહી તેમ જ વડોદરા ભરૂચ નવસારી તાપી વલસાડ પોરબંદર જુનાગઢ અમરેલી અને ભાવનગરમાં છુટાછવાયા ભારે વરસાદની આગાહી કરી છે. જ્યારે 13 સપ્ટેમ્બરે વડોદરા અને છોટાઉદેપુરમાં અતિભારે વરસાદની આગાહી ત્યારે અમદાવાદ ખેડા આણંદ મહીસાગર પંચમહાલ દાહોદ સુરેન્દ્રનગર બોટાદ ભાવનગર રાજકોટ અમરેલીમાં છુટાછવાયા ભારે વરસાદની આગાહી કરી છે.